Rebyo 22 sa Doktrinal nga Kahanas

Gamita

Kini nga leksiyon makahatag kanimo og kahigayonan sa paggamit sa mga tudling sa doktrinal nga kahanas sa Basahon ni Mormon ngadto sa tinuod nga mga sitwasyon sa kinabuhi.

Pagdasig sa estudyante sa pagpili.Ang paghatag sa mga estudyante sa pagpili kon unsa o unsaon nila sa pagtuon atol sa usa ka leksiyon nagtugot kanila sa paggamit sa ilang kabubut-on ug sa pagtubo sa espirituwal nga paagi. Kini nga pagtubo makapalig-on sa hugot nga pagtuo sa mga estudyante diha sa Langitnong Amahan ug ni Jesukristo.

Pagpangandam sa estudyante: Dapita ang mga estudyante sa pagpamalandong ug sa pagtambong nga andam mopakigbahin kon hain nga mga kamatuoran o mga pagtulun-an gikan sa mga tudling sa doktrinal nga kahanas ang ilang gigamit sa ilang kinabuhi.

Mga Posibleng Kalihokan sa Pagkat-on

Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor o koordinitor sa area o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.

Tinuod nga kahimtang sa kinabuhi

Ikonsiderar ang pagpakita o kon dili ang paghatag sa mga estudyante sa mosunod nga senaryo. Ang katuyoan sa pagdapit sa mga estudyante sa pagkompleto sa senaryo mao ang pagtabang kanila sa pagbansay sa paggamit sa mga kamatuoran diha sa mga kasulatan sa ilang kaugalingong mga kinabuhi. Dapita ang mga estudyante nga sulatan ang mga blangko diha sa usa ka piraso sa papel nga dili mogamit og mga ngalan sa mga tawo nga tingali nailhan sa ubang mga estudyante sa klase.

Paghunahuna og batan-on nga imong nailhan. Pamalandongi ang pipila sa iyang mga sitwasyon sa pamilya, unsay iyang ganahan, ug ang pipila sa mga hagit nga iyang giatubang. Ikonsiderar kini nga impormasyon samtang naghimo ka og usa ka mahanduraw apan tinud-anay nga senaryo nga gamiton sa tibuok niini nga leksiyon pinaagi sa pagtubag sa mosunod nga mga blangko:

• Si (Isulat ang ngalan) kay anyos ug adunay ka mga tawo sa (iyang) pamilya. (Siya) ganahan , , ug . Ang pipila sa mga hagit nga (iyang) giatubang mao ang , , ug . (Siya) mibati nga ang (iyang) pagpamatuod ni Jesukristo .

Usa ka paagi nga ang Ginoo mogiya kanato latas sa atong mga hagit mao ang pinaagi sa Iyang mga pagtulon-an diha sa mga kasulatan. Samtang kita magtuon ug mogamit sa mga pagtulun-an diha sa mga kasulatan, kita makakaplag og mga tubag nga makatabang kanato sa atong mga kinabuhi.

Pahinumdomi ang mga estudyante sa ilang pagpangandam sa klase samtang tubagon nila ang mosunod nga mga pangutana.

• Unsa ang bili sa pagsabot sa mga kasulatan ug sa paggamit niini sa atong mga kinabuhi?

• Unsa ang mga paagi nga malamposon nimong nagamit ang mga pagtulun-an sa kasulatan sa imong kinabuhi?

Si Elder Craig C. Christensen sa Seventy mipasabot kon sa unsang paagi si Joseph Smith migamit og sumbanan aron malamposon nga magamit ang mga pagtulun-an sa kasulatan:

Gitugotan ni Joseph nga ang kasulatan modulot sa iyang kasingkasing. Gipamalandongan gayod ug gigamit kini sa kaugalingon niyang sitwasyon. Dayon gibuhat ang iyang nakat-onan. (Craig C. Christensen, “Ako Nasayod Nini nga mga Butang sa Akong Kaugalingon,” Liahona, Nob. 2014, 51)

• Unsa ang mipatigbabaw kanimo gikan sa pamahayag ni Elder Christensen?

Tingali nakita nimo ang mosunod nga sumbanan sa ehemplo ni Joseph:

1. Magtuon sa mga kasulatan nga adunay bukas nga kasingkasing.

2. Pamalandongi kini pag-ayo.

3. Gamita ang mga pagtulon-an sa sitwasyon.

4. Molihok sumala kon unsay nakat-onan.

Paggamit sa sumbanan

Kon makatabang, mahimo nimong ipakita ang mosunod nga tsart sa mga tudling sa doktrinal nga kahanas o hatagi og kopya ang mga estudyante niini alang sa mosunod nga kalihokan.

Pamalandongi ang senaryo nga imong gihimo kaganiha. Rebyoha ang mosunod nga mga tudling sa doktrinal nga kahanas ug isulat sa papel ubos sa imong senaryo ang pakisayran sa usa niini nga mga tudling nga imong gibati nga makatabang nga gamiton sa tawo sa imong senaryo. Sunda ang unang tulo ka mga lakang sa sumbanan sa ibabaw. Magtuon sa tudling nga adunay bukas nga kasingkasing. Pamalandongi pag-ayo ang tudling. Dayon isulat kon nganong imong gibati nga kana nga tudling makatabang nga gamiton sa tawo.

Doktrinal nga Kahanas sa Basahon ni Mormon: Alma–Moroni

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan Alma 7:11–13	Mahinungdanon nga Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.”
Pakisayran sa Kasulatan Alma 34:9–10	Mahinungdanon nga Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.”
Pakisayran sa Kasulatan Alma 39:9	Mahinungdanon nga Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.”
Pakisayran sa Kasulatan Alma 41:10	Mahinungdanon nga Hugpong sa mga Pulong sa Kasulatan “Ang pagkadaotan dili mahitabo nga kalipay.”
Pakisayran sa Kasulatan Helaman 5:12	Mahinungdanon nga Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukuranan.”
Pakisayran sa Kasulatan 3 Nephi 11:10–11	Mahinungdanon nga Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.”
Pakisayran sa Kasulatan 3 Nephi 12:48	Mahinungdanon nga Hugpong sa mga Pulong sa Kasulatan “[Pagmahingpit] sama nga Ako ingon, o ang inyong Amahan kinsa anaa sa langit hingpit.”
Pakisayran sa Kasulatan 3 Nephi 27:20	Mahinungdanon nga Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.”
Pakisayran sa Kasulatan Ether 12:6	Mahinungdanon nga Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.”
Pakisayran sa Kasulatan Ether 12:27	Mahinungdanon nga Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.”
Pakisayran sa Kasulatan Moroni 7:45–48	Mahinungdanon nga Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.”
Pakisayran sa Kasulatan Moroni 10:4–5	Mahinungdanon nga Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”

Paggamit sa mga kasulatan

Aron makapadayon sa pagsunod sa sumbanan sa ibabaw, tinguhaa ang paggamit sa kasulatan nga imong gipili ngadto sa tawo diha sa imong senaryo pinaagi sa pagdapit kaniya sa pagbuhat sa unsay gitudlo. Ang mosunod nga mga lakang mahimong makatabang sa pagbuhat niini:

Ikonsiderar ang pagbahin sa mga estudyante ngadto sa tag-upat ka mga grupo ug ipakita ang mosunod nga mga instruksiyon.

Mahimong magsugod ang usa ka estudyante pinaagi sa pagpasa sa papel sa iyang senaryo ug sa napilian nga pakisayran sa kasulatan ngadto sa laing tawo diha sa grupo. Mahimo dayon nga rebyohon sa mga estudyante ang senaryo ug ang mga tudling diha sa papel ug kompletohon ang lakang “a” niana nga papel.

Ang papel mahimo dayon nga ipasa ngadto sa laing estudyante kinsa mokompleto sa lakang “b” ug ipasa pag-usab ngadto sa laing estudyante kinsa mokompleto sa lakang “c.”

1. Irekord ang usa o duha ka paagi nga kini nga tawo makalihok inubanan sa hugot nga pagtuo base sa mga kamatuoran sa tudling sa doktrinal nga kahanas. Sama pananglit, ang usa ka tawo nga naningkamot sa paggamit sa mga pagtulun-an sa Ether 12:27 mahimong magtinguha og mga paagi sa pagpalambo sa Kristohanong hiyas sa pagkamapainubsanon o mohimo og mga lihok sa pagduol ngadto kang Kristo, sama sa pag-ambit sa sakramento matag semana nga adunay tinuyo nga pagtutok sa Manluluwas.

2. Irekord kon unsay imong isulti sa pag-awhag ug pagdasig niini nga tawo sa pagbuhat sa unsay iyang nakat-onan. Ilakip kon sa unsang paagi ang paggamit sa mensahe makaimpluwensiya sa relasyon sa tawo ngadto sa Langitnong Amahan ug ni Jesukristo ug sa iyang tinguha ug abilidad nga mahimong sama Kanila.

3. Irekord ang imong pagpamatuod sa kamatuoran nga gitudlo diha sa tudling o ang usa ka kasinatian nga may kalabotan niini.

Ang matag papel mahimo na nga ibalik ngadto sa orihinal nga tagsulat aron siya makarebyo ug makakat-on gikan sa unsay gisulat sa ubang mga estudyante.

Paggamit sa mga tudling diha sa imong kinabuhi

Dasiga ang mga estudyante sa pagrekord sa ilang mga tubag sa mosunod nga mga pangutana diha sa ilang mga journal sa pagtuon.

• Sa unsang paagi nga ang mga kamatuoran nga imong gitun-an ug gipamalandongan magamit sa imong mga kahimtang sa kinabuhi?

• Unsa nga mga lihok ang imong gibati nga nadasig nga buhaton? (Sama pananglit, mahimo kang mopili og mga paagi sa pagpahiuyon sa imong kaugalingon nga pagtuon sa kasulatan nga mas tinuyo nga mopunting sa paggamit sa mga kamatuoran nga imong napalgan. Ikonsiderar kon unsaon nimo sa paggamit ang sumbanan nga imong gibansay niini nga leksiyon aron sa pagbuhat niini.)

• Sa unsang paagi nga ang imong mga lihok makaimpluwensiya sa imong relasyon ngadto sa Langitnong Amahan ug ni Jesukristo?