Iloiloga 22 o le Atamai i Aoaoga Faavae

Faaaoga

O lenei lesona o le a tuuina atu ia te oe se avanoa e faaaoga ai fuaitau o le atamai i aoaoga faavae o le Tusi a Mamona i tulaga moni o le olaga.

Uunaia filifiliga a tagata aoga. O le tuuina atu i tagata aoga o le filifiliga o le mea e fai po o le auala latou te suesue ai i le taimi o se lesona e mafai ai ona latou faaaogaina lo latou faitalia ma tuputupu ae ai faaleagaga. O lenei tuputupu ae e mafai ona fausia ai le faatuatua o tagata aoga i le Tama Faalelagi ma Iesu Keriso.

Sauniuniga a le tagata aoga: Valaaulia tagata aoga e mafaufau loloto ma o mai saunia e faasoa mai po o a upumoni po o aoaoga mai fuaitau o le atamai i aoaoga faavae sa latou faaaogaina i o latou olaga.

Gaoioiga e Ono Mafai Ona Aoao Ai

Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina o lesona ua saunia e le eria po o le faatonu o le eria po o le taitai faamaopoopo ina ia mautinoa ai o lesona taitasi o fuaitau o le atamai i aoaoga faavae o le a aoaoina a o faia vasega seminare.

O se tulaga moni o le olaga

Mafaufau e faaali atu pe o le tuuina atu foi i tagata aoga o le ata faataitai lenei. O le faamoemoega o le valaaulia o tagataaoga e faamaea le ata faataitai o le fesoasoani lea ia i latou e faataitai le faaaogaina o upumoni i tusitusiga paia i o latou lava olaga. Valaaulia tagata aoga e faatumu avanoa i luga o se fasipepa e i latou lava e aunoa ma le faaaogaina o igoa o tagata atonu e iloa e isi tagata aoga i le vasega.

Mafaufau i se talavou e te iloaina. Mafaufau loloto i nisi o o latou tulaga faaleaiga, mea latou te fiafia i ai, ma nisi o luitau latou te feagai. Mafaufau i le faamatalaga lenei a o e fatuina se vaaiga faalemafaufau ae moni e faaaoga i lenei lesona atoa e ala i le faatumuina o avanoa nei:

• (Tuu i totonu le igoa) ua tausaga le matua ma e i ai tagata i lona aiga. O ia e fiafia e , , ma . O nisi o luitau o loo feagai ma ia o le , , ma le . Ua ia lagonaina o lana molimau ia Iesu Keriso e .

O se tasi o auala e taiala ai i tatou e le Alii i o tatou luitau e ala lea i Ana aoaoga i tusitusiga paia. A o tatou suesue ma faaaoga aoaoga i tusitusiga paia, e mafai ona tatou maua tali e fesoasoani ia i tatou i o tatou olaga.

Faamanatu i tagata aoga i a latou sauniuniga mo le vasega a o latou tali atu i fesili nei.

• O le a le taua o le malamalama i tusitusiga paia ma le faaaogaina i o tatou olaga?

• O a ni auala ua manuia ai lou faaaogaina o aoaoga faatusi paia i lou olaga?

Sa faamatala e Elder Craig C. Christensen o le Fitugafulu le auala na faaaoga ai e Iosefa Samita se mamanu na manuia ai le faaaogaina o aoaoga faatusi paia:

Sa faatagaina e Iosefa ia tusitusiga paia ia ulufia lona loto. Sa ia mafaufau loloto i ai ma faaaogaina i lona lava tulaga. Ona ia galue lea i le mea sa ia aoaoina. (Craig C. Christensen, “Ua Ou Iloa Nei Mea Mo Au Lava Ia,” Liahona, Nov. 2014, 51)

• O le a se mea sa tulaga ese ia te oe mai le saunoaga a Elder Christensen?

Atonu na e vaai i le mamanu lenei i le faataitaiga a Iosefa:

1. Suesue i tusitusiga paia ma se loto matala.

2. Mafaufau loloto i ai.

3. Faaaoga aoaoga i lea tulaga.

4. Faatino mea sa aoaoina.

Faaaogaina o le mamanu

Afai e aoga, e mafai ona e faaali atu le siata lenei o fuaitau o le atamai i aoaoga faavae pe saunia se kopi mo tagata aoga mo le gaoioiga lenei.

Toe manatunatu i le tulaga faataitai na e fatuina muamua. Toe iloilo fuaitau nei o le atamai i aoaoga faavae ma tusi i luga o le pepa i lalo o lau vaaiga faataitai le mau faasino o se tasi o nei fuaitau e te lagona o le a aoga mo le tagata i lau vaaiga faataitai e faaaogaina. Mulimuli i laasaga muamua e tolu o le mamanu o loo i luga. Suesue le fuaitau ma se loto matala. Mafaufau loloto i le fuaitau. Ona tusi lea i lalo pe aisea e te lagona ai o lena fuaitau o le a fesoasoani mo le tagata e faaaogaina.

Atamai i Aoaoga Faavae o le Tusi a Mamona: Alema–Moronae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o le Mau
Mau Faasino Alema 7:11–13	Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.”
Mau Faasino Alema 34:9–10	Fasifuaitau Autu o le Mau “E tatau ona iai o se togiola, … o se taulaga e ao ina leai sona gataaga ma e faavavau.”
Mau Faasino Alema 39:9	Fasifuaitau Autu o le Mau “Aua e te toe saili atu i tuinanau o ou mata.”
Mau Faasino Alema 41:10	Fasifuaitau Autu o le Mau “E lei avea lava le amioleaga ma fiafia.”
Mau Faasino Helamana 5:12	Fasifuaitau Autu o le Mau “O luga lava o le papa o lo tatou Togiola … e ao ina oulua atiinaa’e ai lo oulua faavae.”
Mau Faasino 3 Nifae 11:10–11	Fasifuaitau Autu o le Mau “Na ou tuuina atu ai i le finagalo o le Tamā i mea uma mai le amataga.”
Mau Faasino 3 Nifae 12:48	Fasifuaitau Autu o le Mau “Ia outou atoatoa e pei lava o aʼu, po o lo outou Tamā o le o i le lagi e atoatoa.”
Mau Faasino 3 Nifae 27:20	Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.”
Mau Faasino Eteru 12:6	Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.”
Mau Faasino Eteru 12:27	Fasifuaitau Autu o le Mau “Ma afai e o mai tagata ia te au … ona ou faia lea o mea vaivai ia avea ma mea malolosi ia te i latou.”
Mau Faasino Moronae 7:45–48	Fasifuaitau Autu o le Mau “O le alofa mama o le alofa le pona lea o Keriso.”
Mau Faasino Moronae 10:4–5	Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.”

Faaaogaina o tusitusiga paia

Ina ia faaauau pea ona mulimuli i le mamanu o loo i luga, saili e faaaoga le mau na e filifilia e tuu atu i le tagata i lau vaaiga faataitai e ala i le valaauliaina o ia e faatino mea o loo aoaoina. O laasaga nei e mafai ona fesoasoani i le faia o lenei mea:

Mafaufau e vaevaeina tagata aoga i ni vaega taitoafa ma faaali atu faatonuga nei.

E mafai e se tagata aoga ona amata i le tufaina atu o le pepa o loo iai lana vaaiga faataitai ma le mau faasino na filifilia i se isi tagata o le vaega. Ona mafai lea e tagata aoga ona toeiloilo le vaaiga faataitai ma le fuaitau i luga o le pepa ma faamaea le laasaga “a” i luga o lena pepa.

Ona mafai lea ona pasi atu le pepa i se isi tagata aoga e faamaeaina le laasaga “e” ma toe pasi atu i se isi tagata aoga e faamaea le laasaga “i.”

1. Tusi faamaumau se auala se tasi pe lua e mafai ai e lenei tagata ona faatino i le faatuatua e faavae i upumoni i le fuaitau o le atamai i aoaoga faavae. Mo se faataitaiga, o se tasi o loo taumafai e faaaoga aoaoga i le Eteru 12:27 e ono sailia ni auala e atiina ae ai le uiga faaKeriso o le lotomaualalo po o le faia o faatinoga e o mai ai ia Keriso, e pei o le aai ma feinu i le faamanatuga i vaiaso taitasi ma se taulaiga faamoemoeina i le Faaola.

2. Tusifaamaumau mea o le a e fai atu e uunaia ma faaosofia ai lenei tagata e faatino mea sa ia aoaoina. Ia aofia ai le auala e mafai ai e le faaaogaina o le savali ona tosina ai le sootaga a le tagata ma le Tama Faalelagi ma Iesu Keriso ma lona manao ma le gafatia e avea ai e faapei o i Laua.

3. Tusi faamaumau lau molimau i le upumoni na aoaoina i le fuaitau po o se aafiaga e faatatau i ai.

Ua mafai nei ona toe pasi atu pepa taitasi i le uluai tusitala ina ia mafai ai ona ia iloiloina ma aoao mai mea na tusia e isi tagata aoga.

Faaaogaina o fuaitau i lou olaga

Valaaulia tagata aoga e tusi a latou tali i fesili nei i a latou apitalaaga o suesuega.

• E faapefea ona faatatau upumoni sa e suesueina ma mafaufau loloto i ai i tulaga o lou olaga?

• O a faatinoga ua e lagona le musuia e fai? (Mo se faataitaiga, e mafai ona e faailoa mai ni auala e fetuunai ai au lava suesuega patino o tusitusiga paia e taulai atili atu ai ma le totoa i le faaaogaina o upumoni e te maua. Mafaufau pe mafai faapefea ona e faaaogaina le mamanu na e faataitaia i lenei lesona e fai ai.)

• Ua mafai faapefea e au faatinoga ona aafia ai lou sootaga ma le Tama Faalelagi ma Iesu Keriso?