Ko e Hā ʻOku Tau Fai Ai e Fakataha Fakakōlomú mo e Fineʻofá?

Kuo hanga ʻe he ʻOtuá ʻi he ngaahi ʻaho kimui ní, ʻo fakafoki mai e lakanga fakataulaʻeikí mo e ngaahi kōlomu ʻo e lakanga fakataulaʻeikí, kae pehē ki he Fineʻofá ke tokoni ʻi hono fakahoko ʻEne ngāue ʻo e fakamoʻuí. Koeʻuhí ko ia, ʻi heʻetau fakatahataha mai ʻi he ngaahi fakataha ʻa e kōlomu kaumātuʻá mo e Fineʻofá, ʻoku tau aleaʻi pea palani ai e meʻa te tau fai ke tokoni ke fakahoko e ngāue ʻa e ʻOtuá. Ke maʻu ha ola lelei angé, ʻoku fie maʻu ai ke mahulu hake e ngaahi fakatahaʻangá ni mei heʻene hoko pē ko ha kalasí. Ko ha ngaahi faingamālie foki ia ke alēlea ai ʻo fekauʻaki mo e ngāue ʻo e fakamoʻuí, ako fakataha ai mei he ngaahi akonaki ʻa e kau taki ʻo e Siasí ʻo kau ki he ngāue ko iá, pea palani mo fokotuʻutuʻu ke fakahoko ia.