“Doktrinal nga Kahanas: Rebyo sa Pagsukod 1: 1 Nephi 3:7 hangtod sa Mosiah 18:8–10,” Manwal sa Magtutudlo sa Basahon ni Mormon (2024)
“Doktrinal nga Kahanas: Rebyo sa Pagsukod 1,” Manwal sa Magtutudlo sa Basahon ni Mormon
Doktrinal nga Kahanas: Rebyo sa Pagsukod 1
1 Nephi 3:7 hangtod sa Mosiah 18:8–10
Kining rebyo sa pagsukod sa doktrinal nga kahanas gidesinyo isip usa ka kasinatian sa pagkat-on aron sa pagtabang sa mga estudyante sa pagrebyo sa 12 ka mga tudling sa doktrinal nga kahanas nga makita diha sa 1 Nephi hangtod sa Mosiah. Makatugot kini kanila sa pagpakita sa pagsabot ug sa paggamit sa mga kamatuoran niini nga mga tudling. Gidisenyo usab kini aron makatabang sa pag-andam sa mga estudyante alang sa umaabot nga pagsukod (“Doktrinal nga Kahanas: Pagsukod 1”).
Kini nga leksiyon sa pagrebyo gituyo nga mahimong usa ka birtuwal o personal nga kasinatian sa pagkat-on.
Gamita kini nga pagrebyo ug dumalaa ang pagsukod sa doktrinal nga kanahas bisan kanus-a human matudlo ang tanang mga tudling sa doktrinal nga kahanas gikan sa 1 Nephi hangtod sa Mosiah. Hatagi og igong panahon tali niini nga pagrebyo ug sa pagsukod alang sa mga estudyante aron sa pagtuon sa mga tudling nga wala nila mahibaloi pag-ayo. Mahimong gikinahanglan ang pagpasibog sa eskedyul sa pagtudlo aron matuman kini aron ang pagsukod madumala sa dili pa matapos ang unang katunga sa kurso.
Mga Posibleng Kalihokan sa Pagkat-on
Ikonsiderar ang mga panginahanglan sa mga estudyante ug pilia ang mga bahin niini nga pagrebyo nga labing makatabang kanila sa pagpangandam alang sa “Doktrinal nga Kahanas: Pagsukod 1.” Sa tibuok niini nga pagrebyo, dapita ang mga estudyante sa pagtimaan sa mga tudling nga wala kaayo nila mahibaloi og maayo ug sa paghimo og mga plano sa pagtuon ug sa pagrebyo niadto nga mga tudling agig pagpangandam alang sa pagsukod.
Ang mosunod nga mga pasulit sa mga kalihokan sa pagrebyo 1 ug 2 gituyo aron sa pagtabang sa mga estudyante sa pagrebyo sa mga pakisayran sa doktrinal nga kahanas ug sa mahinungdanon nga mga hugpong sa mga pulong sa kasulatan. Ang nagkalainlaing mga kalihokan mahimong magamit aron maapil ang mga estudyante sa proseso sa pagrebyo. Pipila ka mga ideya makita sa Doktrinal nga Kahanas nga mobile app.
Kalihokan sa Pagrebyo 1: Hibaloi ang mga pakisayran sa kasulatan ug ang mga mahinungdanon nga mga hugpong sa mga pulong sa kasulatan
Tabangi ang mga estudyante sa pagrebyo ug sa pag-andam sa pagpares sa mosunod nga mga pakisayran sa kasulatan ngadto sa mga mahinungdanon nga mga hugpong sa mga pulong sa kasulatan. Dasiga ang mga estudyante sa pagtimaan sa mga tudling nga tingali wala pa nila mahibaloi aron makapadayon sila sa pagtuon niini sa dili pa mokuha sa pagsukod.
Usa ka paagi nga maapil ang mga estudyante niini nga pagrebyo mao ang pagsulat sa matag usa sa 12 ka mga pakisayran sa kasulatan sa lain-lain nga mga piraso sa papel ug isulat ang matag usa sa 12 ka mahinungdanon nga mga hugpong sa mga pulong sa kasulatan sa lain-lain nga mga piraso sa papel. Dayon ipapilit ang tanang 24 ka mga piraso sa papel ngadto sa bungbong sa sinulagma nga mga dapit sa palibot sa lawak klasehanan nga ang mga sinulat nag-atubang sa bungbong aron ang mga estudyante dili makakita kon unsay anaa sa mga papel.
Pagdapit og usa ka estudyante sa pagpili og bisan unsang piraso sa papel, balihon kini, ug basahon kini. Dapita ang tanang estudyante sa pagsulat kon unsa sa ilang hunahuna ang pares nga pakisayran o mahinungdanon nga hugpong sa mga pulong sa kasulatan. Dayon dapita ang samang estudyante sa pagpabali og usa pa ka piraso sa papel aron masuta kon pares ba ang mga papel. Kon magkaparehas kini, ipabilin kini nga gitangtang sa bungbong. Kon dili kini pares, ipapilit kini pagbalik sa estudyante diha sa bungbong aron dili kini mabasa sa mga estudyante. Dayon pagdapit og laing estudyante sa pagpili sa sunod nga duha ka mga papel. Ipadayon kini nga proseso hangtod madiskobrehan ang tanan nga mga pares ug wala na diha sa bungbong.
Mga tubag: 1-j, 2-c, 3-g, 4-a, 5-l, 6-f, 7-h, 8-i, 9-b, 10-e, 11-k, 12-d
|
Mahinungdanon nga mga Hugpong sa mga Pulong |
Mga Pakisayran sa Kasulatan |
|---|---|
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Kalihokan sa Pagrebyo 2: Hibaloi ang mga pakisayran sa kasulatan ug ang mahinungdanon nga mga hugpong sa mga pulong sa kasulatan
Tabangi ang mga estudyante sa pagrebyo sa mahinungdanon nga mga hugpong sa mga pulong sa kasulatan sa makapadani nga paagi. Dasiga sila sa pagtimaan niadtong tingali wala pa nila mahibaloi aron makapadayon sila sa pagtuon niini sa dili pa mokuha sa pagsukod.
Usa ka paagi sa pagbuhat niini mao ang pag-assign og lainlaing mahinungdanonghugpong sa mga pulong sa kasulatan ngadto sa lainlaing mga estudyante. Dapita ang matag estudyante sa pagpili og tulo ka mga pulong gikan sa ilang mahinungdanon nga hugpong sa mga pulong sa kasulatan nga gusto nilang ipabilin nga blangko. Dayon dapita ang mga estudyante nga magpuli-puli sa pagbarog ug sa pagbasa sa ilang hugpong sa mga pulong nga adunay mga blangko nga ilang gipili samtang ang klase mosulay sa pagsulat sa mga pulong nga maanaa sa mga blangko.
Mahimo nimong pilion nga rebyohon ang tanang 12 ka mahinungdanon nga mga hugpong sa mga pulong sa kasulatan niining paagiha kay sa mosunod lamang sa gisugyot nga mga hugpong sa mga pulong.
Mga tubag: (1) pagpili; kinabuhi; pagkabihag; (2) pag-alagad; mga isigkatawo; Dios; (3) kinaiyanhon; santos; pag-ula; (4) Dios; tuo; kaalam; (5) Pagpabunyag; pagsaksi; pakigsaad
Sulati ang blangko sa nawala nga pulong o mga pulong gikan sa mahinungdanon nga mga hugpong sa mga pulong sa kasulatan.
-
“Sila gawasnon sa sa kalingkawasan ug sa nga dayon … o … ug sa kamatayon” (2 Nephi 2:27).
-
“Kon kamo anaa sa sa inyong kamo anaa lamang sa pag-alagad sa inyong ” (Mosiah 2:17).
-
“[Isalikway] ang … nga pagkatawo ug [mahimo] nga usa ka pinaagi sa ni Kristo ang Ginoo” (Mosiah 3:19).
-
“Tuo sa ; … nga siya aduna sa tanan nga ” (Mosiah 4:9).
-
“ diha sa ngalan sa Ginoo, ingon og usa ka … nga kamo nakasulod ngadto sa usa ka uban kaniya” (Mosiah 18:8–10).
Kalihokan sa Pagrebyo 3: Gamita ang doktrina
Ang mosunod nga kalihokan makatabang sa mga estudyante nga makapakita sa pagsabot sa mga kamatuoran sa mga tudling sa doktrinal nga kahanas pinaagi sa pagtugot kanila sa pagpasabot kon sa unsang paagi mahimong magamit ang mga tudling sa mga sitwasyon sa tinuod nga kinabuhi. Mahimong gamiton sa mga estudyante ang ilang mga kasulatan aron matabangan sila nga makapili og usa o daghang mga tudling sa doktrinal nga kahanas nga ilang gibati nga makatabang sa tawo nga gihulagway sa matag senaryo. Dapita sila sa pagpasabot kon sa unsang paagi ang mga kamatuoran gikan sa (mga) tudling makatabang sa tawo. Mahimong daghang mga tudling sa doktrinal nga kahanas ang magamit sa matag senaryo.
-
Ang usa ka batan-ong lalaki adunay usa ka importante nga desisyon nga himoon nga dako kaayog epekto sa iyang kaugmaon. Gikulbaan siya ug dili segurado kon unsa ang buhaton.
-
Ang mga ginikanan sa usa ka batan-ong babaye wala nagsuporta sa iyang desisyon sa pagsunod sa mga sugo sa Dios. Gusto niya nga magmasulundon, apan ingon og lisod kaayo sa iyang mga kahimtang.
-
Usa sa imong mga higala gibiaybiay sa iyang mga klasmeyt tungod sa pagsunod sa ebanghelyo ni Jesukristo. Gusto nimong pasaligan siya nga takos ang pagpabiling matinud-anon sa iyang mga pakigsaad.
Human matapos ang mga estudyante sa paghisgot sa tulo ka miaging mga sensaryo, ikonsiderar ang pagdapit kanila sa pakigtinabangay uban sa usa ka pares sa paghimo og dugang nga mga senaryo. Mahimong mopili ang matag estudyante og tudling sa doktrinal nga kahanas alang sa ilang pares. Dayon, gamit ang tudling nga gipili sa ilang pares alang kanila, mahimong maghunahuna ang mga estudyante ug mopakigbahin og senaryo diin kana nga tudling makatabang sa usa ka tawo.
Kalihokan sa Pagrebyo 4: Gamita ang mga baroganan sa pag-angkon og espirituhanong kahibalo
Ikonsiderar ang paggamit sa mosunod nga senaryo aron matabangan ang mga estudyante sa pagrebyo sa mga baroganan sa pag-angkon og espirituhanong kahibalo. Mahimong epektibo alang sa mga estudyante nga i-drama-drama kini nga kalihokan sa grupo sa tinagtulo, nga ang matag estudyante mopasabot og nagkalainlaing baroganan sa pag-angkon og espirituhanong kahibalo.
Duna kay higala nga nangutana kon nganong ang pipila ka mga butang nga bag-o lang siyang natudloan sa eskwelahan ingon og sukwahi sa gitudlo sa Dios pinaagi sa mga kasulatan ug sa mga propeta sa modernong panahon.
Tudloi ang imong higala mahitungod sa mosunod nga tulo ka mga baroganan sa pag-angkon og espirituhanong kahibalo ug kon unsaon niya kini sa paggamit sa pagdangop ngadto sa Langitnong Amahan alang sa tabang sa iyang mga kabalaka.
-
Lihokon inubanan sa hugot nga pagtuo
-
Susihon ang mga konsepto ug mga pangutana inubanan sa mahangtorong panglantaw
-
Tinguhaa ang dugang nga panabot pinaagi sa balaanong gitudlo nga mga tinubdan
Ikonsiderar ang pagdapit sa mga estudyante sa magtinabangay diha sa mga grupo nga tag-tulo, nga ang matag estudyante mosulat sa iyang tubag sa usa sa mosunod nga mga pangutana diha sa usa ka piraso sa papel.
Sunod, dapita ang mga estudyante sa pagbinayloay og mga papel ug sa pagsulat sa papel sa laing estudyante kon unsay ilang ganahan sa tubag niana nga estudyante. Dayon hangyoa sila sa pagbayloay sa ilang mga papel sa ikaduhang higayon aron sila makatubag sa duha ka sakop sa ilang grupo. Sa kataposan, dapita sila sa pagkuha og balik sa ilang kaugalingong papel ug sa pagbasa sa mga tubag sa mga sakop sa ilang grupo.
-
Hain nga mga tudling sa doktrinal nga kahanas gikan sa 1 Nephi hangtod sa Mosiah ang mahimong makatabang sa imong higala? Sa unsang paagi kini nga mga tudling makatabang?
-
Sa unsang paagi makatabang ang paggamit sa mga baroganan sa pag-angkon og espirituhanong kahibalo kon kita nangita og mga tubag sa atong mga pangutana o mga kabalaka?
-
Giunsa nimo paggamit kini nga mga baroganan sa pagtabang sa uban o sa pagsulbad sa imong kaugalingon nga mga kabalaka?
Kalihokan sa Pagrebyo 5: Mga tudling nga adunay espesyal nga kahulogan diha sa imong kinabuhi
Dapita ang mga estudyante sa pagpamalandong sa usa ka tudling sa doktrinal nga kahanas nga nakaapekto nila atol sa ilang pagtuon sa Basahon ni Mormon. Mahimong mopili sila og usa nga nakatabang nila nga mobati sa gugma sa Langitnong Amahan ug ni Jesukristo. Ipasabot nga aduna silay kahigayonan sa pagpakigbahin sa tudling nga ilang napili isip kabahin sa pagsukod.
Ikonsiderar ang pag-apud-apod sa mosunod nga handout ngadto sa mga estudyante aron matabangan sila sa pag-andam alang sa pagsukod (“Doktrinal nga Kahanas: Pagsukod 1”).
Doktrinal nga Kahanas: Pagsugod 1—Giya sa Pagtuon
Isag-ulo ang pakisayran ug ang mahinungdanon nga hugpong sa mga pulong sa kasulatan
Mahimong pamilyar sa mga pakisayran sa kasulatan sa doktrinal nga kahanas ug sa mahinungdanon nga mga hugpong sa mga pulong sa kasulatan. Mahimo nimong i-download ug gamiton ang doktrinal nga kahanas nga mobile app aron sa pagtabang kanimo sa pagrebyo.
|
Pakisayran sa Kasulatan |
Mahinungdanon nga Hugpong sa mga Pulong sa Kasulatan |
|---|---|
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ako moadto ug mobuhat sa mga butang nga ang Ginoo nagsugo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Sila gawasnon sa pagpili sa kalingkawasan ug sa kinabuhi nga dayon … o … sa pagkabihag ug sa kamatayon.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang tanan managsama ngadto sa Dios.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan Ang Dios “mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kamo kinahanglan gayod nga mag-ampo sa kanunay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “[Kadto] nga naghupot sa mga sugo sa Dios … bulahan sa tanan nga mga butang.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “[Isalikway] ang … kinaiyanhon nga pagkatawo ug [mahimo] nga usa ka santos pinaagi sa pag-ula ni Kristo ang Ginoo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Tuo sa Dios; … tuo nga siya aduna sa tanan nga kaalam.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.” |
Gamita ang doktrina sa tinud-anay nga mga sitwasyon sa kinabuhi
-
Gamit og usa o daghan pa nga mga tudling sa kasulatan sa doktrinal nga kahanas aron matabangan ang usa ka tawo kinsa gusto og giya sa paghimo og importante nga mga desisyon sa iyang kinabuhi.
-
Pagpili og usa o daghan pa nga mga tudling aron matabangan ang usa ka tawo kinsa mibati nga ang iyang mga kahimtang nakapalisod sa pagsunod sa mga sugo sa Dios.
-
Pagpili og bisan unsa sa mga tudling sa doktrinal nga kahanas ug paghunahuna og sitwasyon diin ang mga kamatuoran nga gitudlo niana nga tudling makatabang sa usa ka tin-edyer sa iyang kinabuhi. Kon mahimo, paghunahuna og tinuod nga mga sitwasyon nga imong nahibaloan o nga imong giatubang sa imong kaugalingon.
-
Pangandam sa pagpakigbahin kon hain sa mga tudling sa doktrinal nga kahanas ang labing nakaapekto kanimo. Unsa ang gitudlo niini nga tudling diha kanimo mahitungod sa Langitnong Amahan ug ni Jesukristo?
Mga baroganan sa pag-angkon og espirituhanong kahibalo
Rebyoha ang mga parapo 5–12 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2023). Pamalandongi kon unsaon nimo sa paggamit ang mga baroganan sa pag-angkon og espirituhanong kahibalo aron sa pagtabang sa usa ka tawo nga mabuntog ang usa ka hagit o kabalaka nga iyang giatubang.