Mormon 1–6

Kinatibuk-ang Pagpasabot

Sa dihang si Mormon nagtan-aw sa pagkadaotan sa iyang mga katawhan, siya mitudlo mahitungod kon kinsa ang mohukom kanato ug sa unsang paagi kita pagahukman niini nga Kataposang Paghukom. Naghisgot sa mga tawo sa iyang palibot, si Mormon miingon, “Ako nangulo kanila … ug nahigugma kanila … sa tibuok kong kasingkasing” (Mormon 3:12). Apan siya nabalaka ug nagbangotan alang sa iyang katawhan samtang sila nagpadulong ngadto sa kalaglagan tungod kay sila nagdumili sa pagdangop sa Dios alang sa panabang. Sa kataposan, ang nasod nga Nephite gilaglag sa mga Lamanite.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Mormon 1–2

Katuyoan sa leksiyon: Kini nga leksiyon makatabang sa mga estudyante sa pagsabot gikan sa ehemplo ni Mormon kon unsaon sa pagsunod kang Kristo bisan unsa pa ang pilion sa uban nga buhaton.

• Pagpangandam sa estudyante: Dapita ang mga estudyante nga motambong nga andam mopakigbahin og mga kasinatian mahitungod sa higayon diin sila mipili nga mahimong lahi sa uban aron mosunod kang Jesukristo ug kon nganong takos lang kini.

• Hulagway nga ipakita: Usa ka hulagway sa usa ka butang nga klaro nga lahi sa mga butang sa palibot niini; usa ka hulagway ni Mormon nga nagtrabaho sa bulawan nga mga palid

• Mga Handout: “Pagkamaligdong” ug “Pagkadali nga Maniid”

• Sugyot sa pagtudlo pinaagi sa videoconference: Kon gihangyo nimo ang mga estudyante sa pag-andam og profile sa social media alang ni propetaMormon sa tibuok leksiyon, ibutang sila sa mga breakout room aron tugotan sila sa pagpresentar sa unsay ilang giandam ngadto sa ubang mga estudyante.

Mormon 3

Katuyoan sa leksiyon: Kini nga leksiyon makatabang sa pag-andam sa mga estudyante sa pagbarog nga adunay pagsalig ug kalipay sa atubangan ni Jesukristo sa Kataposang Paghukom.

• Pagpangandam sa estudyante: Dapita ang mga estudyante nga motambong nga andam sa pagpakigbahin og mga pangutana nga aduna sila mahitungod sa Kataposang Paghukom. Ikonsiderar ang paggamit og dili magpaila nga botohan aron sa pagtugot sa mga estudyante sa pagpadala sa ilang mga pangutana sa wala pa ang klase. Ang ilang mga pangutana mahimong mogiya kanimo sa pag-andam og leksiyon aron matubag ang ilang mga panginahanglanon.

• Sulod nga ipakita: Mga instruksiyon nga daw nagpakita nga adunay usa ka surpresa nga kataposang eksaminasyon o pagsukod atol niini nga leksiyon; ang tsart sa mga pangutana ug mga tubag mahitungod sa Kataposang Paghukom

• Mga Bidyo: “Ang Dako nga Laraw” (16:03; tan-awa gikan sa time code 14:06 hangtod sa 14:50); “Balaanong Gugma diha sa Plano sa Amahan” (14:46; tan-awa gikan sa time code 1:44 hangtod sa 3:31); “Malimpyo pinaagi sa Paghinulsol” (15:27; tan-awa gikan sa time code 8:09 hangtod sa 12:03)

• Sugyot sa pagtudlo pinaagi sa videoconference: Ikonsiderar ang pagbutang sa mga estudyante ngadto sa mga breakout room sulod sa pipila ka minuto aron sa paglista sa ilang mga pangutana mahitungod sa Kataposang Paghukom. Tinguba sila og balik, ug paggamit og whiteboard feature aron sa pagtugot kanila sa pagsulat o pag-type sa ilang mga pangutana. Dapita ang mga estudyante sa pag-screenshot sa tanan nga mga pangutana, ug dayon ipakita ang listahan sa mga kapanguhaan kon asa sila makakaplag og mga tubag. Hatagi sila og panahon sa pagpangita og mga tubag gamit ang gihatag nga mga kapanguhaan o bisan unsang laing balaanong gitudlo nga mga tinubdan nga ilang nahibaloan.

Mormon 3–6

Katuyoan sa Leksiyon: Kini nga leksiyon makatabang sa mga estudyante nga mobati sa kamahinungdanon sa pagdangop ngadto sa Langitnong Amahan ug sa Manluluwas diha sa ilang kinabuhi.

• Pagpangandam sa estudyante: Dapita ang mga estudyante nga mosulay sa paghinumdom sa usa ka higayon sa dihang gitabangan sila sa Dios latas sa usa ka pakigbisog tungod kay nangayo sila Kaniya og tabang.

• Hulagway nga ipakita: Usa ka hulagway ni Mormon ug Moroni nga nagtan-aw sa kalaglagan sa mga Nephite

• Bidyo: “Prophets Warning” (1:24; tan-awa gikan sa time code 0:00 hangtod sa 0:58)

Sukda ang Imong Nakat-onan 8

Katuyoan sa leksiyon: Kini nga leksiyon gituyo aron pagtabang sa mga estudyante sa pagtimbang-timbang sa mga tumong nga ilang gitakda ug sa paglambo nga ilang nasinati sa panahon sa ilang bag-ohay lang nga pagtuon sa 3 Nephi 8 hangtod sa Mormon 6.

• Pagpangandam sa estudyante: Dapita ang mga estudyante sa pagtambong nga andam sa pagpakigbahin sa unsay ilang nakat-onan o sa mga paagi nga sila milambo sa espirituhanong paagi sa miaging pipila ka semana. Tingali makatabang nga ang mga estudyante magrebyo sa ilang journal sa pagtuon o mubo nga mga sulat diha sa ilang mga kasulatan.

Rebyo 22 sa Doktrinal nga Kahanas

Katuyoan sa leksiyon: Kini nga leksiyon makahatag sa mga estudyante og kahigayonan sa paggamit sa mga tudling sa doktrinal nga kahanas sa Basahon ni Mormon ngadto sa tinuod nga mga sitwasyon sa kinabuhi.

• Pagpangandam sa estudyante: Dapita ang mga estudyante sa pagpamalandong ug sa pagtambong nga andam mopakigbahin kon hain nga mga kamatuoran o mga pagtulun-an gikan sa mga tudling sa doktrinal nga kahanas ang ilang gigamit sa ilang kinabuhi.

• Sulod nga ipakita: Usa ka tubagi-ang-blangko nga senaryo; ang pamahayag ni Elder Craig C. Christensen; ang tsart sa mahinungdanon nga hugpong sa mga pulong sa kasulatan gikan sa Alma hangtod sa Moroni

• Mga materyal alang sa mga estudyante: Usa ka piraso sa papel alang sa matag estudyante

• Sugyot sa pagtudlo pinaagi sa videoconference: Ikonsiderar ang pagbutang sa mga estudyante ngadto sa mga grupo nga tag-upat diha sa mga breakout room aron kompletohon ang kalihokan ubos sa ulohan nga “Paggamit sa mga kasulatan.” Gamita ang messaging feature aron sa paghatag og mga instruksiyon sa matag grupo.