“Mamona 1–2: O Le Perofeta o Mamona,” Tusi Lesona a Tagata o le Vasega o le Tusi a Mamona (2024)

“Mamona 1–2,” Tusi Lesona a Tagata o le Vasega o le Tusi a Mamona

Mamona 1–2

O le Perofeta o Mamona

A o e taumafai e mulimuli ia Keriso, o nisi taimi atonu e te maitauina ai e ese lau amio nai lo tagata o siomiaina oe. Atonu na e mafaufau, “E mafai faapefea ona lava lou malosi e mulimuli ai ia Keriso pe a foliga mai e le o mulimuli isi ia te Ia?” Sa oo foi le perofeta o Mamona i ni tulaga talitutusa a o talavou o ia. O lenei lesona e mafai ona fesoasoani ia te oe e malamalama ai mai le faataitaiga a Mamona i le ala e mulimuli ai ia Keriso tusa lava po o a mea e filifili isi e fai.

Tu matila ai o se soo o Iesu Keriso

pato pa’u lanu viole e tasi i se vaega o pato pa’u lanu sasama

O a faatusatusaga e mafai ona e faia i le va o lenei ata ma se tasi o loo taumafai e mulimuli ia Keriso i le lalolagi i aso nei?
O a nisi o tulaga e filifili ai le autalavou i le va o le faia o le mea sao ma le mulimuli i mea o loo faia e isi o loo siomia ai i latou?

A o amata ona e suesue i le soifuaga ma aoaoga a le perofeta o Mamona, vaavaai mo malamalamaaga e mafai ona fesoasoani ia te oe e mulimuli ai i le Faaola pe a ese le filifiliga a isi o loo siomia ai oe.

O le perofeta o Mamona

Na filifilia Mamona e le Atua e faasaoina ma puipuia faamaumauga paia a lona nuu ma faaopoopo atu i ai lona lava talafaasolopito ma aafiaga ia i latou. O nisi o talafaamaumau sa ia tusia, otootoina, ma faasaoina o le a faaliliuina mulimuli ane e le Perofeta o Iosefa Samita o le Tusi a Mamona.

Faitau fuaitau o mau nei e aoao ai ni nai mea e uiga ia Mamona:

O le a se mea na tulagaese ia te oe mai faamatalaga a Mamona?

E oo lava i le avea ai ma se alii talavou, sa tatauia Mamona ona filifili pe mafai ona ia mulimuli i mea sa faia e le toatele o loo siomia ai o ia, pe sa naunau foi o ia e tu matila o se soo o Iesu Keriso.

Atonu e te manatua lou aoaoina ai e uiga i le malo amiotonu lea na faavaeina ina ua mavae le asiasiga a le Faaola i Amerika. O le mea e faanoanoa ai, ina ua mavae le toeitiiti atoa le 200 tausaga o ola amiotonu, sa amata ona faamaualuga sa Nifae ma sa Lamana. Mulimuli ane, sa oo ina latou amioleaga tele ma fefinauai (tagai 4 Nifae 1:24–49).

Faitau le Mamona 1:13–14, 16; 2:18–19, ma vaavaai mo le faamatalaga a Mamona o le sosaiete sa ia ola a’e ai.

O le a se mea ua e aoaoina mai le faataitaiga a Mamona?

Ona o le amiotonu o Mamona, na ia maua ai faamanuiaga ofoofogia mai le Atua, e oo lava foi ina o talavou. Faitau le Mamona 1:15, ma vaavaai mo se tasi o nei faamanuiaga.

O a ni auala e ono faamanuiaina ai se talavou i aso nei i le “[tofo] ma [iloa] o le agalelei o Iesu”?
Na faapefea ona faamanuiaina oe e le Tama Faalelagi mo le mulimuli i le faataitaiga a Iesu Keriso tusa lava pe le o faia e isi?

Faataitaiga a Mamona

O le faataitaiga a Mamona e mafai ona fesoasoani ia te oe e faailoa ai nisi o auala patino e mafai ona e mulimuli ai ia Keriso e tusa lava pe le mulimuli isi o siomia oe. O gaoioiga nei e mafai ona fesoasoani ia te oe e faalolotoina ai lou malamalama i uiga o Mamona ma faailoa ai auala e faaaoga ai i le mulimuli ai ia Keriso.

Gaoioiga 1

O le mafaufau lelei

Tusi Lesona a le Faiaoga o le Tusi a Mamona (2024)—“Mamona 1–2: O Le Perofeta o Mamona”

Faitau le Mamona 1:2, 15, ma mafaufau e faailoga le upu “mafaufau lelei.” (Atonu e te tusia i au tusitusiga paia e faapea o le mafaufau lelei e mafai ona faauigaina o le migao, manatu mamafa, ma le mafaufau loloto.)

Faitau le saunoga lenei a Peresitene Boyd K. Packer, (1924–2015) o le Korama a Aposetolo e Toasefululua:

Ua matou vaaia uiga faaaloalo ma le le faaaloalo i totonu o le Ekalesia. E ui lava e toatele e ao ona tuuina atu i ai le faamalo, ae ua solomuli malie lava i tatou i tua. E i ai se pogai ua matou matua atugalu loloto ai lava. …

O le le faaaloalo e talafeagai tonu ma faamoemoega o le fili, e ala i le faalavelaveina o fesootaiga faaeteete gata o faaaliga i le mafaufau ma le agaga. (Boyd K. Packer, “O Le Faaaloalo Na te Valaaulia Faaaliga,” Liahona,, Nov. 1991, 22)

O a nisi o mea e tatau ona taulimaina ma le migao ma le faamaoni lea o loo taulimaina ma le le migao e nisi?
O a nisi o auala ua faaalia ai e le Faaola le mafaufau lelei(migao, manatu mamafa, ma le magafagafa)?

Gaoioiga 2

O le vave ona maitau

Tusi Lesona a le Faiaoga o le Tusi a Mamona (2024)—“Mamona 1–2: O Le Perofeta o Mamona”

Faitau le Mamona 1:2 ma mafaufau e faailoga le fasifuaitau “vave ona e matau.”

Faitau le saunoaga lenei a Elder David A. Bednar o le Korama a Aposetolo e Toasefululua:

Pe a televave ona tatou maitau, e vave ona vaai pe matau ma usitai. O elemene taua uma nei e lua—o le vaai ma usitai—e taua i le faatelevave ai o le maitau. Ma o le perofeta o Mamona o se faataitaiga lelei lea o le faatinoina o lenei meaalofa. (David A. Bednar, “Quick to Observe,” Ensign, Tes. 2006, 32)

O a aoaoga ua e iloa e aoga i le vave ona maitau ma usitai? Aisea?
O le a se fautuaga o le a e tuuina atu i se uo e lagona e mafai ona faatali le usiusitai i le Alii seia oo i se taimi mulimuli ane o le olaga?
Na faapefea ona faaaoao mai e Iesu Keriso le vave ona maitau?

Fesoasoani ma le malosi e tumau faamaoni ai

Faamaea le gaoioiga lenei:

Ina ia fesoasoani ia te oe e faailoa auala e faaaoga ai nei uiga faaKeriso i lou lava olaga, lisi ia le itiiti ifo ma le lua ni luitau o feagai ma le autalavou a o ola i le lalolagi i aso nei. Ona tusi lea pe mafai faapefea e se tasi po o uiga uma e lua sa e suesueina ona fesoasoani i le autalavou ia maua le fesoasoani ma le malosi mai le Tama Faalelagi ma Iesu Keriso.

Tuu i le faitalia: O e Manao e Aoao Atili?

Mamona 1:16–17. Aisea na faasa ai Mamona ona talai atu i lona nuu mo se taimi?

Sa faamalamalama mai e Elder Jeffrey R. Holland o le Korama a Aposetolo e Toasefululua:

E pei ona faia e le Atua i nisi taimi pe a teenaina e i latou e matua tele naua le malamalama, sa tapunia moni lava e Mamona lona gutu. Sa faasa o ia ona talai atu i se atunuu sa fouvale ma le loto i ai e faasaga i lo latou Atua. Sa teena e nei tagata ia vavega ma savali na tuuina atu ia i latou e soo sa Nifae na faaliliuina e toatolu, o e sa lei faagaganaina i la latou auaunaga ma sa aveesea mai le atunuu na auina atu i ai i latou. (Jeffrey R. Holland, Christ and the New Covenant [1997], 318)

E mafai faapefea ona tatou faatoilaloina lo tatou fefefe e uiga i le tutu atu o se soo o Keriso?

Na aoao mai Peresitene Russell M. Nelson:

O soo moni o Iesu Keriso ua loto e tutu atu, tautatala atu, ma ia ese mai ai i tagata o le lalolagi. E le fefefe i latou, ae tuuto ma lototetele. …

E le faigofie pe otometi le avea ma ni soo mamana faapena. O la tatou taulaiga e tatau ona tāmau i le Faaola ma Lana talalelei. E matua manaomia ai se taumafaiga tele faalemafaufau e vaai atu ia te Ia i mafaufauga uma. Ae a tatou faia, e o ese o tatou masalosaloga ma popolega. (Russell M. Nelson, “Mauaina o le Mana o Iesu Keriso i o Tatou Olaga,” Liahona, Me 2017, 40–41)

O a faamanuiaga e mafai ona tatou maua mo le mulimuli ai ia Iesu Keriso e tusa lava pe le faia e isi?

Na saunoa mai Elder Richard G. Scott (1928–2015) o le Korama a Aposetolo e Toasefululua:

O lenei mo outou taitoatasi: e i ai taimi atonu e te lagona ai le tuuatoatasi ma le malamalama sese—na ou lagonaina—ona e le faapei oe o le motu o tagata. Ia e lotofaafetai ona o lou olaga amiotonu ua fausia ai oe ina ia e le mafai ona e ofi atu i se vaega e le tatau ai mo oe. O se vaitaimi le tumau lenei o tofotofoga patino ma le tuputupu a’e. O le a suia i le aluga o taimi ma uo moni ma le fiafia sili atu. (Richard G. Scott, “The Power of Righteousness,” Ensign, Nov. 1998, 70)