Apay nga Addaantayo kadagiti Miting iti Korum ken Relief Society?

Kadagitoy ud-udina nga aldaw, insubli ti Dios ti priesthood ken nangbukel kadagiti korum ti priesthood ken ti Relief Society tapno makatulong a maipatungpal ti aramidna iti pannakaisalakan. Gapu iti daytoy, tunggal Domingo no agguummongtayo kadagiti miting iti elders quorum ken Relief Society, paglilinnawagan ken planuentayo no ania ti aramidentayonto a makatulong a mangipatungpal iti aramid ti Dios. Tapno agbalin a nasamsamay, nasken nga agbalin dagitoy a miting nga ad-adda pay ngem dagiti klase. Gundaway dagitoy tapno aggiinnuman maipapan iti aramid ti pannakaisalakan, aggigiddan a masursuruan maipapan iti dayta nga aramid manipud kadagiti pannursuro dagiti lider ti Simbaan, ken mangplano ken mangbukel iti bagbagitayo tapno maipatungpal daytoy.