Tijem̧ba 11

Ij Ke Likūt Men ko an Anij Moktata ilo Mour eo Aō?

Haggeai; Zekaraia 1–3; 7–14

Ko̧o̧njeļ Ippān Doon

Kar tōl jān juon uwaan būreejtōnji eo an doulul eo ak kūlaaj eo; 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron. Innem tōl juon iien ekōnono kōn jerbal in lo̧mo̧o̧r eo im mour ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe, 10.2, 11.2, ChurchofJesusChrist.org). Karōk wāween ko n̄an jerbali ta eo kom̧ kar kōnono kake.

• Mour kōn gospel eo. Ta eo bisoprik ro rekar kōnono kaki ilo kweilo̧k in ward ko̧o̧njeļ eo an jodikdik ro? Ta kōm̧m̧an ko jemaron̄ bōki ļoori ekkar n̄an ekkōnono in?

• Kea kōn ro rej pād ilo aikuj. Ekōjkan ad maron̄ pukōtļo̧k armej ro ilo wāween ko āinwōt an Kraist n̄e jej lo juon aikuj im jab jeļā ta eo n̄an ba?

• Karuwaineneik aolep n̄an bōk gospel eo. Ta men eo jej loe ilo gospel eo an Jisōs Kraist me ej bōktok n̄an kōj lan̄lōn̄? Ewi wāween ad jeere lan̄lōn̄ in ippān ro jet?

• Kobaik baam̧le ko n̄an indeeo. Ta eo jej kōm̧m̧ane n̄an kappukot etan ro jibūd im jim̧aad ro rej kain̄i ko an tampeļ? Ta eo jemaron̄ kōm̧m̧ane n̄an jipan̄ doon lo et ko etan ro jibūd im jim̧m̧ad?

Ilo jem̧ļo̧kin katak in, n̄e ekkar, kōm̧m̧an laajrak in:

• Kam̧ool kōn katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak jodikdik; 25–35 minit ko

Kōpooj Eok Make ilo Jetōb

Mour eobrak kōn men ko raorōk n̄an kōm̧m̧ani. Eļan̄n̄e jejjab kōkm̧anm̧an, ad boub ilo mour emaron̄ kōm̧m̧an bwe jen meļo̧kļo̧k ta jibadbad ko an mour in. Jejeļā bwe Rilo̧mo̧o̧r im gospel eo An rej aikuj bwe ren men ko raorōktata, ak ro jet emaron̄ pidodo aer kam̧ad kōj. Bolen unin an jeje ko rekwojarjar kapilōk kōj n̄an “kōjparok neem̧ jān aer jibwe” (Jabōn Kōnnaan Ko 4:26), “kōļmānļo̧kjeņ kōn iaļ ko ami” (Haggeai 1:5), im “kom̧win make māleijjon̄ kom̧ eļan̄n̄e kom̧ pād ilo tōmak eo” (2 Korint 13:5).

RiIsrael ro rekar mour ilo tōre ko an rikanaan Haggeai rekar aikuj kain karuwainene rot in. Ilo an wōr tokjen kijejeto ko aer n̄an bar kalōk Jerusalem, rekar karūm̧ūjļo̧k ekkaļ in m̧weo im̧ōn Irooj. Ļōmņak kōn wāween an kakkōļ ko an Irooj ilo Haggeai 1 maron̄ iooktok kōj rainin. Ewi wāween am̧ maron̄ im̧we ro kwoj katakin er n̄an etake wūjlepļo̧k ok aer n̄an likūt men m̧oktata men ko an Anij ilo mour ko aer? Kwomaron̄ etale ennaan eo an Elder Dale G. Renlund “Wujlepļo̧k eo Edim n̄an Jisōs Kraist” (Liaona, Nov. 2019, 22–25) ak ennaan eo an Būreejtōn Ezra Taft Benson ilo “The Great Commandment—Love the Lord” (ilo Teachings of Presidents of the Church: Ezra Taft Benson [2014], 37–45).

Jemaron̄ kaorōk m̧oktata men ko an Anij.

Ekkatak Ippān Doon

Kwomaron̄ jino juon ekkōnono ilo am̧ je naan ko jān Haggeai 1:6 ilo boot eo. Ta eo jemaron̄ ekkatak jān itia kein—ekkat ine ak jab madmōde, m̧ōn̄ā ak jab bun̄ buruōm̧, ak kōm̧m̧an jeen ak likit ilo juon pāāk ettal—ak joļo̧k iien kōn men ko ijjeļo̧k ta ko Irooj ekōņaan bwe jen kōm̧m̧ani? Ilo an Irooj jab kajjitōkin kōj n̄an mije wōt kalōk juon tampeļ, ta eo Ej kajjitōk bwe jen mije? Ewi wāween ad kōm̧m̧an bwe men ko ren m̧oktata im aorōk tata ilo mour ko ad? Makūtkūt kein rej ellaajrak remaron̄ jipan̄ jodikdik ro etke aer wūjlepļo̧k n̄an likit men ko an Anij m̧oktata ilo mour ko aer?

• Bōk m̧ōttan kwojkwoj eo ej juon iien em̧m̧an tata ilo kajjojo wiik n̄an etale wūjlepļo̧k ko ad n̄an Jisōs Kraist. Ewi wāween ad kōjerbal kwojkwoj eo n̄an ļōmņak eļan̄n̄e jej mour āinwōt Rilo̧mo̧o̧r eo? Bōlen jodikdik ro remaron̄ kwaļo̧k wāween aer kōm̧m̧ane menin. Kwomaron̄ barāinwōt kōm̧m̧ane juon laajrak in kajjitōk ko remaron̄ kajjitōkin er make ilo iien kwojkwoj eo. Karuwaineneik er n̄an kejokļo̧kjeņ kōn juon ak elōn̄ eoon ko, ennaan ko, im kein jipan̄ ko jet ilo “Supporting Resources” ilo aer kōm̧m̧an laajrak ko aer.

• Ennaan eo an Būreejtōn Dieter F. Uchtdorf “Of Things That Matter Most” (Liahona, Nov. 2010, 19–22), ekar kwaļo̧k kapilōk ko me rej jipan̄ jodikdik ro “kōļmānļo̧kjeņ kōn iaļ ko [aer]” (Haggeai 1:5). Kwomaron̄ karuwaineneik kajjojo armej ak kurup jiddik ko n̄an riiti jekjen ko jilu in kōnono eo “The Power of Basics”), kappukot ta meļeļe n̄an pedpede mour ko ad ilo Rilo̧mo̧o̧r eo. Remaron̄ kwaļo̧k juon men me rej en̄jake n̄an kōm̧m̧ane n̄an kōkajoorļo̧k wūjlepļo̧k ko aer n̄an Jisōs Kraist.

• Elōn̄ iaad rej boub ilo kōm̧m̧ani men ko rem̧m̧an. Ak ejjab aolep iien rej men ko rem̧m̧an tata. Ļōmņak in kwaļo̧k juon ennaan jān jekjen eo jinointata ilo ennaan eo an Būreejtōn President Dallin H. Oaks “Good, Better, Best” (Liahona, Nov. 2007, 104–8) me emaron̄ jipan̄ jodikdik ro meļeļe pedped in katak in. Kwomaron̄ bar karuwaineneik er n̄an kajjojo armej n̄an kōm̧m̧an juon aer laajrak kōn m̧akūtkūt ko aer kajjojo raan. Kajjitōk ippāer n̄an etale eļan̄n̄e kajjojo m̧akūtkūt eo “em̧m̧an,” “em̧m̧anļo̧k,” ak “em̧m̧an tata.” Ta eo ej kōm̧m̧an bwe juon m̧akūtkūt en “em̧m̧an tata”? Rōjan̄ jodikdik ro n̄an kwaļo̧k n̄an ro jet ta eo rej ekkatak jān etale in aer make.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Joshua 24:14–15; Matu 6:19–34; 22:36–40; Mark 10:17–22; 1 Korint 11:23–28; 2 Korint 13:5; Kolosse 3:1–2 (Jej aikuj likūt men ko an Anij m̧oktata ilo mour ko ad)

• Scott D. Whiting, “Erom̧ Āinwōt E,” Liaona, Nob. 2020, 12–15

• “As Now We Take the Sacrament,” Hymns, no. 169

Teaching in the Savior’s Way

“Ejjab menin aikuj n̄an kabare aolep men ilo juon kūlaaj n̄an un̄n̄ūr būruōn juon armej—ekkā an juon ak ruo lukkuun unin kōnono bwe” (Teaching in the Savior’s Way, 7).