24 Septanm

Kijan M Ka Suiv Egzanp Sovè a Pou M Ede Moun ki nan Nesesite yo?

2 Korentyen 8–13

Fè Konsèy

Sou direksyon yon manm prezidans kowòm lan oswa klas la; apeprè 10–20 minit

Nan kòmansman reyinyon an, repete ansanm Tèm Jènfi yooswa Tèm Kowòm Prètriz Aawon an. Apre sa dirije yon diskisyon sou travay sali ak ekzaltasyon an avèk youn oubyen plis nan kesyon sa yo oubyen pwòp kesyon pa w (gade nan Manyèl Jeneral,10.211.2). Planifye fason pou nou aji sou sa nou te diskite yo.

• Viv levanjil la. Kisa nou te diskite dènye fwa a, epi ki envitasyon oswa tach ki te fèt? Kisa nou te fè pou nou reponn a envitasyon oswa angajman sa yo?

• Pran swen moun ki nan nesesite yo. Kisa nou kapab fè oswa di pou nou lonje lamen bay moun ki ka santi yo sèl oswa lwen Papa nou ki nan Syèl la?

• Envite tout moun pou yo resevwa levanjil la. Ki fason nou kapab ede lòt moun santi lanmou Jezikri?

• Ini fanmi yo pou letènite. Ki ide nou youn ka pataje avèk lòt pou ede ranfòse fanmi nou?

Nan fen leson an, si sa apwopriye, fè bagay sa yo:

• Rann Temwayaj sou prensip ki te anseye yo.

• Fè manm kowòm nan oubyen klas la sonje plan ak envitasyon yo te fikse pandan reyinyon an.

Anseye Doktrin nan

Sou direksyon yon dirijan adilt oubyen yon jèn; apeprè 25–35 minit

Prepare W Espirityèlman

Ki opòtinite oumenn ak manm klas ou a oubyen kowòm ou an genyen pou yo sèvi moun ki nan bezwen bòkote w? Nan yon epòk kote Sen nan Jerizalèm yo t ap soufri epi yo te bezwen èd, Pòl te ekri Korentyen yo pou l te ankouraje yo pou yo te bay avèk jenewozite, “pa avèk remò, oubyen obligasyon: paske Bondye renmen moun ki bay avèk kè kontan.” Li te pwomèt yo si yo fè sa, Bondye tap “fè tout gras vin an abondans pou [yo]” pou yo ka “gen abondans nan tout bon travay” (2 Korentyen 9:7–8).

Pòl te atire atansyon yo sou egzanp Jezikri, ki “malgre l te rich, li te vin pòv pou byen w, pou w ka vin rich atravè povrete l” (2 Korentyen 8:9). Sovè a te sakrifye richès syèl la pou L te ka sèvi nou epi pou L te fè nou rich etènèlman. Panse a egzanp nan lavi L kote Li te lonje men pou sèvi moun ki bò kote L yo. Apre w fin li 2 Korentyen 8–9 pandan w ap prepare w pou anseye, anvizaje li mesaj Sè Michelle D. Craig la “Je pou Nou Wè” (Liyawona, Nov. 2020, 15–17).

Aprann Ansanm

Pou kòmanse diskisyon w lan, mande klas la oubyen kowòm nan pou yo fè lis kèk nan rezon ki fè yon moun kapab pa sèvi lòt moun ki nan bezwen. Kisa nou aprann nan ansèyman Pòl yo nan 2 Korentyen 8:9; 9:7–8 ki enspire nou pou nou fè plis bagay pou sèvi moun ki nan bezwen? Aktivite sa yo kapab ede moun w ap anseye yo konprann pi byen kijan pou yo ede moun ki bò kote yo.

• Plizyè fwa nan ekriti yo, Senyè a te anseye kijann L te santi L sou pran swen pòv yo ak moun ki nan nesesite yo. Gen lis kèk egzanp nan “Resous pou Sipòyo.” Yon fason pou revize ansèyman sa yo se pou w divize klas ou a oubyen kowòm ou an an gwoup de pa de epi mande chak gwoup de moun yo pou yo etidye kèk nan ekriti yo. Mande yo pou yo diskite kisa pasaj yo anseye sou pran swen pòv ak moun ki nan bezwen yo. Poukisa li enpòtan pou Pè Selès ak Jezikri pou nou pran swen pòv ak moun ki nan bezwen yo? Envite Jèn yo pou yo planifye fason yo ka ede moun ki nan bezwen endividyèlman yo.

• Kèk fwa, nou tèlman okipe avèk sousi pa nou ke nou pa rekonèt bezwen moun ki bò kote nou. Nan mesaj li “Je pou nou Wèa,” Sè Michelle D. Craig te revize istwa kote Bondye te ouvri je yon jèn gason (gade nan 2 Wa 6:15–17). Kisa nou aprann nan istwa sa a? Kisa nou ka aprann nan lòt istwa l te pataje sou rekonèt bezwen lòt moun ak lonje lamen ba yo? (gade tou video “Pray for Eyes to See as He Sees” sou ChurchofJesusChrist.org). Manm klas la oubyen kowòm nan ta kapab pataje eksperyans kote yon moun te rekonèt bezwen epi l te sèvi yo. Kilè nou rekonèt bezwen lòt moun yo epi sèvi yo? Kijan nou santi ni nou lè nou resevwa oubyen rann sèvis konsa?

• Èske manm klas la oubyen kowòm nan konprann kijan pou yo ranpli wòl yo pou yo ede nan pran swen moun ki nan nesesite yo? Panse pou w diskite ansanm avèk yo sou Mozya 4:16–21 ak 18:8–10, ansanm avèk seksyon ki gen rapò avèk sa nan Manyèl Jeneral (10.2.2 pou kowòm prètriz Arawon yo oubyen 11.2.2 pou jènfi yo). Kisa w santi w enspire pou w fè kòm rezilta etid ou sou ansèyman sa yo? Panse pou w planifye fason nou ka travay ansanm pou lonje lamen bay moun ki nan nesesite nan klas ou a oubyen kowòm ou an, nan pawas ou a oubyen nan kominote a. Videyo nan “Resous pou Sipò” yo bay kèk ide. Pou opòtinite pou sèvi nan zòn ou an, gade nan JustServe.org.

Sèvis Kretyen nou ka beni lavi moun ki bòkote nou yo.

Aji avèk Lafwa

Ankouraje manm klas la oubyen kowòm lan pou yo medite epi ekri sa yo pral fè pou yo aplike enpresyon yo te resevwa jodi a? Si yo ta vle, yo ta ka pataje ide yo. Mande yo pou yo reflechi sou kijan aplike enpresyon yo ap ranfòse relasyon yo avèk Papa nou ki nan Syèl la ak Jezikri.

Resous pou Sipò

• Matye 25:31–45; Jak 1:27; Mozya 2:17; Alma 34:27–28; Mòmon 8:35–39; Doktrin ak Alyans 104:14–18 (Enpòtans pran swen pòv ak moun ki nan bezwen)

• Jeffrey R. Holland, “Èske Nou Tout Pa Mandyan?,” Lyawona, Nov. 2014, 40–42

• (Videyo) “Istwa Michelle la,” “Pran Swen Pòv ak Moun Ki Nan Nesesite yo,” “M te Yon Etranje: Youn Renmen Lòt,” “Ofrann Jèn: Èske Nou tout Pa Mandyan.” nan ChurchofJesusChrist.org

Anseye nan Fason Sovè a

Ekriti yo ak pawòl pwofèt ak apot dènye jou yo se sous verite n ap anseye yo. Nan chak okazyon, egzòte moun w ap anseye yo pou yo ale nan pawòl Bondye a pou yo ka jwenn dirsksyon, repons pou kesyon yo, ak sipò.