« មរមន ៣ ៖ ‹ អ្នករាល់គ្នាត្រូវឈរនៅចំពោះវេទិកាជំនុំជម្រះនៃព្រះគ្រីស្ទ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« មរមន ៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
មរមន ៣
« អ្នករាល់គ្នាត្រូវឈរនៅចំពោះវេទិកាជំនុំជម្រះនៃព្រះគ្រីស្ទ »
តើអ្នកធ្លាប់ឆ្ងល់ទេថា តើសេចក្ដីជំនុំជម្រះចុងក្រោយអាចមានសភាពបែបណា ? នៅពេលដែលមរមនមើលឃើញអំពើទុច្ចរិតរបស់ប្រជាជនរបស់លោក នោះលោកបានបង្រៀនអំពីអ្នកណានឹងជំនុំជម្រះពួកយើង និងរបៀបដែលយើងនឹងត្រូវជំនុំជម្រះនៅក្នុងសេចក្ដីជំនុំជម្រះចុងក្រោយនេះ ។ មេរៀននេះអាចជួយរៀបចំអ្នកឲ្យឈរដោយមានទំនុកចិត្ត និងអំណរនៅចំពោះព្រះយេស៊ូវគ្រីស្ទនៅឯសេចក្ដីជំនុំជម្រះចុងក្រោយ ។
ប្រឡងបញ្ចប់
សូមស្រមៃថាអ្នកត្រូវបានសុំឲ្យធ្វើការវាយតម្លៃចុងបញ្ចប់ ដែលទាក់ទងនឹងការសិក្សាព្រះគម្ពីរមរមនរបស់អ្នកនៅថ្ងៃនេះ ដែលរួមបញ្ចូលសំណួរដូចខាងក្រោមនេះ ៖
-
តើមានខគម្ពីរចំនួនប៉ុន្មាននៅក្នុងព្រះគម្ពីរមរមន ?
-
តើព្រះគ្រីស្ទត្រូវបានលើកឡើងប៉ុន្មានដងតាមរយៈព្រះនាម ឬព្រះបរមងាររបស់ទ្រង់នៅក្នុងបទគម្ពីរមរមន ?
-
តើមានពួកសាសន៍លេមិនប៉ុន្មាននាក់ ដែលបានប្រែចិត្តជឿតាមរយៈការបង្រៀនរបស់នីហ្វៃ និងលីហៃនៅក្នុង ហេលេមិន ៥ ?
សូមគិតអំពី តើអ្នកអាចឆ្លើយសំណួរទាំងនេះបានត្រឹមត្រូវដោយមិនចាំបាច់មានការត្រៀមខ្លួនជាមុន ។
-
តើអ្នកនឹងមានអារម្មណ៍ខុសគ្នាបែបណាចំពោះការប្រឡង ប្រសិនបើគ្រូរបស់អ្នកបានប្រាប់អ្នកជាមុនអំពីការប្រឡងនេះ ហើយថែមទាំងបង្ហាញអ្នកនូវសៀវភៅក្បួនដែលបានចងក្រងឡើងសម្រាប់អ្នកនោះ ?
-
ទោះបីជាយើងនឹងមិនត្រូវបានសុំឲ្យចែកចាយការពិតមួយចំនួនមកពីបទគម្ពីរនៅក្នុងការជំនុំជម្រះចុងក្រោយក៏ដោយ តើការជំនុំជម្រះចុងក្រោយអាចប្រៀបធៀបទៅនឹងការប្រឡងដែលយើងទាំងអស់គ្នានឹងត្រូវធ្វើនៅថ្ងៃណាមួយដោយរបៀបណា ? តើវាខុសពីការប្រឡងផ្នែកសិក្សាធិការដោយរបៀបណា ?
សូមសញ្ជឹងគិតពីរបៀបដែលអ្នកមានអារម្មណ៍ចំពោះការជំនុំជម្រះចុងក្រោយ ។ តើអ្នកដឹងអំពីរបៀបដើម្បីរៀបចំខ្លួនសម្រាប់ការជំនុំជម្រះចុងក្រោយដែរឬទេ ? ហេតុអ្វីបានជាអ្នកចង់រៀបចំខ្លួនសម្រាប់ការជំនុំជម្រះចុងក្រោយ ?
ព្រះវរបិតាសួគ៌ និងព្រះយេស៊ូវគ្រីស្ទស្រឡាញ់អ្នក ហើយបានប្រទានបទគម្ពីរដើម្បីជួយអ្នកឲ្យដឹងអំពី និងរៀបចំខ្លួនសម្រាប់ថ្ងៃដែលអ្នកនឹង « ឈរនៅចំពោះវេទិកាជំនុំជម្រះនៃព្រះគ្រីស្ទ » ( មរមន ៣:២០ ) ។ នៅពេលអ្នកសិក្សា សូមរកមើលសេចក្តីពិតដែលអាចជួយដល់អ្នកឲ្យរៀបចំខ្លួន ដើម្បីឈរដោយមានទំនុកចិត្ត និងអំណរនៅចំពោះព្រះភ័ក្ររបស់ព្រះយេស៊ូវគ្រីស្ទនៅថ្ងៃជំនុំជម្រះចុងក្រោយ ។
មរមនបានបង្រៀនអំពីការជំនុំជម្រះចុងក្រោយ
មរមនស្រឡាញ់ពួកសាសន៍នីហ្វៃ ហើយបានដឹកនាំពួកគេនៅក្នុងសមរភូមិជាច្រើនដង ។ លោកបានអង្វរដល់ពួកគេឲ្យប្រែចិត្តពីអំពើទុច្ចរិតរបស់ពួកគេ ហើយបែរត្រឡប់មករកព្រះអង្គសង្គ្រោះវិញ ។ ប៉ុន្តែពួកគេបានបដិសេធព្រះអម្ចាស់ ហើយមានអំនួតលើកម្លាំងរបស់ពួកគេផ្ទាល់ ដោយធ្វើការស្បថជាពាក្យសម្បថដ៏ពិសិដ្ឋ ដែលពួកគេទទួលបានការបង្រៀនតែមិនដែលយកមកប្រើប្រាស់ ដូច្នេះមរមនបានបដិសេធឈប់ដឹកនាំពួកគេមួយរយៈ ( សូមមើល មរមន ៣:១០–១៦ ) ។ បន្ទាប់មក លោកបានបង្រៀនអំពីការជំនុំជម្រះចុងក្រោយ ដែលមនុស្សជាតិទាំងអស់នឹងត្រូវប្រឈមមុខ ។
-
សូមបង្កើតនិងបំពេញតារាងខាងក្រោមជាកិច្ចការរបស់អ្នកសម្រាប់មេរៀននេះ ។ សូមបន្ថែមចូលទៅក្នុងតារាងនេះ ដូចដែលបានណែនាំនៅពេញមួយមេរៀនដែលនៅសល់ នៅពេលដែលអ្នកទទួលបានការបំផុសគំនិតមកពីព្រះវិញ្ញាណបរិសុទ្ធ ។
នៅក្នុងតារាងផ្នែកខាងឆ្វេងរបស់អ្នក សូមធ្វើបញ្ជីសំណួរដែលអ្នកមានអំពីការជំនុំជម្រះចុងក្រោយ ដូចឧទាហរណ៍ដែលបានផ្តល់ ។
|
សំណួរដែលខ្ញុំមានអំពីការជំនុំជម្រះចុងក្រោយ |
ចម្លើយ ការយល់ដឹង និងចំណាប់អារម្មណ៍ដែលខ្ញុំបានទទួល |
|---|---|
សំណួរដែលខ្ញុំមានអំពីការជំនុំជម្រះចុងក្រោយ តើនរណាគឺជាអ្នកជំនុំជម្រះខ្ញុំ ? | ចម្លើយ ការយល់ដឹង និងចំណាប់អារម្មណ៍ដែលខ្ញុំបានទទួល |
សំណួរដែលខ្ញុំមានអំពីការជំនុំជម្រះចុងក្រោយ តើខ្ញុំនឹងត្រូវជំនុំជម្រះនៅពេលណា ? | ចម្លើយ ការយល់ដឹង និងចំណាប់អារម្មណ៍ដែលខ្ញុំបានទទួល |
សូមអានពាក្យរបស់មរមននៅក្នុង មរមន ៣:១៨–២២; ៦:១៧–២២ ដើម្បីស្វែងរកចម្លើយចំពោះសំណួរដែលអ្នកបានរាយបញ្ជី ។ សូមរាយបញ្ជីការយល់ដឹងដែលអ្នករកឃើញនៅជួរឈរខាងស្ដាំនៃតាងរបស់អ្នក រួមមានសេចក្ដីយោងបទគម្ពីរ ដែលអ្នកបានរកឃើញទៅលើការយល់ដឹងនីមួយៗ ។
វេទិកាជំនុំជម្រះរបស់ព្រះគ្រីស្ទ
សេចក្តីពិតមួយដែលយើងបានរៀនសូត្រមកពីវគ្គបទគម្ពីរទាំងនេះ គឺថា យើងទាំងអស់គ្នានឹងត្រូវឈរនៅចំពោះវេទិកាជំនុំជម្រះរបស់ព្រះគ្រីស្ទ ដើម្បីទទួលការជំនុំជម្រះអំពីកិច្ចការរបស់យើង ទោះជាវាល្អ ឬអាក្រក់ក៏ដោយ ។ សូមពិចារណាគូសចំណាំឃ្លា ដែលបង្រៀនសេចក្ដីពិតនេះនៅក្នុង មរមន ៣:២០ ។
-
ហេតុអ្វីបានជាឃ្លានេះអាចជួយលួងលោម នៅពេលដែលដឹងថា ព្រះអង្គសង្គ្រោះជាចៅក្រមរបស់យើងនោះ ? ( សរសេរចម្លើយរបស់អ្នកនៅក្នុងជួរឈរខាងស្តាំនៃតារាងរបស់អ្នក ) ។
សម្រាប់ជំនួយក្នុងការឆ្លើយសំណួរមុន អ្នកអាចអាន អាលម៉ា ៧:១១–១៣ ដោយរកមើលអ្វី ដែលព្រះអង្គសង្គ្រោះបានជួបដែលអនុញ្ញាតឲ្យទ្រង់យល់អំពីយើងយ៉ាងល្អឥតខ្ចោះនៅឯវេទិកាជំនុំជម្រះ ។ អ្នកក៏អាចស្តាប់សេចក្ដីថ្លែងការណ៍មួយមកពីប្រធាន ដាល្លិន អេក អូក នៃគណៈប្រធានទីមួយនៅក្នុង «°ផែនការដ៏មហិមា°» ចាប់ពីនាទី ទី ១៤:០៦ ដល់ ១៤:៥១ ដែលមាននៅលើគេហទំព័រ ChurchofJesusChrist.org°។
អ្នកប្រហែលជានៅតែមានសំណួរ និងកង្វល់អំពីការជំនុំជម្រះចុងក្រោយ ។ សូមស្វែងរកចម្លើយ និងការយល់ដឹងបន្ថែមទៀតដោយប្រើប្រាស់ធនធានខាងក្រោម ឬប្រភពដ៏ទេវភាពផ្សេងទៀត ។ សូមរាយបញ្ជីការយល់ដឹងដែលអ្នករកឃើញនៅក្នុងជួរឈរខាងស្តាំនៃតារាងរបស់អ្នក ។
-
សេចក្ដីណែនាំដល់បទគម្ពីរទាំងឡាយចំពោះការបញ្ចូលបទគម្ពីរនៅក្រោម « សេចក្ដីជំនុំជម្រះ ចុងក្រោយបំផុត »
-
Topical Guide អត្ថបទក្រោម « Judgment, the Last »
អ្នកក៏ប្រហែលជាចង់ស្តាប់ការបង្រៀនផ្សេងទៀតមកពីប្រធាន អូក អំពីការជំនុំជម្រះចុងក្រោយនៅក្នុង « សេចក្ដីស្រលាញ់ដ៏ទេវភាពក្នុងផែនការរបស់ព្រះវរបិតា » ចាប់ពីនាទី ទី ១:៤៤ ដល់ ៣:៣២ ឬ « បានស្អាតស្អំតាមរយៈការប្រែចិត្ត » ចាប់ពីនាទី ទី ៨:០៩ ដល់ ១២ ការបង្រៀនទាំងពីរនេះមាននៅលើគេហទំព័រ ChurchofJesusChrist.org°។
-
តើមានសេចក្តីពិតអំពីព្រះវរបិតាសួគ៌ ព្រះយេស៊ូវគ្រីស្ទ ការប្រែចិត្ត និងការជំនុំជម្រះចុងក្រោយអ្វីខ្លះ ដែលអ្នកនឹងចែកចាយជាមួយនឹងនរណាម្នាក់ដែលមានការបារម្ភអំពីការជំនុំជម្រះចុងក្រោយ ? ហេតុអ្វី ?
ទំនុកចិត្តនៅថ្ងៃជំនុំជម្រះ
សូមគិតអំពីអារម្មណ៍របស់អ្នកនៅក្នុងអំឡុងពេលកំពុងសិក្សានេះ ។ តើអ្នកមានអារម្មណ៍ថាមានទំនុកចិត្តច្រើនជាងមុន ឬតិចជាងមុន និងរីករាយអំពីការជំនុំជម្រះចុងក្រោយជាងកាលដែលអ្នកមុនពេលរៀនមេរៀននេះដែរទេ ? ហេតុអ្វីបានជាអ្នកមានអារម្មណ៍បែបនោះ ? តើព្រះវិញ្ញាណបរិសុទ្ធបំផុសអ្នកឲ្យធ្វើអ្វីខ្លះ ?
នៅក្នុងសៀវភៅកំណត់ហេតុការសិក្សារបស់អ្នក សូមបង្កើតផែនការមួយដើម្បីចាប់ផ្តើមរៀបចំបន្ថែមទៀតសម្រាប់ការជំនុំជម្រះចុងក្រោយ ។ សូមសញ្ជឹងគិត ហើយសម្រេចជ្រើសរើសសកម្មភាពមួយដែលអ្នកអាចយកមកអនុវត្ត ដើម្បីជួយដល់អ្នកឲ្យមានទំនុកចិត្តនិងអំណរកាន់តែច្រើន នៅពេលដែលអ្នករៀបចំខ្លួនដើម្បីឈរនៅចំពោះព្រះគ្រីស្ទ ។ ឧទាហរណ៍ ការប្រែចិត្តដោយស្មោះអស់ពីចិត្តជារៀងរាល់ថ្ងៃ គឺជារបៀបដ៏មានអានុភាពក្នុងការស្វែងរក « សុភមង្គល និងភាពសុខសាន្ដនៅក្នុងគំនិត » ។ ( សូមមើល រ័សុល អិម ណិលសុន « We Can Do Better and Be Better » Liahona ខែ ឧសភា ឆ្នាំ ២០១៩ ទំព័រ ៦៧ ) ។ ប្តេជ្ញាធ្វើតាមផែនការរបស់អ្នក ។