“Doktrinal nga Kahanas: Pagsukod 1: 1 Nephi 3:7 hangtod sa Mosiah 18:8–10,” Manwal sa Magtutudlo sa Basahon ni Mormon (2024)
“Doktrinal nga Kahanas: Pagsukod 1,” Manwal sa Magtutudlo sa Basahon ni Mormon
Doktrinal nga Kahanas: Pagsukod 1
1 Nephi 3:7 hangtod sa Mosiah 18:8–10
Atol sa unang katunga niini nga kurso, gitun-an sa mga estudyante ang 12 ka mga tudling sa doktrinal nga kahanas sa Basahon ni Mormon gikan sa 1 Nephi hangtod sa Mosiah. Kini nga pagsukod gidesinyo sa pagsukod sa abilidad sa mga estudyante sa paghinumdom sa mga pakisayran ug sa mahinungdanon nga mga hugpong sa mga pulong sa kasulatan alang niini nga mga tudling ingon man usab sa ilang abilidad sa paggamit niini sa tinud-anay nga mga sitwasyon sa kinabuhi. Magsukod usab kini sa pagsabot sa mga estudyante sa mga baroganan sa pag-angkon og espirituhanong kahibalo.
Kini nga pagsukod kinahanglan nga idumala sa dili pa matapos ang unang katunga sa kurso. Aron matabangan ang mga estudyante nga maandam, itudlo ang “Doktrinal nga Kahanas: Rebyo sa Pagsukod 1” o hatagi ang mga estudyante sa giya sa pagtuon nga makita sa kataposan niana nga leksiyon. Dugang pa, itudlo ang tanang mga tudling sa doktrinal nga kahanas nga gikan sa 1 Nephi hangtod sa Mosiah sa dili pa kini idumala nga pagsukod. Mahimong gikinahanglan ang pagpasibog sa eskedyul sa pagtudlo aron mahimo kini.
Kon mahimo, ipahigayon kini nga pagsukod sa personal ug korhei dayon kini diha sa klase human makakompleto ang mga estudyante niini o sa sunod nga sesyon sa klase.
Agi og dugang sa pagsukod sa kasamtangang kahibalo sa mga estudyante, ang kasinatian sa pagkuha ug pagkorihir sa pagsukod gituyo nga mahimong makahuloganon, makapalig-on sa pagpamatuod nga kasinatian alang sa mga estudyante. Samtang gikorihian ang mga pangutana sa 7–12, dapita ang mga estudyante sa pagpahayag kon nganong ilang gipili ang maong mga tubag ug sa pagpasabot kon sa unsang paagi ang mga tudling nga ilang gipili makatabang sa mga sitwasyon nga gihulagway. Tabangi ang mga estudyante nga makasabot sa bisan unsang mga pangutana nga mahimong natubag nila nga sayop. Paggahin og panahon sa pagtubag sa bisan unsang dugang nga mga pangutana nga mahimong aduna ang mga estudyante.
Doktrinal nga Kahanas sa Basahon ni Mormon: Pagsukod 1
Mga pakisayran sa doktrinal nga kahanas
Alang sa mga pangutana 1–3, isulat ang letra sa katugbang nga pakisayran diha sa blangko sunod sa matag hugpong sa mga pulong. Palihog ayaw gamita ang imong mga kasulatan alang niini nga bahin sa pagsukod.
Mahinungdanon nga mga Hugpong sa mga Pulong |
Mga Pakisayran sa Kasulatan |
---|---|
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mahinungdanon nga mga Hugpong sa mga Pulong
| Mga Pakisayran sa Kasulatan |
Mga Pakisayran sa Kasulatan | |
Mga Pakisayran sa Kasulatan |
Mahinungdanon nga mga hugpong sa mga pulong sa kasulatan
Alang sa mga pangutana 4–6, isulat ang nawala nga mga pulong sa mahinungdanon nga mga hugpong sa mga pulong sa kasulatan sa doktrinal nga kahanas. Palihog ayaw gamita ang imong mga kasulatan alang niini nga bahin sa pagsukod.
-
“Kon kamo anaa sa sa inyong kamo anaa lamang sa pag-alagad sa inyong ” (Mosiah 2:17).
-
“[Isalikway] ang … nga pagkatawo ug [mahimo] nga usa ka pinaagi sa ni Kristo ang Ginoo” (Mosiah 3:19).
-
“ diha sa ngalan sa Ginoo, ingon og usa ka … nga kamo nakasulod ngadto sa usa ka uban kaniya” (Mosiah 18:8–10).
Paggamit sa tinud-anay nga mga sitwasyon sa kinabuhi
Mahimo nimong gamiton ang imong mga kasulatan alang sa nahibilin sa pagsukod.
Alang sa mga pangutana 7–8, pag-ila og usa o daghang mga tudling sa doktrinal nga kahanas nga makatabang sa usa ka tawo sa mosunod nga mga sitwasyon ug ipasabot kon sa unsang paagi ang (mga) kamatuoran sa (mga) tudling makatabang. Dayon sunda ang mga tamdanan alang sa pangutana 9.
-
Ang usa ka batan-ong lalaki adunay usa ka importante nga desisyon nga himoon nga dako kaayog epekto sa iyang kaugmaon. Gikulbaan siya ug dili segurado kon unsa ang buhaton.
-
Usa ka batan-ong babaye nagpuyo sa usa ka sitwasyon nga iyang gibati nga nakapalisod kaayo kaniya sa pagsunod sa mga sugo sa Dios. Gusto niya nga magmasulundon, apan ingon og lisod kaayo sa iyang mga kahimtang.
-
Pagpili og bisan unsa sa 12 ka tudling sa doktrinal nga kahanas gikan sa 1 Nephi hangtod sa Mosiah, ug pagpakigbahin og sitwasyon diin ang mga kamatuoran nga gitudlo niana nga tudling makatabang sa usa ka tin-edyer sa iyang kinabuhi.
Mga baroganan sa pag-angkon og espirituhanong kahibalo
Alang sa mga pangutana 10–11, ipakita ang imong kahibalo ug abilidad sa paggamit sa mga baroganan sa pag-angkon og espirituhanong kahibalo.
-
Ipasabot sa daklit ang mosunod nga tulo ka mga baroganan sa pag-angkon og espirituhanong kahibalo sa imong kaugalingon nga mga pulong.
-
Lihokon inubanan sa hugot nga pagtuo.
-
Susiha ang mga konsepto ug mga pangutana nga adunay mahangtorong panglantaw.
-
Tinguhaa ang dugang nga panabot pinaagi sa balaanong gitudlo nga mga tinubdan.
-
-
Usa ka higala nangutana kon nganong pipila ka mga butang nga bag-o lang siyang natudloan sa eskwelahan ingon og sukwahi sa unsay gitudlo sa Dios pinaagi sa mga kasulatan ug sa mga propeta sa modernong panahon. Tubaga ang mosunod nga mga pangutana:
-
Unsa nga piho nga mga butang ang iyang mahimo aron molihok inubanan ang hugot nga pagtuo?
-
Sa unsang paagi nga ang pagtan-aw niini nga sitwasyon gikan sa mahangtorong panglantaw makatabang kaniya?
-
Ang mga tudling sa doktrinal nga kahanas mao ang mga ehemplo sa balaanong gitudlo nga mga tinubdan. Unsa nga (mga) tudling sa doktrinal nga kahanas gikan sa 1 Nephi hangtod sa Mosiah ang mahimong makatabang sa imong higala? Sa unsang paagi?
-
Epekto sa imong kinabuhi
-
Unsa ang usa ka tudling sa doktrinal nga kahanas nga imong gitun-an niining semester ang nakaapekto kanimo? Sa unsang paagi kini nakaapekto kanimo? Unsa ang gitudlo niini nga tudling diha kanimo mahitungod sa Langitnong Amahan ug ni Jesukristo?
Hatagi ang mga estudyante og igong panahon sa pagkompleto sa pagsukod. Kon mahuman na ang mga estudyante, irebyo kini isip usa ka tibuok nga klase. Tinoa kon mas maayo ba alang sa mga estudyante nga korihian ang ilang kaugalingon nga trabaho o ipasa kini sa usa ka klasmeyt aron korihian.
Mga tubag
-
d. Mosiah 2:41
-
a. 1 Nephi 3:7
-
b. 2 Nephi 2:25
-
pag-alagad; mga isigkatawo; Dios
-
kinaiyanhon; santos; pag-ula
-
Pagpabunyag; saksi; pakigsaad
-
Ang posible nga mga tubag naglakip sa 2 Nephi 32:3 ug sa 2 Nephi 32:8–9, apan makadawat ang mga estudyante og puntos sa paggamit sa bisan unsang tudling sa doktrinal nga kahanas kon sila makapasabot kon sa unsa nga paagi ang kamatuoran sa tudling magamit.
-
Ang posible nga mga tubag naglakip sa 1 Nephi 3:7 ug Mosiah 2:41, apan makadawat ang mga estudyante og puntos sa paggamit sa bisan unsang tudling sa doktrinal nga kahanas kon sila makapasabot kon sa unsa nga paagi ang kamatuoran sa tudling magamit.
-
Basta nga ang mga estudyante motubag lang niining open-ended nga pangutana nga sinsero ug kompleto, kinahanglan silang mahatagan og puntos.
-
Kinahanglan nga makahimo ang mga estudyante sa mubo nga pagpasabot sa mga baroganan sa pag-angkon og espirituhanong kahibalo. Ikonsiderar ang pagdapit kanila sa pagtandi sa ilang mga tubag ngadto sa mga parapo 5–12 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2023).
-
Kinahanglan nga makahimo ang mga estudyante sa pagpasabot sa mga buhat nga may kalabotan sa paglihok inubanan sa hugot nga pagtuo ug sa mga panalangin sa pagsusi sa mga konsepto ug mga pangutana nga adunay mahangtorong panglantaw. Kinahanglan usab silang mag-ila og usa ka tudling sa doktrinal nga kahanas nga makatabang sa usa ka tawo nga tingali nagpangutana kon ngano nga ang pipila ka mga pagtulun-an sa kalibotan ingon og supak sa gitudlo sa Ginoo. Pipila sa mga tudling nga mahimong magamit sa mga estudyante naglakip sa Mosiah 4:9 ug 2 Nephi 28:30.
-
Basta nga ang mga estudyante motubag lang niining open-ended nga pangutana nga sinsero ug kompleto, kinahanglan silang mahatagan og puntos. Dapita sila sa paghisgot sa tudling sa doktrinal nga kahanas nga ilang gipili ug kon nganong ila kining gipili. Ikonsiderar ang pagtugot sa daghang mga estudyante nga mopakigbahin kutob sa mahimo sa oras nga gitagana. Dapita sila sa pagpakigbahin kon unsay gitudlo kanila sa tudling nga ilang gipili mahitungod sa Langitnong Amahan ug ni Jesukristo.
Taposa ang pagsukod pinaagi sa pagpakigbahin sa imong pagpamatuod sa gahom sa pagsabot sa doktrina ni Jesukristo nga makita diha sa Iyang mga kasulatan ug sa pagkahibalo kon unsaon sa paggamit sa Iyang mga pagtulun-an sa tinud-anay nga mga sitwasyon sa kinabuhi.