Ang kalibotan gitalikdan ang mga sumbanan sa sekswal nga kaputli, apan ang sumbanan sa Ginoo sa sekswal nga kaputli nagpabilin nga wala mausab. Human makadawat sa iyang sugo gikan sa Ginoo, si Jacob mitudlo sa iyang katawhan mahitungod sa balaod sa kaputli. Ang mga pagtulun-an ni Jacob magamit gihapon karon. Kini nga leksiyon makatabang kanimo nga mahimuot sa kaputli sama nga ang Ginoo mao.
Pag-ampo aron masabtan ang mga panginahanglan sa mga estudyante. Sa imong mga paningkamot aron makatutok diha sa tagsa-tagsa ka mga estudyante, iampo ang mga estudyante pinaagi sa ngalan. Hangyoa ang Langitnong Amahan sa pagtabang kanimo nga makasabot sa ilang mga panginahanglan ug sa mga paagi nga ikaw makatudlo nga matubag niadtong mga panginahanglan. Paminaw sa mga pag-aghat nga imong nadawat nga may mga ideya kon unsaon nimo pagtabang ang matag estudyante.
Pagpangandam sa estudyante: Mahimo nimong dapiton ang mga estudyante sa pagpangutana sa ilang mga ginikanan o sa usa ka lider sa Simbahan mahitungod sa mga panalangin nga moabot gikan sa pagsunod sa balaod sa kaputli. Mahimo usab nimong kontakon ang mga ginikanan aron sa pagpahibalo kanila nga ang mga estudyante magkat-on mahitungod sa balaod sa kaputli aron ang mga ginikanan makapadayon sa diskusyon diha sa panimalay kon gusto nila.
Mga Posibleng Kalihokan sa Pagkat-on
Ang pasidaan ni Jacob
Ikonsiderar ang pagdrowing og diagram nga susama sa ehemplo sa ubos diha sa pisara. Dayon pagdapit og diskusyon gamit ang mga pangutana sama niadtong nagsunod sa diagram.
Mahimo usab nimong ipaambit ang bidyo sa “Lig-ong Mobarog sa Balaan nga mga Dapit” gikan sa time code 3:22 hangtod sa 4:50, diin gihulagway ni Elder Robert D. Hales (1932–2017) kon sa unsang paagi nga ang mga sumbanan sa kalibotan nagkaanam og kalayo gikan sa mga sumbanan sa Ginoo. Kini nga bidyo anaa sa ChurchofJesusChrist.org ChurchofJesusChrist.org.
Imahe
Tsart sa mga sumbanan
Unsaon nimo paghulagway unsa ang gipakita niini nga diagram mahitungod sa mga sumbanan sa Ginoo ug sa mga sumbanan sa kalibotan?
Sa unsa nga mga paagi imong nakita nga ang mga sumbanan sa kalibotan mipahilayo gikan sa mga sumbanan sa Ginoo?
Si Presidente Russell M. Nelson mipaambit og usa ka paagi nga ang kalibotan mipahilayo gikan sa sumbanan sa Ginoo:
Kon ang mga estudyante adunay mga pangutana mahitungod sa piho nga mga kinaiya kalabot sa balaod sa kaputli, dasiga sila sa pagtinguha og mga tubag pinaagi sa pagpakig-istorya sa ilang mga ginikanan o mga lider sa simbahan ug pinaagi sa pagtuon sa mga kasulatan ug sa mga pagtulun-an sa buhing mga propeta. Pagmatngon ngadto sa mga estudyante nga tingali nakalapas sa balaod sa kaputli. Pahinumdumi sila sa gahom sa Manluluwas sa pagpasaylo ug dasiga sila sa pagpakig-istorya sa ilang bishop.
Pagmatngon ngadto sa mga estudyante nga tingale mga biktima sa pag-abuso. Kon mopakita nga ang usa ka estudyante mahimong makig-istorya kanimo bahin sa pagkalambigit sa personal o pagkalambigit sa pamilya nga pag-abuso, ipasabot nga kinahanglan nimo nga ireport ang bisan unsang mga alegasyon. Pagmapailubon, masinaboton, ug mapasaligon ug dasiga sila sa pagpakig-istorya sa ilang bishop. Kon ang usa ka estudyante moreport sa pag-abuso, kontaka ang help line sa Simbahan o legal nga tigtambag sa inyong lugar.
Ang balaod sa Ginoo sa kaputli klaro ug dili mausab. “Ang kaputli mao ang sekswal nga kaputli. Kadtong mga putli moral nga limpyo sa ilang mga hunahuna, mga pulong, ug mga buhat. Ang kaputli nagpasabot nga walay bisan unsang pakighilawas sa wala pa ang kaminyoon. Nagpasabot usab kini sa hingpit nga pagkamatinud-anon sa bana o asawa sa panahon sa kaminyoon” (Gospel Topics, “Chastity”).
Samtang magtuon ka sa Jacob 2, pangitaa kon unsay gibati sa Manluluwas mahitungod sa kaputli.
Gihigugma ni Jacob ang iyang katawhan. Pinaagi sa gahom sa Ginoo, nahibaloan ni Jacob ang mga hunahuna sa mga tawo ug ang pagkadautan sa ilang mga kasingkasing (tan-awa sa Jacob 1:15; 2:5–6). Nasayod siya nga sila “nagsugod sa pagbuhat diha sa pagpakasala, hain nga sala nagpakita nga hilabihan ka salawayon … ngadto sa Dios” (Jacob 2:5). Human sa pagpasidaan sa mga Nephite mahitungod sa sala sa garbo (tan-awa sa Jacob 2:12–21), gipasidan-an ni Jacob ang mga Nephite mahitungod sa “usa ka labaw nga mabug-at [o mas seryoso] nga kalapasan” (Jacob 2:22) nga ang iyang katawhan naghunahuna.
Basaha ang Jacob 2:22–24, mangita kon giunsa paghulagway ni Jacob kining mas bug-at nga sala. (Ang mga malaw-ay nga mga buhat mao ang pagpakighilawas sa usa ka tawo ngadto sa laing tawo gawas sa iyang kapikas.)
ChurchofJesusChrist.org
Unsa ang tahas sa atong mga hunahuna sa atong pagsunod sa balaod sa kaputli (tan-awa sa Mateo 5:28)?
Ang Ginoo nahimuot sa kaputli
Pipila sa mga Nephite nga mga lalaki milapas sa balaod sa kaputli pinaagi sa pagpangasawa og sobra sa usa, sa dihang kini nga buhat gipanghimaraot sa Ginoo sa wala pa si Lehi mibiya sa Jerusalem (Jacob 2:34). Pamalandongi kon unsay imong gibuhat sa imong kinabuhi sa pagbatok sa mga pagtintal kalabot sa balaod sa kaputli.
Basaha ang Jacob 2:25–28, mangita sa unsay gitudlo ni Jacob sa mga Nephite aron sa pagtabang kanila sa pagbatok sa tintal sa paghimo og sekswal nga sala.
Unsa ang panglantaw sa Ginoo sa kaputli?
Tabangi ang mga estudyante sa pag-ila sa kamatuoran, ang Ginoo nahimuot sa kaputli. Mahimong makaayo sa mga estudyante ang pagmarka sa kamatuoran sa bersikulo 28.
Si Jacob nakig-istorya sa mga lalaki, kinsa kadaghanan kanila naningkamot sa pagdani sa mga babaye sa paglapas sa balaod sa kaputli. Maong, naghisgot siya bahin sa Ginoo nga nahimuot diha sa kaputli sa mga babaye. Ang Ginoo nahimuot diha sa kaputli sa tanan Niyang mga anak—lalaki ug babaye.
Paghatag og kopya sa Alang sa Kalig-on sa mga Kabatan-onan (booklet, 2022) sa matag estudyante o tabangi sila sa pagpangita niini sa elektronik nga paagi. Ipabasa nila sa ilang kaugalingon sa hilom ang seksiyon nga “Ang inyong lawas sagrado”, mangita kon nganong ang pagsunod sa balaod sa kaputli usa ka butang nga makapahimuot.
ChurchofJesusChrist.org
Ngano sa imong hunahuna nga ang Ginoo nahimuot sa kaputli?
Unsa kaha ang ebidensiya sa kinabuhi sa usa ka tawo nga siya nahimuot sa kaputli?
Unsa nga Kristohanong mga hiyas nga ang pagsunod sa balaod sa kaputli makatabang kanato sa pagpalambo?
Basaha ang Jacob 2:31–35, mangita kon sa unsang paagi ang imoral nga mga pagpili sa mga lalaki sa Nephite nakaapekto sa ilang mga pamilya.
Unsa nga mga problema ang moabot kon kita mapakyas sa paglantaw sa kaputli sama sa pagtan-aw sa Ginoo?
Unsa kaha ang kalainan sa kalibotan kon ang matag usa nagtan-aw sa kaputli sama sa pagtan-aw sa Ginoo?
Sa unsa nga paagi sa imong hunahuna ang pagkahimuot sa kaputli makaimpluwensiya sa imong relasyon sa Ginoo ug sa uban?
Imahe
templo
Usa sa mga pangutana sa interbyo sa rekomend sa templo mao ang “Mituman ka ba sa balaod sa kaputli?”
Dapita ang mga estudyante sa hilom nga pagpamalandong sa mosunod nga mga pangutana:
Unsa nga mga hunahuna ug mga pagbati ang anaa kanimo kon ikaw maghunahuna mahitungod sa pagtubag niini nga pangutana ngadto sa imong bishop?
Unsa ang imong mahimo aron ang Ginoo mahimuot sa imong kaputli?
Pamalandongi kon unsay imong gibuhat sa pagsunod sa balaod sa kaputli ug sa unsang paagi kini positibo nga nakaapekto sa imong kinabuhi. Kon ikaw nakalapas sa balaod sa kaputli, pakig-istorya sa imong bishop. Makatabang siya kanimo sa paghinulsol. Ang Manluluwas gusto nga mopasaylo kanimo. Diha Kaniya makakaplag ka og kapasayloan, kalinaw, pagkaayo, ug kalig-on sa pagsunod sa balaod sa kaputli.
Ang sunod nga bahin sa leksiyon gituyo aron matabangan ang mga estudyante nga makasabot sa mga pagtulun-an ni Jacob mahitungod sa dinaghan nga kaminyoon.
Mga pagtulun-an ni Jacob mahitungod sa dinaghan nga kaminyoon
Human si Jacob mitudlo sa iyang katawhan nga dili magbaton og labaw sa usa ka kapikas sa usa ka higayon (tan-awa sa Jacob 2:27), iyang gipasabot ang mga kondisyon diin ang Ginoo motugot sa dinaghan nga kaminyoon (tan-awa sa Jacob 2:30).
Unsa ang gitudlo ni Jacob mahitungod sa dinaghan nga kaminyoon sa bersikulo 30?
Ang dinaghan nga kaminyoon gitugotan lamang kon ang Ginoo misugo niini pinaagi sa Iyang propeta—ang Presidente sa Simbahan—ug dili pinaagi ni bisan kinsa (tan-awa sa Doktrina ug mga Pakigsaad 132:45–48). Sa piho nga mga panahon ug mga dapit sa kasaysayan sa kalibotan, ang Ginoo misugo sa Iyang katawhan sa pagbuhat sa dinaghan nga kaminyoon. Sama pananglitan, ang dinaghan nga kaminyoon gihimo ni Abraham, Sara, ug Agar (tan-awa sa Genesis 16:1–3; Doktrina ug mga Pakigsaad 132:34–35). Ang apo ni Abraham nga si Jacob mihimo usab og dinaghan nga kaminyoon (tan-awa sa Genesis 29–30; Doktrina ug mga Pakigsaad 132:37). Gihimo kini sulod sa usa ka panahon sa unang mga adlaw sa gipahiuli nga Simbahan, sugod ni Propeta Joseph Smith. Ang dinaghan nga kaminyoon wala na buhata sa mga miyembro sa Simbahan (tan-awa sa Opisyal nga Pahayag 1).
