“Mamona 8:1–26: O Se Faamaumauga Taua Tele,” Tusi Lesona a le Faiaoga o le Tusi a Mamona (2024)
“Mamona 8:1–26,” Tusi Lesona a le Faiaoga o le Tusi a Mamona
Mamona 8:1–26
O Faamaumauga Taua Tele
O le a se mea e te faia pe afai e tuuina faamavaega atu ia te oe se mea e taua tele e pei o papatusi auro? Ina ua maua e Moronae papatusi, sa ia faia mea uma na te mafaia e puipuia ai i latou. Na iu lava ina ia tanumiaina i latou i le eleele, ma le faatuatuaga e faapea sa “natia i le Alii” (itulau autu o le Tusi a Mamona), ina ia aumaia i se aso “e ala i le aao o le Alii” (Mamona 8:26). O lenei lesona e mafai ona fesoasoani ia te oe e lagona ai le taua o le Tusi a Mamona i lou olaga.
Fausiaina o se siosiomaga mataalia e aoao ai. Mafaufau e faaaoga nofoaga e aoao ai o se auala aoga e vaevae ai aofaiga tetele o anotusi ma tuu i tagata aoga e pulea lo latou lava aotauina. A o latou filifili ma fesuisuiai i nofoaga, vaavaai mo tagata aoga o e atonu e manaomia fesoasoaniga taitoatasi.
Sauniuniga a le tagata aoga: Valaaulia tagata aoga e mafaufau loloto pe faapefea e a latou taumafaiga talu ai nei e suesue le Tusi a Mamona ona ta’u mai ai le ala latou te faatauaina ai le Tusi a Mamona.
Gaoioiga e Ono Mafai Ona Aoao Ai
O se meaalofa taua
Manatu faapea na tuuina atu e se tasi ia te oe se ato e tumu i taimane ma penina o se meaalofa.
-
E faapefea ona e tali atu i ai? E mafai faapefea e lenei meaalofa ona faamanuiaina ai lou olaga?
Sa tuuina atu e Peresitene Russell M. Nelson se kopi o le Tusi a Mamona i se tupu o se ituaiga o tagata Aferika ma faamatala atu i ai le ala e avea ai o se tasi molimau ia Iesu Keriso. Sa tali atu le tupu:
“Sa ono mafai ona e foai maia ni taimane ma ni penina, ae e leai ma se mea e sili atu lona taua ia te a’u nai lo lenei malamalama faaopoopo e uiga i le Alii o Iesu Keriso.” (Russell M. Nelson, “O Le Tusi a Mamona: Faamata e Faape’i Lou Olaga e aunoa ma Ia?,” Liahona, Nov. 2017, 60–61)
-
O a nisi o mafuaaga atonu na faapena ai lagona o le tupu?
Tuu atu i tagata aoga se taimi e iloilo ai o latou lagona e uiga i le Tusi a Mamona. E mafai ona e faaali atu le saunoaga lenei mai ia Peresitene Nelson e fesoasoani ia i latou e mafaufau loloto ai.
Mafaufau pe o le a faapefea ona e tali atu i fesili nei na tuuina mai e Peresitene Nelson:
O’u uso e ma tuafafine, o le a le taua o le Tusi a Mamona ia te oe? Afai e ofo atu ia te oe ni taimane po o ni penina po o le Tusi a Mamona, o le a le mea e te filifilia? Ma le faamaoni, o le a le mea e sili atu lona taua ia te oe? (Russell M. Nelson, “O Le Tusi a Mamona: Faamata e Faape’i Lou Olaga e aunoa ma Ia?,” Liahona, Nov. 2017, 61)
A o e suesueina le Mamona e 8, mafaufau loloto i lau molimau patino i le Tusi a Mamona. Vaavaai mo mafuaaga e sili ona taua ai le molimau ia Iesu Keriso i le Tusi a Mamona ma pe mafai faapefea ona faamanuiaina ai lou olaga.
Mauaina o le taua o le Tusi a Mamona
O le gaoioiga lenei o loo i ai vaega e fa e fesoasoani ai i tagata aoga ia iloa pe toe faamautu le taua o le Tusi a Mamona. E mafai ona e faatulagaina se nofoaga mo vaega taitasi, ma e mafai e tagata aoga ona faataamilo auauai i nofoaga i le taitoatasi pe i ni vaega toalaiti.
I lau api talaaga mo suesuega, tusi ai se auivi o se faafanua o le oa. O togitogi taitasi i luga o le faafanua o se nofoaga e faamaumau ai mea ua e aoaoina i le taimi o lau suesuega o le Mamona e 8. Ia aofia ai mea na maua e uiga i le taua o le Tusi a Mamona mai vaega taitasi nei. O mea taitasi e te aoaoina o le a e latalata atili ai i le X i luga o le faafanua o le oa. O le X o le nofoaga lea o le a mafai ai ona e faamaumauina le uiga o le Tusi a Mamona ia te oe.
Vaega 1. O se oa natia
Ina ua mavae le maliu o Mamona i le taua (tagai i le Mamona 8:3), sa tausia ma tusia faaopoopo atili e Moronae i le faamaumauga na faia e lona tama i luga o papatusi auro.
Faitau le Mamona 8:1–5 ma le itulau autu o le Tusi a Mamona, vaavaai pe aisea na tusia ai ma faasaoina le Tusi a Mamona.
-
O le a se mea e mafai ona tatou aoaoina e uiga i le faamoemoega o le Tusi a Mamona?
Tusi lau tali i se tasi o togitogi i luga o le faafanua.
O se upumoni e tasi e mafai ona tatou aoaoina e faapea sa faasaoina le Tusi a Mamona mo o tatou aso e faatalitonu ai i tatou o Iesu o le Keriso.
-
Na faapefea ona faaaafia e le Tusi a Mamona lou manaoga e mulimuli ia Iesu Keriso?
Vaega 2. O le taua o le faamaumauga
Ina ia fesoasoani i tagata aoga e vaai faalemafaufau ma manatu e uiga i papatusi auro, mafaufau e faaaoga faamatalaga mai Autu o le Talafaasolopito o le Ekalesia, “Papatusi Auro,” history.ChurchofJesusChrist.org.
Mafaufau i mea ua e iloa e uiga i papatusi auro ma sou manatu pe ono fia se tau [pe a faatauina atu]. Faitau aafiaga o Iosefa Samita ina ua ia faatoa mauaina papatusi auro mai ia Moronae.
Ina ua uma ona aumai e Iosefa papatusi auro i le fale, sa taumafai ai le au saili oa mo le tele o vaiaso e gaoi. Ina ia tausia le saogalemu o le faamaumauga, sa aveesea [e Iosefa] mai lea nofoaga i lea nofoaga, nanā papatusi i lalo o le magalafu, i lalo o le fola o le faleoloa o lona tamā, ma faaputuga saito. Sa matua le mafai ona ia faavaivaia lana puipuiga. (Au Paia: O Le Tala o le Ekalesia a Iesu Keriso o le Au Paia i Aso e Gata Ai, vol. 1, O Le Tagavai o le Upumoni, 1815–1846 [2018], 43)
-
O le a se mea o tumatila ia te oe mai i lenei tala?
Faitau le Mamona 8:14, ma vaavaai mo mea na fai mai ai Moronae e uiga i papatusi.
-
O le a sou manatu o le a le uiga o le tala a Moronae ina ua ia fai mai o papatusi ua “leai se aoga” ae “o lona talafaamaumau ua matua aoga tele”? O le a se mea e mafai ona tatou aoao mai lenei mea?
Tusi lau tali i se tasi o togitogi i luga o le faafanua.
O se upumoni e tasi e mafai ona tatou aoaoina e faapea o faamaumauga o le Tusi a Mamona e taua tele.
Lisi ni nai fuaiupu, aoaoga, po o tala mai le Tusi a Mamona e te lagona e taua tele. Faamatala pe aisea e taua ai nei mea ia te oe po o isi.
Vaega 3. O se meaalofa mai le Atua
Toe manatunatu i mea ua e iloa e uiga ia Iosefa Samita o se alii talavou. E mafai ona e mafaufau i mafuaaga atonu na filifilia ai e le Atua ia Iosefa Samita e faaliliuina le Tusi a Mamona?
Faitau le Mamona 8:15–16, 26, ma vaavaai mo mea na aoao mai e Moronae e uiga ia Iosefa Samita ma le Tusi a Mamona.
-
O a upumoni e mafai ona tatou aoaoina e uiga i le auala na aumaia ai le Tusi a Mamona i le malamalama?
Tusi lau tali i se tasi o togitogi i luga o le faafanua.
O se tasi o upumoni e mafai ona tatou aoaoina e faapea na tuuina atu e le Atua ia Iosefa Samita le mana e aumai ai i luma le Tusi a Mamona.
Tusi i lalo se mea se tasi pe lua e te iloa e uiga ia Iosefa Samita i le faaliliuga o le Tusi a Mamona. (Tagai i Autu o le Talafaasolopito o le Ekalesia, “Faaliliuga o le Tusi a Mamona,” history.ChurchofJesusChrist.org po o le Autu o le Talalelei, “Faaliliuga o le Tusi a Mamona,” history.ChurchofJesusChrist.org.)
Vaega 4. O le taua ia te a’u o le Tusi a Mamona
E faavae i lau suesuega o le Tusi a Mamona i le fale, i le lotu, ma i le seminare, tusi i lalo mea e sili ona e faatauaina e uiga i le Tusi a Mamona. Atonu e mafai ona fesoasoani fesili nei.
Tusi le tali i se tasi o fesili nei i autafa o le X i luga o lau faafanua:
-
Aisea e te faafetai ai ona sa faasaoina le Tusi a Mamona?
-
O le a se mea ua e aoaoina e uiga i perofeta na valaauina e le Alii e aumai ia i tatou le Tusi a Mamona?
-
O le a se mea o le a e faia e faaali atu ai i le Alii le tele o lou faatauaina o le Tusi a Mamona?
A uma ona tusia e tagata aoga a latou tali, mafaufau e valaaulia i latou e mafaufau i se tasi atonu latou te tuuina atu i ai se kopi o le Tusi a Mamona po o se sootaga e sii mai ai. E mafai ona e uunaia i latou e faaaofia ai a latou molimau pe a latou faasoa atu le tusi. Mafaufau e fai atu la oe lava molimau o le Tusi a Mamona.