Mosiah 4–6

Kinatibuk-ang Pagpasabot

Timan-i: Karong semanaha sa seminary maglakip sa mga materyal gikan sa Mosiah 3–4. Ang mga leksiyon alang sa mga pagtulun-an ni Hari Benjamin sa Mosiah 5–6 kay makita sa mga materyal sa sunod nga semana.

Gihulagway ni Hari Benjamin ang atong dili hingpit nga kinaiya isip “ang kinaiyanhon nga tawo” (Mosiah 3:19). Siya mitudlo nga kita makabuntog niini pinaagi sa Pag-ula ni Jesukristo. Ang mga Nephite, natandog sa mga pagtulun-an ni Hari Benjamin, “napuno sa hingpit nga kalipay” ug mibati og “kalinaw sa ilang tanlag” samtang sila naghinulsol ug nakadawat og kapasayloan sa ilang mga sala (Mosiah 4:3). Si Hari Benjamin dayon mitudlo kanila unsaon sa pagpabilin niini nga mga pagbati, ug iyang gihatagan og gibug-aton ang kamahinungdanon sa pagtuo sa Dios.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Mosiah 3:19

Katuyoan sa leksiyon: Kini nga leksiyon gituyo aron sa pagtabang sa mga estudyante nga magtinguha sa tabang sa Manluluwas sa pagbuntog sa ilang napukan nga kinaiya.

• Pagpangandam sa estudyante: Dapita ang mga estudyante sa pagbasa sa Mosiah 3:19 ug sa pagpamalandong sa gipasabot niini. Mahimo usab nimo silang dapiton sa pagpangita og kasulatan o pamahayag gikan sa usa ka lider sa Simbahan nga makadugang sa ilang pagsabot sa bahin niini nga bersikulo.

• Hulagway: Usa ka lobo

• Content nga ipakita: Ang listahan sa mga cross-reference

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante sa pagtinabangay diha sa ginagmay nga mga grupo sa mga breakout room aron makakita og usa o daghang mga kasulatan nga makapalambo sa ilang pagsabot sa Mosiah 3:19. Dayon ang usa ka miyembro sa matag grupo mahimong mopaambit og kasulatan nga napalgan sa ilang grupo. Ikonsiderar ang pagdapit sa mga estudyante sa paggamit sa chat feature aron pagpaambit sa mga kasulatan nga ilang napalgan aron ang ilang mga klasmeyt makasulat niini.

Doktrinal nga Kahanas: Mosiah 3:19

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan sa Mosiah 3:19. Makatabang usab kini kanila nga mapasabot ang doktrina nga gitudlo niini nga tudling ug magamit ang mga baroganan sa pag-angkon og espirituhanong kahibalo sa tinud-anay nga mga sitwasyon sa kinabuhi.

• Pagpangandam sa estudyante: Dapita ang mga estudyante sa pagsugod sa pagsulay sa pagsag-ulo sa Mosiah 3:19. Ipasabot nga mohatag ka og panahon diha sa klase sa pagsag-ulo sa mahinungdanon nga hugpong sa mga pulong sa kasulatan, apan makaayo usab kanila ang pagpraktis sa pagsag-ulo sa tibuok bersikulo.

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante sa paggamit sa chat feature sa pagsumiter sa nagkalain-laing mga kinaiya sa kinaiyanhon nga tawo. Dayon tugoti ang mga estudyante sa pagpili kon unsa nga kinaiya ang gamiton alang sa senaryo sa “Pagbansay sa paggamit”.

Mosiah 4

Katuyoan sa leksiyon: Kini nga leksiyon makatabang sa mga estudyante nga makasabot unsay ilang mahimo aron makadawat ug padayong magbaton og kapasayloan sa ilang mga sala.

• Pagpangandam sa estudyante: Dapita ang mga estudyante sa pagbasa sa Mosiah 4, mangita kon sa unsang paagi ang mga tawo naapektohan ni Jesukristo ug sa unsay gidapit ni Hari Benjamin nga buhaton sa iyang katawhan human sila nakadawat og kapasayloan sa ilang mga sala.

• Hulagway: Usa ka tawo nga nagdala og mga bag

• Sugyot sa pagtudlo pinaagi sa videoconference: Sa pagsugod sa leksiyon, ikonsiderar ang paggamit sa whiteboard function aron ipakita ang hulagway sa usa ka tawo nga nagdala og mga bag. Mahimong isulat sa mga estudyante duol sa mga bag ang pipila sa mga butang nga gidala sa mga tawo nga gusto nilang tipigan ug pipila sa mga butang nga gidala sa mga tawo nga mahimong dili na nila gusto nga tipigan.

Mosiah 4:9–10

Katuyoan sa leksiyon: Kini nga leksiyon makatabang sa mga estudyante sa pagpalig-on sa ilang pagtuo ug gugma alang sa Dios.

• Pagpangandam sa estudyante: Dapita ang mga estudyante sa pagtambong sa klase nga adunay lista sa tulo ngadto sa lima ka butang nga ilang gituohan mahitungod sa Dios.

• Mga Materyal: Kasamtangang mga kopya sa edisyon sa Liahona sa kinatibuk-ang komperensiya; mga piraso sa papel aron ang mga estudyante makasulat ug makapakita sa ilang mga pagtuo mahitungod sa Dios

• Sugyot sa pagtudlo pinaagi sa videoconference: Depende sa gidak-on sa klase, ikonsiderar ang pagbuhat sa kalihokan sa lingin sa Mosiah 4:9–10 isip usa ka klase, gamit ang whiteboard feature. Sa laing pamaagi, ang mga estudyante mahimong mogamit og susama nga feature ug magtinabangay nga managpares o diha sa gagmay nga mga grupo sa mga breakout room aron makompleto kini nga kalihokan. Mahimong gustohon sa mga estudyante ang pagkuha og mga screenshot aron i-save ang ilang buluhaton sa grupo aron ila unya nga matan-aw diha sa leksiyon.

Doktrinal nga Kahanas: Mosiah 4:9

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan sa Mosiah 4:9, makapasabot sa doktrina, ug maggamit ang mga baroganan sa pag-angkon og espirituhanong kahibalo sa tinuod nga mga kahimtang sa kinabuhi.

• Pagpangandam sa estudyante: Dapita ang mga estudyante sa pagpangutana sa pamilya o mga higala kon nganong gipili nila nga motuo sa Dios.

• Sugyot sa pagtudlo pinaagi sa videoconference: Sa pagrebyo sa mga pagtulun-an ni Hari Benjamin sa Mosiah 4:9 sa sinugdanan sa leksiyon, ang mga estudyante mahimong mag-type diha sa chat sa daghang mga butang nga ilang mahinumdoman nga si Hari Benjamin mitudlo sa iyang katawhan sa pagtuo mahitungod sa Dios Mosiah 4:9–10.