famli aotsaed long tempol

11 Disemba

?Mi Mi Stap Putum Ol Samting we I blong God Oli Kam Faswan long Laef blong Mi?

Hagae; Sekaraea 1–3; 7–14

kaonsel tugeta pikja bokis

Kaonsel Tugeta

Wan memba blong kworom o klas presidensi i lidim; 10–20 minit

Long stat blong miting, tugeta, ripitim Stamba Toktok blong Ol Kworom blong Aronik Prishud o Stamba Toktok blong Ol Yang Woman Afta, lidim wan toktok storian abaot wok ia blong fasin blong sevem man mo mekem olgeta oli kam olsem wan god, mo yusum wan, o moa long wan long ol kwestin andanit ia, o yusum ol kwestin blong yuwan (luk long Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent 10.2, 11.2, ChurchofJesusChrist.org/study?lang=bis). Mekem plan blong gat sam wei blong tekem aksen folem wanem yufala i toktok raon long hem.

• Laef folem gospel. ?Wanem nao bisoprik i bin toktok raon long hem long wod yut kaonsel miting blong yumi? ?Wanem aksen mi save tekem blong mekem hemia?

• Kea long olgeta we oli stap long nid. ?Olsem wanem nao yumi save openem han long ol pipol long ol wei we i olsem hemia blong Kraes taem se yumi luk se i gat wan nid, mo yumi no save wanem blong talem?

• Invaetem evriwan blong akseptem gospel. ?Wanem nao yumi faenem insaed long gospel blong Jisas Kraes we i tekem glad i kam? ?Olsem wanem nao yumi save serem glad ia wetem ol narafala man?

• Joenem ol famli blong taem we i no save finis. ?Wanem nao yumi stap mekem blong faenem nem blong ol bubu blong yumi we oli nidim blong kasem ol odinens blong tempol? ?Wanem nao yumi save mekem blong helpem ol narawan blong oli faenem nem blong ol bubu blong olgeta?

Long en blong lesen, sapos i stret, mekem ol samting ia:

• Testifae abaot ol prinsipol we yu bin tijim.

• Rimaenem ol memba blong klas o blong kworom abaot ol plan mo ol invitesen we oli bin mekem long taem blong miting.

teach the doctrine icon

Stap Tijim Doktrin

Wan adalt lida o yut i lidim; 25–35 minit

Rere long Yuwan long Saed blong Spirit

Insaed long laef, i gat fulap impoten samting blong mekem. Sapos yumi no lukaot gud, bisi laef blong yumi i save mekem yumi fogetem stamba tingting blong laef ia. Yumi save se Sevya mo gospel blong Hem i sapos blong stap olsem hae fas wok blong yumi, be ol nara samting oli save pulumaot tingting blong yumi. Maet, hemia nao from wanem ol skripja oli givim advaes long yumi blong “mas mekem gudfala plan fastaem, long ol samting we yu wantem mekem,” (Proveb 4:26), “luksave samting ya we i stap kasem yufala” (Hagae 1:5), mo “yufala nomo i traem luklukgud long laef blong yufala, yufala nomo i jajem yufala. Yufala i mas traem faenemaot se yufala i stap holem yet fasin blong bilif, no yufala i no moa holem” (2 Korin 13:5).

Ol Laen blong Isrel we oli bin stap laef long taem blong profet Hagae, oli bin nidim kaen invitesen olsem. Long ol gudfala hadwok blong bildimap Jerusalem, oli bin lego i stap wok ia blong bildimbak haos blong Lod. Tingting long hao nao ol woning blong Lod, insaed long Hagae 1 i blong yumi tu tedei. ?Olsem wanem nao bae yu givim insperesen long olgeta we yu stap tijim blong skelem ol komitmen blong olgeta blong putum ol samting blong God oli kam faswan insaed long laef blong olgeta? Yu save luklukbak long mesej blong Elda Dale G. Renlund: “Komitmen we I No Muvmuv long Jisas Kraes” (Liahona, Nov 2019, 22–25) o ol tijing blong Presiden Ezra Taft Benson insaed long “The Great Commandment—Love the Lord” (insaed long Teachings of Presidents of the Church: Ezra Taft Benson [2014], 37–45).

yang woman klas

Yumi save mekem ol samting blong God oli kam faswan evriwan long evri samting we yumi gat blong mekem.

Stap Lan Tugeta

Blong statem toktok storian insaed long klas, yu save raetem ol sentens ia we oli kamaot long Hagae 1:6 antap long bod. ?Wanem nao yumi save lanem aot long ol aedia ia—blong stap planem ol sid be neva pikimap kaekae blong hem, kakae be neva harem se bel i fulap, mo blong winim mane mo putum insaed long wan bag we i gat hol—abaot fasin blong spendem taem long ol samting we oli no wantem we Lod i wantem yumi blong mekem? Taem we Lod i no stap askem yumi blong lukluk nomo blong bildim wan tempol, ?wanem nao hem i stap askem yumi blong lukluk nomo long hem? ?Olsem wanem nao, blong mekem ol samting ia oli kam faswan insaed long laef blong yumi? Olgeta aktiviti ia oli save helpem ol yut blong oli skelem komitmen blong olgeta blong putum ol samting we oli blong God oli kam faswan insaed long laef blong olgeta.

• Blong stap tekem mo kaekae sakramen, i wan gudfala janis blong skelem komitmen blong yumi long Jisas Kraes. ?Olsem wanem yumi yusum sakramen blong skelem se, yumi stap kam moa olsem Sevya o no? Maet ol yut oli save serem olsem wanem oli stap mekem samting ia. Mo tu, oli save mekem wan lis blong ol kwestin we oli save askem olgetawan long taem blong sakramen. Invaetem olgeta blong tingting hevi long wan, o moa long wan long ol skripja, mesej, o ol nara risos ia anda long “Ol Sapot Risos” taem oli stap mekem lis blong olgeta.

• Long mesej blong hem, “Of Things That Matter Most” (Liahona, Nov. 2010, 19–22), Presiden Dieter F. Uchtdorf i bin serem advaes ia we i save helpem ol yut blong luksave samting ya we i kasem olgeta (Hagae 1:5). Yu save invaetem wanwan o ol smol grup blong oli ridim ol las trifala seksen blong toktok ia, “The Power of Basics”), mo faenemaot wanem hem i minim blong mekem laef blong yumi i lukluk nomo long Sevya. Oli save serem wan samting we oli filim insperesen blong mekem blong mekem komitmen blong olgeta long Jisas Kraes, i kam strong moa.

• Plante long yumi oli bisi blong mekem olgeta gud samting. Be, plante taem, oli no ol bes samting blong mekem. Tingting blong serem fasfala seksen blong mesej blong Presiden Dallin H. Oaks: “Good, Better, Best” (Liahona, Nov. 2007, 104–8) we i save helpem ol yut blong oli andastanem prinsipol ia. Mo tu, maet bae yu invaetem olgeta blong mekem wan lis blong evri dei aktiviti blong olgeta. Askem olgeta blong makem wanwan aktiviti se oli “gud,” “gud moa,” mo “beswan.” ?Wanem nao i mekem wan aktiviti i “beswan.” Leftemap tingting blong ol yut blong oli serem, wetem wanwan long olgeta, wanem we oli bin lanem aot long aktiviti ia blong skelem olgetawan bakegen.

Mekem Samting Wetem Fet

Leftemap tingting blong ol memba blong klas o blong kworom blong tingting hevi mo raetemdaon wanem bae oli mekem blong tekem aksen folem ol strong tingting mo filing we oli bin kasem tedei. Sapos oli wantem, oli save serem ol aedia blong olgeta. Invaetem olgeta blong oli tingting abaot, hao we, taem oli tekem aksen folem ol tingting we oli bin kasem, bae i mekem se rilesensip blong olgeta wetem Papa long Heven mo Jisas Kraes i kam strong moa.

Ol Sapot Risos

• Josua 24:14–15; Matiu 6:19–34; 22:36–40; Mak 10:17–22; 1 Korin 11:23–28; 2 Korin 13:5; Kolosi 3:1–2 (Yumi mas putum ol samting we oli blong God oli kam faswan insaed long laef blong yumi)

• Scott D. Whiting, “Stap Kam Olsem Hem,” Liahona, Nov 2020, 12–15

• “As Now We Take the Sacrament,” Hymns, no. 169

Tij Folem Wei blong Sevya

“I no nid blong kavremap evri samting long wan klas ia nomo blong save tajem hat blong wan—plante taem, wan o tu ki poen nomo oli inaf” (Teaching in the Savior’s Way, 7).