Mamona 1–6

Vaaiga Aoao

A o vaavaai atu Mamona i le amioleaga o lona nuu, sa ia aoao atu e uiga i le o le a faamasinoina i tatou ma le ala o le a faamasinoina ai i tatou i le Faamasinoga Mulimuli. I le talanoa ai e uiga i tagata na siomia o ia, sa ia fai mai ai, “Sa ou taitaia i latou … ma sa alofa ia te i latou … ma lo’u loto atoa” (Mamona 3:12). Ae sa popole o ia ma faanoanoa mo lona nuu a o latou agai atu i le faafanoga ona sa latou mumusu e liliu atu i le Atua mo se fesoasoani. I le iuga, na faaumatia le malo o sa Nifae e sa Lamana.

Saunia e Aoao Atu

O le faamatalaga lenei ua tuuina atu ai i faiaoga ni manatu o mea atonu e manaomia ona muai saunia mo lesona taitasi.

Mamona 1–2

Faamoemoega o le lesona: O lenei lesona e mafai ona fesoasoani i tagata aoga ia malamalama mai le faataitaiga a Mamona i le ala e mulimuli ai ia Keriso tusa lava po o a mea e filifili isi e fai.

Sauniuniga a le tagata aoga: Valaaulia tagata aoga e o mai saunia e faasoa mai ni aafiaga e uiga i le taimi na latou filifili ai e ese mai isi ina ia mulimuli ia Iesu Keriso ma pe aisea na aoga ai.
Ata e faaali atu: O se ata o se mea e manino le ese mai mea o loo siomia ai; o se ata o Mamona o loo galue i papatusi auro
Pepa e tufa atu: “Ia Faautauta” ma le “Ia Vave Ona Maitau”
Fautuaga faafaiaoga faavitio: Afai e te fai atu i tagata aoga e saunia se talaaga otooto o ala o faasalalauga faaleagafesootai mo le perofeta o Mamona i le aluga o le lesona, tuu i latou i potu vaevae e faataga ai i latou e tuuina atu mea sa latou saunia i nai isi tagata aoga.

Mamona 3

Faamoemoega o le lesona: O lenei lesona e mafai ona fesoasoani e saunia ai tagata aoga e tutu atu ma le mautinoa ma le olioli i luma o Iesu Keriso i le Faamasinoga Mulimuli.

Sauniuniga a le tagata aoga: Valaaulia tagata aoga e o mai saunia e faasoa mai a latou fesili e uiga i le Faamasinoga Mulimuli. Mafaufau e faaaoga se palota faalilolilo e faataga ai tagata aoga e auina atu ai a latou fesili a o lei amataina le vasega. O a latou fesili e mafai ona taialaina ai oe i le sauniaina o se lesona e talafeagai ma o latou manaoga.
Anotusi e faaali atu: O faatonuga e foliga mai e faailoa mai ai o le a i ai se suega faaiu e faateia ai po o se iloiloga i le taimi o lenei lesona; o le siata o fesili ma tali e uiga i le Faamasinoga Mulimuli
Vitio: “O Le Fuafuaga Sili” (16:03; matamata mai le faailo taimi 14:06 i le 14:50); “O Le Alofa Paia i le Fuafuaga a le Tama” (14:46; matamata mai le faailo taimi 1:44 i le 3:31); “Faamamaina e ala i le Salamo” (15:27; matamata mai le faailo taimi 8:09 i le 12:03)
Fautuaga faafaiaoga faavitio: Mafaufau e tuu tagata aoga i potu vaevae mo ni nai minute e lisi ai ni a latou fesili e uiga i le Faamasinoga Mulimuli. Toe aumai faatasi i latou, ma faaaoga le vaega o le laupapa paepae e faataga ai i latou e tusi pe ta a latou fesili. Valaaulia tagata aoga e pue ata o le lau o fesili uma, ona faaali lea o le lisi o punaoa e mafai ona latou maua ai tali. Tuu atu ia i latou se taimi e sue ai tali e faaaoga ai punaoa ua saunia pe so o se isi punaoa paia filifilia ua latou silafia.

Mamona 3–6

Faamoemoega o le lesona: O lenei lesona e mafai ona fesoasoani i tagata aoga ia lagonaina le taua o le liliu atu i le Tama Faalelagi ma le Faaola i o latou olaga.

Sauniuniga a le tagata aoga: Valaaulia tagata aoga e taumafai e toe mafaufau i se taimi na fesoasoani ai le Atua ia i latou e ala i se tauiviga ona sa latou ole atu ia te Ia mo se fesoasoani.
Ata e faaali atu: O se ata o Mamona ma Moronae o loo vaavaai atu i le faatafunaga o sa Nifae
Vitio: “Lapataiga a Perofeta” (1:24; matamata mai le faailo taimi 0:00 e oo i le 0:58)

Iloilo Lou Aoaoina 8

Faamoemoega o le lesona: O lenei lesona ua faamoemoe e fesoasoani i tagata aoga e iloilo ai ni sini sa latou faatutūina ma le tuputupu a’e ua latou oo i ai i le taimi o a latou suesuega lata mai nei o le 3 Nifae 8 e oo i le Mamona 6.

Sauniuniga a le tagata aoga: Valaaulia tagata aoga e o mai saunia e faasoa mai mea na latou aoaoina po o ni auala na latou tuputupu a’e ai faaleagaga i nai vaiaso ua tuanai. E ono fesoasoani le tuu atu i tagata aoga e toeiloilo a latou api talaaga mo suesuega po o faamatalaga i a latou tusitusiga paia.

Iloiloga 22 o le Atamai i Aoaoga Faavae

Faamoemoega o le lesona: O lenei lesona o le a tuu atu ai i tagata aoga se avanoa e faaaoga ai fuaitau o le atamai i aoaoga faavae o le Tusi a Mamona i tulaga moni o le olaga.

Sauniuniga a le tagata aoga: Valaaulia tagata aoga e mafaufau loloto ma o mai saunia e faasoa mai po o a upumoni po o aoaoga mai fuaitau o le atamai i aoaoga faavae sa latou faaaogaina i o latou olaga.
Anotusi e faaali atu: O se vaaiga e faatumu-avanoa; o le saunoaga a Elder Craig C. Christensen; o le siata o fasifuaitau autu o mau mai i le Alema e oo atu ia Moronae
Anomea mo tagata aoga: Se fasipepa mo tagata aoga taitasi
Fautuaga faafaiaoga faavitio: Mafaufau e tuu tagata aoga i ni vaega taitoafa i potu vaevae e faamaea ai le gaoioiga i lalo o le ulutala “Faaaogaina o tusitusiga paia.” Faaaoga le vaega o feau tusitusia e tuuina atu ai faatonuga i vaega taitasi.