Rebyo 13 sa Doktrinal nga Kahanas

Pangitaa ug Markahi ang Alma 7:11–13 hangtod sa Moroni 10:4–5

Usa ka katuyoan sa doktrinal nga kahanas mao ang pagtabang kanimo sa pagduol ngadto kang Kristo pinaagi sa pagdugang sa imong pagsabot sa mga kamatuoran sa ebanghelyo nga makita diha sa mga kasulatan. Kini nga leksiyon gituyo aron sa pagtabang kanimo sa pagpangita sa 12 ka tudling sa kasulatan sa doktrinal nga kahanas sa ikaduhang bahin sa Basahon ni Mormon.

Paghimo og usa ka palibot nga nahisakop. Ang paghatag sa mga estudyante og mga kahigayonan sa pagkat-on og dugang mahitungod sa usag usa makatabang sa paghimo og usa ka palibot sa pagdawat ug pagkasakop. Pangita og mga okasyon diin ang mga estudyante makapakigbahin og tukma nga kasayoran mahitungod sa ilang mga kinabuhi sa usag usa.

Pagpangandam sa estudyante: Dapita ang mga estudyante sa paghangyo sa mga higala o mga sakop sa pamilya sa pagpakita kanila og nagkalain-laing mga paagi sa pagmarka sa mga tudling sa kasulatan ug ngano.

Posible nga mga Kalihokan sa Pagkat-on

Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor o koordinitor sa area o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa pa sa sesyon ang seminary.

Mga pakisayran sa kasulatan ug mahinungdanong hugpong sa mga pulong sa kasulatan

Kon gikinahanglan, sa dili pa dapiton ang mga estudyante sa pagtubag sa mosunod nga senaryo, pahinumdomi sila nga ang pagmarka sa mga kasulatan dili kawalay pagtahod ni gikinahanglan ug nga walay husto o sayop nga paagi sa pagbuhat niini. Ang importante nga butang mao ang pagpaningkamot sa pagpangita, pagkat-on, ug paghinumdom unsa ang gitudlo sa mga kasulatan.

Handurawa nga ang usa ka manghod nakamatikod kanimo nga nagmarka sa imong mga kasulatan samtang ikaw nagtuon. Human makita ang panid uban tanang marka niini, nangutana ang imong manghod nimo kon nganong imong gimarkahan ang imong mga kasulatan.

• Unsaon nimo sa pagtubag?

Ikonsiderar ang pagdapit sa mga estudyante sa pagpakigbahin diha sa gagmay nga mga grupo sa nagkalain-laing mga paagi sa pagmarka sa ilang mga kasulatan ug ngano. Tabangi ang mga estudyante nga makasabot nga ang pagmarka sa mga tudling sa kasulatan makatabang sa paghimo sa mga kasulatan nga personal, maghatag og gibug-aton sa makahuloganon nga mga panabot, ug makahimo kini nga mas sayon ang pagpangita sa mga tudling pag-usab sa umaabot.

Human ang mga estudyante mahuman sa pagpakigbahin, ipakita ang mosunod nga tsart, o ihatag kini isip handout aron gamiton atol sa mosunod nga kalihokan.

Doktrinal nga Kahanas sa Basahon ni Mormon: Alma–Moroni

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanong Hugpong sa mga Pulong sa Kasulatan
Pakisayran sa Kasulatan Alma 7:11–13	Mahinungdanong Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.”
Pakisayran sa Kasulatan Alma 34:9–10	Mahinungdanong Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.”
Pakisayran sa Kasulatan Alma 39:9	Mahinungdanong Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.”
Pakisayran sa Kasulatan Alma 41:10	Mahinungdanong Hugpong sa mga Pulong sa Kasulatan “Ang pagkadaotan dili mahitabo nga mahimo nga kalipay.”
Pakisayran sa Kasulatan Helaman 5:12	Mahinungdanong Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukuranan.”
Pakisayran sa Kasulatan 3 Nephi 11:10–11	Mahinungdanong Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.”
Pakisayran sa Kasulatan 3 Nephi 12:48	Mahinungdanong Hugpong sa mga Pulong sa Kasulatan “Kamo mahimo nga hingpit sama nga Ako ingon, o ang inyong Amahan kinsa anaa sa langit hingpit.”
Pakisayran sa Kasulatan 3 Nephi 27:20	Mahinungdanong Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.”
Pakisayran sa Kasulatan Ether 12:6	Mahinungdanong Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.”
Pakisayran sa Kasulatan Ether 12:27	Mahinungdanong Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.”
Pakisayran sa Kasulatan Moroni 7:45–48	Mahinungdanong Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.”
Pakisayran sa Kasulatan Moroni 10:4–5	Mahinungdanong Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”

© 2024 by Intellectual Reserve, Inc. All rights reserved.

Ikonsiderar ang pagdapit sa mga estudyante sa pagtinabangay uban ang sa usa ka pares. I-assign ang matag paresanr sa pagpangandam sa pagpaila og labing menos usa ka tudling sa doktrinal nga kahanas ngadto sa klase. Siguroha nga ma-assign ang tanang 12 ka tudling. Human sila mahatagan og panahon sa pagpangandam, dapita ang matag paresan sa pagbuhat sa mosunod:

1. Ipaila ang ilang pares ngadto sa tibuok klase pinaagi sa pagpakigbahin og butang nga makapaikag o mahinungdanon sa usag usa

2. Ipaila ang ilang tudling sa doktrinal nga kahanas ngadto sa klase pinaagi sa:

   • Pagdasig sa mga estudyante sa pagpakli ngadto sa tudling ug ikonsiderar ang pagmarka niini

   • Pagbasa sa tibuok tudling ngadto sa klase ug ipasabot kon hain nga bahin sa kasulatan ang mahinungdanon nga hugpong sa mga pulong sa kasulatan

   • Ipasabot kon nganong ang pagsabot sa kamatuoran diha sa mahinungdanon nga hugpong sa mga pulong sa kasulatan importante alang sa kabatan-onan karon

Human makapakigbahin ang tanang estudyante, mahimong gamiton sa mga estudyante ang bisan unsang nahibiling oras sa klase sa pagsugod sa pagsag-ulo sa mga pakisayran ug sa mahinungdanon nga mga hugpong sa mga pulong sa kasulatan. Mahimong gustohon nilang gamiton ang Doktrinal nga Kahanas nga mobile app aron matabangan sila (kon anaa).

Dugang nga mga Kalihokan sa Pagkat-on

Kahigayonan sa mga estudyante sa pagtudlo

Ikonsiderar ang pag-assign sa matag estudyante og managlahi nga tudling sa doktrinal nga kahanas. Ang matag estudyante mahimong mogamit sa ilang gi-assign nga tudling aron sa pag-andam og espirituhanong hunahuna nga ipakigbahin isip kabahin sa usa ka debosyonal sa ulahing bahin sa semestre. Kon gamiton nimo kini nga ideya, siguroha nga irekord kon hain nga mga tudling sa doktrinal nga kahanas ang gi-assign kang kinsa nga mga estudyante, ingon man unsa nga adlaw ang debosyonal ipahigayon. Mahimo nimong pahinumdoman ang mga estudyante atol sa klase sa dili pa ang adlaw sa debosyonal.

Alternatibo nga kalihokan

Tan-awa ang seksiyon sa “Dugang nga mga Kalihokan sa Pagkat-on” diha sa leksiyon nga “Rebyo 1 sa Doktrinal nga Kahanas” alang sa laing paagi sa pagtabang sa mga estudyante nga makit-an ug matun-an ang mga tudling sa doktrinal nga kahanas alang niini nga semestre.