Me Vaka na Nomuni Vosa, mai vei Elspeth Young

A wasea o Meri e dua na ivakadinadina kaukauwa me baleta na ilesilesi ni iVakabula (raica na Luke 1:46–55). Me Vaka na Nomuni Vosa, mai vei Elspeth Young

8 ni Janueri

Au na Vakalougatataki Ira Vakacava na Tani ena Noqu iVakadinadina baleti Jisu Karisito?

Maciu 1; Luke 1

ivakatakilakila ni veivakasalataki vata

Veivakasalataki Vata

Me liutaka e dua na lewe ni mataveiliutaki ni kuoramu se kalasi; me rauta ni 10–20 na miniti

Ena itekivu ni soqoni, cavuta vata na Itoko ni Goneyalewa se na Itoko ni Kuoramu ni Matabete i Eroni. Qai liutaka e dua na veitalanoa me baleta na cakacaka ni veivakabulai kei na bula vakacerecerei ena nomu vakayagataka e dua se sivia na taro ka toka e ra se mai na nomu taro ga vakai iko (raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 10.2; 11.2, ChurchofJesusChrist.org). Tuvana na sala mo cakava na veika sa veivosakitaki.

• Bulataka na kosipeli. Na cava eda a veivosakitaka ena soqoni sa oti, kei na veisureti se ilesilesi cava a vakayacori? Na cava eda sa cakava meda cakacakataka kina na veisureti kei na ilesilesi oya?

• Vukei ira era gadreva tu na veivuke. Na cava eda rawa ni cakava se tukuna meda dodoliga yani vei ira era na rairai galili se yawa mai vua na Tamada Vakalomalagi?

• Sureta na tamata kecega mera ciqoma na kosipeli. Na cava eso na sala eda rawa ni vukei ira kina eso mera vakila na loloma i Jisu Karisito?

• Vakaduavatataki ni matavuvale me tawamudu. Na vakasama cava eda rawa ni veiwasei kina vakai keda me vukea me vaqaqacotaka noda matavuvale?

Ena itinitini ni lesoni, ke veiganiti, cakava na veika oqo:

• Vakadinadinataka na ivakavuvuli eso e sa vakatavulici.

• Vakananumi ira na lewe ni kuoramu se kalasi me baleta na ituvatuva kei na veisureti e caka ena gauna ni soqoni.

ivakatakilakila ni vakavulici ni ivunau

Vakavulica na iVunau

Liutaki mai vua e dua na iliuliu itabaqase se itabagone; rauta ni 25-35 na miniti

Vakarautaki Iko Vakayalo

Me vakataki ira e vuqa na Jiu yalodina ena nona gauna, sa gadreva vakaidina sara o Meri me lako mai na Mesaia. Ni vulica oti mai vua e dua na agilosi ni sa voleka ni oti na wawa—ka sa na tinana na Dauveivueti yalataki—a wasea o Meri e dua na ivakadinadina totoka ni “Kalou na noqu iVakabula.” E volai na ivakadinadina oqo ena Luke 1:46–55, ka taleitaki mai vei ira na lotu Vakarisito e vuravura raraba. Nio wilika na veitikina oqo, vakasamataki ira na tamata ena nomu kalasi se kuoramu. O ira, me vakataki Meri, era vakavakarau tiko kina nona lako mai o Jisu Karisito—ena gauna oqo, me baleta na lagilagi ni iKarua ni Nona Lako Mai. Me vakataki Meri, na kaukauwa ni nodra ivakadinadina e rawa ni vaqaqacotaka na nodra vakabauta oira era tu voliti ira.

Na cava era vakila na tamata o vakavulica baleti Jisu Karisito? E rawa vakacava ni vakalougatataki ira na tani na nodra ivakadinadina me baleti Koya? Ni o vakavakarau mo veivakavulici, sa rawa talega mo vulica na 2 Nifai 25:23–26 kei na itukutuku nei Elder Neil L. Andersen “Eda Tukuni Karisito” (Liaona, Nove. 2020, 88–91).

Vulica Vata

E dua na sala cecere mera vukei kina na itabagone mera vakasamataka na nodra ivakadinadina me baleti Jisu Karisito sai koya mera vakadikeva vata na ivakadinadina nei Meri ena Luke 1:46–55. Sa rawa mera veiwaseitaka vakai ira na veimalanivosa e vakamacalataka na veika a vakabauta ka vakila o Meri me baleta na iVakabula. Na veimalanivosa cava soti oqo e vakamacalataka talega na veika eda vakila me baleti Koya? Me kena ivakaraitaki, na cava e vakavuna me “[reki] na yaloda vua na Kalou”? (tikina e 47). Na “veika lelevu” cava sa cakava o Koya vei keda? (tikina e 49). E vakaraitaka vakacava o Koya na Nona kaukauwa kina noda bula? (raica na tikina e 51). Na vakasama ni itaviqaravi era e rawa ni veimuataki kina veivosaki me baleta na sala e rawa ni vakalougatataki ira kina na tani na noda ivakadinadina baleti Karisito.

• Na itukutuku i Elder Neil L. Andersen “Eda Tukuni Karisito” e vukea me vakamacalataka na vuna e dodonu meda vosa doudou kina baleta na iVakabula—kei na sala eda rawa ni cakava vakakina. E rawa moni wilika vata eso na iwase ni itukutuku i Elder Andersen. E rawa kina lewe ni kalasi se kuoramu mera veivosakitaka na vuna e solia kina o koya me wasei kina na noda ivakadinadina baleti Jisu Karisito kei na nona ivakasala ena sala me vakayacori kina. Na veika vakatabakidua cava eda rawa ni cakava meda tukuni Karisito kina vakadoudou?

• Nida lewe Ni Lotu i Jisu Karisito ni Yalododonu Edaidai, eda kila na dina bibi eso baleti Jisu Karisito eda rawa ni wasea. O na vukei ira vakacava na itabagone me ra vakasamataka na dina eso oqo? E rawa nio kerei ira me ra vulica na “Se Bula na Karisito: Nodra iVakadinadina na iApositolo” yadudua se vakailawalawa, ka vaqara na isau ni taro “Na dina cava me baleta na iVakabula e vakaibalebale vakalevu vei iko?” Sureti ira me ra wasea na dina era sa kunea ka vakamacalataka na vuna e vakaibalebale kina vei ira. Sa rawa mera wasea na ivolanikalou kei na veika era sotava nira cakava tiko. Mera qai veivosakitaka na dina cava me baleta na iVakabula e rawa nira wasea ena tabana ni vakau itukutuku raraba, kei na dua na itokani e vakasaqara tiko e dua na ivakadinadina, se vua e dua e sega ni lewena na noda Lotu.

• Me ikuri kina Luke 1:46–55, sa tu ena ivolanikalou e vuqa tale na tikina ka rawa ni vakauqeti keda meda wasea na veika eda kila baleti Jisu Karisito. Eso na i vakaraitaki e tiko ena “iVurevure Veitokoni.” Vakasamataka moni wilika vata na vei ivolanikalou oqo. Na cava era vakavulica vei keda me baleta na ivakarau me da wasea kina na noda ivakadinadina baleti Jisu Karisito vei ira na tani? Na cava tale eda sa vulica mai na veitikina oqo? Na lewe ni kalasi se kuoramu sa rawa talega mera wasea na veika era vulica mai vei ira na tamata era kila ka ra dau wasea wale tu ga na nodra vakabauti Jisu Karisito.

goneyalewa era vulica tiko na ivolanikalou

Nida vuli meda kila ka lomana na iVakabula, eda na kunea na sala meda wasea kina na noda ivakadinadina baleti Koya.

Cakacaka ena Vakabauta

Vakauqeti ira na lewe ni kuoramu se kalasi mera vakasamataka vakatitobu ka vola na cava era na cakava mera vakayacora kina na veivakauqeti era ciqoma nikua. Kevaka era vinakata, e rawa nira wasea na nodra vakasama. Sureti ira me ra vakasamataka na sala ena vaqaqacotaka kina na nodra veiwekani kei na Tamada Vakalomalagi kei Jisu Karisito na nodra cakacakataka na nodra veivakauqeti.

iVurevure Veitokoni

• Maciu 5:14–16; 1 Pita 3:15; 2 Nifai 25:26; Alama 5:43–50; Vunau kei na Veiyalayalati 100:5–8

• Peresitedi Russell M. Nelson,“Me Laurai Nomu Vakabauta” (Liaona, Me 2014, 29–31)

• Cristina B. Franco, “Kune Marau ena Wasei ni Kosipeli” (Liaona, Nove. 2019, 83–86)

Veivakavulici ena iVakarau ni iVakabula

Na tarogi ni taro e vakayaloqaqataki ira na vuli mera wasea na nodra ivakadinadina sa sala mana ni kena sureti na Yalo. O na taroga beka na taro me vaka “O sa mai kila vakacava ni sa sorovaka o Jisu Karisito na nomu ivalavala ca?” se “O sa mai vakavinavinakataka vakacava na veika a vakayacora vei keda na iVakabula mai Kecisemani?”