Seminare
Eteru 12:23–27: “Ona Ou Faia Lea o Mea Vaivai ia Avea ma Mea Malolosi ia te i Latou”

“Eteru 12:23–27: ‘Ona Ou Faia lea o Mea Vaivai ia Avea ma Mea Malolosi ia te i Latou,’” Tusi Lesona a Tagata o le Vasega o le Tusi a Mamona (2024)

“Eteru 12:23–27,” Tusi Lesona a Tagata o le Vasega o le Tusi a Mamona

Eteru 12:23–27

“Ona Ou Faia Lea o Mea Vaivai ia Avea ma Mea Malolosi ia te i Latou”

Ata
O Moronae o loo tusitusi i luga o papatusi

A o faaauau pea ona otootoina e Moronae le tusi a Eteru, sa popole o ia o le a faatauemu Nuuese i lana galuega ona o lona vaivai i le tusitusi. Sa tali mai le Alii e faapea, a o tatou o mai ia te Ia i le lotomaualalo ma le faatuatua, e mafai ona Ia liliuina o tatou mea vaivai i malosiaga (tagai Eteru 12:27). O lenei lesona ua faamoemoe e fesoasoani ia te oe e sau ia Iesu Keriso e faatoilalo ai vaivaiga e ala i Lona alofa tunoa.

Vaivaiga ma malosiaga

  • O le a se mea e le oo i ai lou malosi faaletino e fai i le taimi nei? O le a se mea e manaomia ona e faia ina ia lava ai lou malosi e faataunuu ai le galuega?

I le olaga faitino, tatou te feagai uma lava ma vaivaiga. O nisi taimi e mafai ona faalotovaivaia lenei mea. I lenei lesona o le a e aoao ai e uiga i se mamanu na aoao atu e le Alii ia Moronae lea e mafai ona liliu ai vaivaiga i ni malosiaga.

Popolega o Moronae

Na tuuina atu ia Moronae le galuega o le otootoina o le tala ia Sa Iaretō, ma sa ia iloa o lenei tala o le a faitauina e le toatele o tagata i le lumanai. Ina ua uma lana otootoga, sa ia faamaumauina nisi o ona manatu faaiu ma faaaofia ai ona atugaluga ma popolega patino e uiga i mea na faatonuina o ia e fai.

Faitau le Eteru 12:23–25, ma vaavaai po o a popolega na i ai ia Moronae.

  • O le a le mea na faapitoa ona popole i ai Moronae?

O le tali a le Alii ia Moronae

Faitau le Eteru 12:26–27, ma vaavaai pe na faapefea ona tali atu le Alii i popolega o Moronae.

O leEteru 12:27 o se fuaitau o le atamai i aoaoga faavae. Mafaufau e faailoga fuaitau o le atamai i aoaoga faavae i se auala tulaga ese ina ia mafai ai ona e mauaina gofie. O le a e maua se avanoa i le lesona e sosoo ai e faataitai ai ona faaaoga le aoaoga faavae o loo aoaoina i lenei fuaitau i se fesili po o se tulaga.

Vaevae se pepa avanoa po o se itulau i lau api faamaumau mo suesuega i ni sikuea se fa, ma tusi le fasifuaitau lanu malosi muamua o loo i lalo i se tasi o sikuea. Ona tusi lea o le fasifuaitau lanu malosi lona lua i se isi sikuea ese Faaauau pea seia oo ina e faaaofia ai fasifuaitau uma o loo faalanu malosi. Tusi ni faamatalaga i sikuea nei e fesoasoani e te malamalama ai i le uiga o nei fasifuaitau.

“Afai e o mai tagata ia te a’u o le a ou faaali atu ia te i latou o latou vaivaiga”

  • O le a sou manatu o le a le uiga o le sau ia Keriso?

Mātau na fetalai mai le Alii o le a Ia faaali mai ia i tatou o tatou vaivaiga pe afai tatou te o atu ia te Ia.

  • Aisea e avea ai lenei mea o se faamanuiaga ia i tatou?

O le upu vaivaiga i lenei fasifuaitau e faasino i lo tatou tulaga pa’u, lea e aofia ai “mea vaivai” taitasi ma lo tatou lē gafatia ona atoatoa.

  • O le a se mea ua e aoao mai le Eteru 12:27 e uiga i le mafuaaga e finagalo ai le Faaola ia e iloa ou vaivaiga?

Mafaufau loloto pe na i ai sou aafiaga talu ai nei lea na faaali atu ai e le Atua ia te oe ou vaivaiga. Pe mafaufau e tuuina atu se tatalo lē leoa mo Ia e fesoasoani ai ia te oe e faatoilalo se mea vaivai i lou olaga.

“Ou te avatu i tagata ia vaivaiga ina ia faalotomaualalalo ai i latou”

Faitau nisi o faataitaiga o tagata i tusitusiga paia o e na iloaina o latou vaivaiga:

  • Na faapefea e le iloaina o o latou vaivaiga ona fesoasoani i tagata taitoatasi i nei tala ia lotomaualalo?

  • “Aisea e te manatu e finagalo ai le Alii ia tatou lotomaualalo?

“Ua lava lo’u alofa tunoa mo tagata uma o e e latou te faalotomaualalaloina i latou lava i o’u luma”

  • O le a lou manatu o le a le uiga e faapea ua lava le alofa tunoa o le Faaola mo i latou uma o e e latou te faamaualalaloina i latou lava i Ona luma?

Na faamalamalama mai e Elder Kevin S. Hamilton o le Fitugafulu:

Ata
Elder Kevin S. Hamilton

O le alofatunoa [o Iesu Keriso] e mafai ai ona tatou maua le mana e faatoilalo ai mea faalavefau uma, luitau uma, ma vaivaiga uma a o tatou saili ina ia sui.

Na galueaiina e le Faaola Lana Togiola e le i’u ma faavavau ina ia mafai moni ai e i tatou ona sui, salamo, ma avea ma tagata sili atu. E mafai moni lava ona toe fanaua i tatou. E mafai ona tatou faatoilalo amio masani, mausa, e oo lava “i le le toe manao e fai mea leaga” [Mosaea 5:2]. (Kevin S. Hamilton, “Ona Ou Faia Lea o Mea Vaivai ia Avea ma Mea Malolosi,” Liahona, Me 2022, 51-52)

Mātau le ala na iloa ai e le nuu o le Tupu o Peniamina le alofa tunoa o le Alii i le Mosaea 4:3.

  • O ai se isi i tusitusiga paia na faaalia ai ua lava le alofa tunoa o le Faaola e fesoasoani ai ia i tatou e faatoilalo o tatou vaivaiga?

“Afai latou te faalotomaualaloina i latou lava i o’u luma, ma faatuatua mai ia te a’u, ona ou faia lea o mea vaivai ia avea ma mea malolosi ia te i latou.”

Sa ta’ua e Elder Hamilton o “mea vaivai” i lenei fuaiupu e mafai ona faasino i a tatou amioga o loo avea ma vaivaiga.

Ata
Elder Kevin S. Hamilton

A o tatou suia muamua o tatou natura pa’ū, o tatou vaivaiga, ona mafai lea ona tatou suia a tatou amioga, ma o tatou vaivaiga. (Kevin S. Hamilton, “Ona Ou Faia Lea o Mea Vaivai ia Avea ma Mea Malolosi,” Liahona, Me 2022, 51.)

Ata
aikona, faamaumau

  1. Fai se tasi o mea nei:

    1. I se parakalafa o fuaiupu e lē itiiti ifo ma le tolu, tusi ai mea ua e aoaoina ma manao e manatua mai lenei lesona.

    2. I se parakalafa o fuaiupu e lē itiiti ifo ma le tolu, faamatala pe faapefea ona e faaaogaina mea ua e aoaoina i le asō.

Lolomi