Papa blong Nifae, Hileman, i askem strong long ol pikinini boe blong hem blong “tingbaot, tingbaot.” Hem i wantem olgeta blong tingbaot ol bubu blong olgeta, tingbaot ol toktok blong ol profet mo hemia we i moa impoten, tingbaot “Ridima blong olgeta, we i Kraes” (luk long Hileman 5:5–14). Hem i klia se Nifae i bin tingbaot from se hemia i semmak mesej we hem i talemaot sam yia afta “we hem i no slak” i go long ol pipol (Hileman 10:4). “?Olsem wanem nao yufala i save fogetem God blong yufala?” hem i askem (Hileman 7:20). Evri traehad blong Nifae— stap prij, stap prea, blong mekem ol merikel, mo stap askem God blong i sendem hadtaem blong kaekae—oli blong traem helpem ol pipol blong oli tanem olgeta i go long God mo tingbaot Hem. Long plante wei, blong stap fogetem God i wan bigfala problem bitim blong stap save Hem. Mo i isi blong fogetem Hem taem we “ol samting blong wol we oli blong nating” oli pulum tingting blong yumi mo taem klaod blong sin i blokem yumi (Hileman 7:21; luk tu long Hileman 12:2). Be olsem we seves blong Nifae i stap soem, hem i neva let tumas blong stap tingbaot mo “tanem [yumi] i go long Lod, God blong [yumi]” (Hileman 7:17
Ol profet oli talemaot tingting blong God long ol pipol.
Hileman 7–11 i wan gudfala ples blong lan abaot wanem ol profet oli mekem. Taem yu stap ridim olgeta japta ia, luklukgud ol aksen blong Nifae, ol tingting blong hem, mo wanem hem i mekem wetem Lod. ?Olsem wanem nao seves blong Nifae i helpem yu blong andastanem rol blong ol profet? Hemia samfala eksampol. ?Wanem samting moa yu faenem?
Hileman 7:17–22: Ol profet oli taltalemaot fasin blong sakem sin mo oli givim woning long wanem i risal blong mekem sin.
?Folem wanem we yu bin ridim, olsem wanem nao bae yu tokbaot wanem i wan profet mo wanem hem i mekem? Tingting blong stap raetem wan sot mining. Afta, luk wanem yu save ademap long mining blong toktok blong yu afta we yu ridim stat blong “Prophet” insaed long Gaed long Ol Skripja (Gospel Laebri) o “Follow the Living Prophet” (Teachings of Presidents of the Church: Ezra Taft Benson [2014], 147–55).
?Yu, yu luksave olsem wanem Nifae i no gat fraet long Hileman 7:11–29? ?From wanem, samtaem, ol profet oli mas tok stret mo klia, olsem we Nifae i bin mekem? Tingting blong stp lukaotem ol ansa insaed long seksen we taetol i “Don’t Be Surprised” in Elda Neil L. Andersen’s message “The Prophet of God” (Liahona, Mei 2018, 26).
Wetem evri trutok ia long maen, tingting hevi long olsem wanem Lod i bin blesem yu tru seves blong ol profet blong Hem. ?Wanem nao we hem i jes tijim long yu tru long profet blong yumi we i stap laef? ?Wanem nao yu stap mekem blong lisin long mo folem daereksen blong Lod?
Luk tu long Gospel Topik, “Prophets,” Gospel Laebri.
Fet blong Jisas Kraes, mi mas bildimap moa bitim ol saen mo ol merikel.
Sapos ol saen mo ol merikel oli inaf blong jenisim hat blong wan man o woman, evri Man blong Nifae bae oli konvet tru long ol nambawan saen we Nifae i bin givim Hileman 9. Be hemia i no bin hapen. Luksave ol defdefren wei we ol pipol oli tingting long ol merikel long Hileman 9–10. Eksampol, yu save komperem ol ansa blong faef man mo ol jif jaj long Hileman 9:1–20 (luk tu long Hileman 9:39–41; 10:12–15). ?Wanem nao yu lanem aot long eksperiens ia abaot olsem wanem blong bildimap fet long Jisas Kraes?
Lod i givim paoa long ol pipol we oli lukaotem tingting blong Hem mo traehad blong obei ol komanmen blong Hem.
Taem yu stadi long Hileman 10:1–12, luksave wanem we Nifae i bin mekem we Lod i save trastem hem. ?Olsem wanem hem i soem se hem i lukaotem tingting blong Lod bitim blong hemwan? ?Wanem nao eksperiens blong Nifae i ivim insperesen long yu blong mekem?
Blong tingting hevi long toktok blong God i stap invaetem revelesen.
Taem yu filim se wan tritim nogud yu from hem i gat paoa, wari o konfius, yu save lanem wan impoten lesen long eksampol blong Nifae long Hileman 10:2–4. ?Wanem nao hem i mekem taem hem i “harem nogud”? (ves 3
Presiden Henry B. Eyring i eksplenem, “Taem yumi stap tingting hevi, yumi stap invaetem revelesen blong i kam tru long Spirit” (“Serve with the Spirit,” Liahona, Novemba 2010, 60). ?Olsem wanem nao yu save kam blong gat fasin blong stap tingting hevi?
?Olsem wanem nao yu tingbaot ol impoten infomesen—olsem wan betdei blong wan memba blong famli o infomesen blong wan tes? ?Olsem wanem nao hemia i semmak long efot we wan i nidim blong “tingbaot Lod”? (Hileman 12:5). ?Wanem nao i defren?
Hileman 12 i tokbaot samfala samting we oli stap mekem ol pipol oli fogetem Lod. Maet yu save mekem wan lis blong olgeta mo tingting hevi se sapos ol samting ia oli stap pulum tingting blong i go longwe long Hem. ?Wanem i mekem yu tingbaot Jisas Kraes? ?Wanem nao yu kasem insperesen blong mekem folem wanem we yu bin lanem?
Yusum samting long lesen blong yu. Oltaem Sevya i tokbaot ol prinsipol blong gospel i go wetem ol evri dei samting we ol pipol oli save olgeta. Taem yu stap lanem o tijim abaot Hileman 12:1–6, yu save komperem “hat blong ol man we i no stap strong;” i go wetem wei we yumi stap traem blong filim se yumi balens long wan lek nomo. ?Olsem wanem nao yumi save stap mo no muvmuv olbaot tumas long saed blong spirit?
Blong moa tingting, luk long ol namba blong manis ia Liahona mo Blong Ol Yut Oli Kam Strong magasin.
Blong statem wan storian abaot stap tingbaot Lod, yu save talem long ol pikinini blong yu abaot wan taem we yu fogetem wan samting. Askem olgeta blong serem ol semmak eksperiens olsem blong olgetawan. Afta, yufala save ridim tugeta Hileman 7:20–21 mo askem ol pikinini blong yu wanem i minim blong fogetem God. Maet ol pikinini blong yu oli save droem ol pikja blong ol samting we oli save mekem yumi fogetem Lod mo yusum ol pikja blong olgeta blong kavremap pikja blong Jisas. Afta, oli save tingting long ol samting we oli save mekem blong tingbaot Hem. Taem oli serem ol tingting blong olgeta, oli save tekemaot ol droing wan afta wan kasem taem we pikja blong Sevya i kamaot.
Helpem ol pikinini blong yu blong lukaotem long Hileman 8:13–23 blong faenem ol nem blong ol profet we oli bin tij abaot Jisas Kraes. Maet oli save pasem wan pikja blong Jisas i go raon wanwan taem we oli faenem wan. ?Wanem nao profet blong yumi we i stap laef i bin tijim abaot Sevya?
Yufala save singsing tugeta wan singsing abaot ol profet olsem, “Follow the Prophet” (Children’s Songbook, 110–11). Maet yu mo ol pikinini blong yu i save jusum sam toktok long singsing ia mo raetem wan toktok aot long sentens long wanwan long ol step blong mak blong leg. Afta, yu save putumdaon long flo we oli lid i go long Sevya, mo ol pikinini blong yu oli save folem ol mak blong leg i go from pikja. ?Olsem wanem nao taem yumi folem ol profet i lidim yumi i go long Jisas Kraes?
Blong tingting hevi long toktok blong God i stap invaetem revelesen.
Blong helpem ol pikinini blong andastanem wanem i minim blong tingting hevi, yufala i save ridim tugeta “Tingting Hevi” insaed long Gaed long Ol Skripja (Gospel Laebri). ?Wanem sam narafala toktok we oli semmak long tingting hevi? Maet yu save ridim tugeta Hileman 10:1–3 mo putum toktok ia tingting hevi i tekem ples blong ol narafala toktok ia. Toktok wetem ol pikinini blong yu abaot ol wei blong mekem pat blong tingting hevi blong ol skripja stadi blong olgeta.
Nifae i obei long Papa long Heven iven blong mekem ol had samting. Wan eksampol blong hemia, yu mo ol pikinini blong yu i save ridim Hileman 10:2, 11–12. Maet ol pikinini blong yu oli save aktem wanem we Nifae i bin mekem—wokbaot i go long wan saed blong rum (olsem se oli stap go hom), stop, tanem raon, mo wokbaot i go from narafala saed blong rum (olsem se oli stap kambak blong tijim ol pipol). ?Wanem samfala samting we Papa long Heven i wantem yumi blong mekem?
Blong moa tingting, luk long namba blong manis ia Fren magasin.
Pikja
Oli faenemaot se Siantum nao i man we i kilimded man
Tru long presen blong profesi, Nifae i stretem wanem we i mekem jif jaj i ded.