AmaYeredayithi ahamba entlango

The Jaredites Leaving Babel [AmaYeredayithi Eshiya iBhabheli], nguAlbin Veselka

EyeNkanga 11–17: “Krazula Eloo Khuselo lokuNgakholwa”

Etere 1–5

Ngelixa kuyinyaniso ukuba iindlela zikaThixo ziphakamile kunezethu yaye sifanele sisoloko sizithobe kwintando yaKhe, Yena kananjalo uyasikhuthaza ukuba sicinge yaye senze izinto ngokwethu. Eso sisifundo esinye esafundwa nguYerede nomntakwabo. Ngokomzekelo, ingcingane yokundwendwela kwilizwe elitsha eyayilelona “likhethekileyo naphezu kwawo wonke umhlaba” kwabonakala kuqalisa ngoYerede, kwaye iNkosi yasinika eso sicelo, isithi kumntakwabo Yerede,, “Kwaye ndiya kwenza njalo kuwe ngenxa yokuba ebudeni beli xesha nikhalile kum” (bona Etere 1:38–43). Kwaye xa umntakwabo Yerede wayefuna ukukhanya phakathi kwezikhephe ezaziza kubathwala ukuya kwilizwe labo lesithembiso, iNkosi yabuza umbuzo esiqhele ukuwubuza Yona: “Ingaba yintoni na oqwenela ukuba mandiyenze?” (Etere 2:23). Yena ufuna ukuva iingcinga zethu namacebo ethu, kwaye Yena uyakumamela kwaye asinike isiqinisekiso saKhe okanye asicebise ngenye indlela. Ngamanye amaxesha into ekuphela esahlulayo kwiintsikelelo esizifunayo “likhuselo lethu lokungakholwa” kwaye ukuba sinako “ulikrazula eloo khuselo” (Etere 4:15), sinokumangaliswa koko iNkosi izimisele ukusenzela kona.

Bona kananjalo “The Lord Appears to the Brother of Jared” [Inkosi Ibonakala kuMntakwabo Yerede] (umbonisobhanya-bhanya), Gospel Library.

Iingcebiso zokufunda eKhaya naseBandleni

Etere 1:33–43

Njengoko ndikhala eNkosini, Yona iyakuba nemfesane kum.

UEtere 1:33–43 ubalisa ngemithandazo emithathu yomntakwabo Yerede. Ufunda ntoni kwimpendulo yeNkosi kuwo ngamnye wale mithandazo? Cinga ngexesha apho uthe waba namava emfesane yeNkosi xa wawukhala kuYo ngomthandazo. Ungafuna ukubhala la mava kwaye wabelane ngawo nomntu onokufuna ukuva ubungqina bakho.

  

Etere 2; 3:1–6; 4:7–15

umfanekiso weengcinga

Ndingasifumana isityhilelo ngobomi bam.

UMongameli uRussell M. Nelson wathi: “Ndiyanibongoza ukuba nikhulise amandla enu omoya okufumana isityhilelo. … Khetha ukwenza umsebenzi womoya ofunekayo ukonwabela isipho soMoya oyiNgcwele kwaye uve ilizwi loMoya rhoqo kwaye ngokucacileyo ngakumbi” (“Revelation for the Church, Revelation for Our Lives,” Liahona, uCanzibe 2018, 96).

Njengoko ufunda u Etere 2; 3:1–6; 4:7–15, ufunda ntoni “ngomsebenzi womoya ” uMongameli Nelson wathetha ngawo? Ungaphawula ngombala omnye imibuzo okanye inkxalabo awayenazo umntakwabo Yerede kwaye nento awayenzayo ngayo, kwaye komnye umbala ungaphawula indlela iNkosi eyamnceda ngayo kwaye yenza intando yaYo ukuba yaziwe.

Nantsi eminye imibuzo ongayicingisisa njengoko ufunda:

• Yintoni ekuchukumisayo malunga nendlela iNkosi eyaphendula ngayo imibuzo yomntakwabo Yerede ku Etere 2:18–25?

• Ungamsebenzisa kanjani u Etere 3:1–5 ukunceda umntu osafunda ukuba athandaze kanjani?

• Yintoni enokukuthintela ekufumaneni isityhilelo eNkosini? (bona Etere 4:8–10). Ungasifumana njani isityhilelo kuYe rhoqo? (bona Etere 4: 7,11–15).

• Ucinga ukuba kuthetha ukuthini “ukukrazula” [i]khuselo lokungakholwa” ebomini bakho? (Etere 4:15).

Yintoni enye oyifundayo kumntakwabo Yerede ngesityhilelo sobuqu?

  Cinga ngokuzoba ngesakhelo somfanekiso kwaye ubhale izinto ezine zesakhelo ezifunekayo kwicala ngalinye. Singakunceda njani esi sakhelo ukuba “ wongeze ukwazi kwakho ukufumana isityhilelo”?

  

Etere 2:14–15; 3:1–20

Ngokundohlwaya Kwayo, INkosi iyandimema ukuba ndiguquke kwaye ndize Kuyo.

Kwanomprofethi omkhulu njengomntakwabo Yerede kwafuneka ohlwayiwe yiNkosi. Yintoni oyifundayo ku Etere 2:14–15 malunga nokohlwaywa yiNkosi? Cinga ukuba ukohlwaywa yiNkosi kunye nokusabela komntakwabo Yerede kwamnceda njani ukulungiselela yena amava akhe ku Etere 3:1–20.

Etere 2:16–25

INkosi iya kundilungiselela ukuwela “inzulu enkulu” yam.

Ngamanye amaxesha, ukuwela “inzulu enkulu” kuphela kwendlela yokuzalisekisa intando kaThixo ngathi. Ngaba ubona okufanayo kubomi bakho ku Etere 2:16–25? INkosi ikulungiselele njani imiceli-mingeni yakho? Yintoni enokuba Yona icela ukuba uyenze ngoku ukulungiselela oko Yona ifuna ukuba ukwenze kwixesha elizayo?

  

Yenza intshukumo koko okufundayo. Ukufunda ivangeli kufanele kusiphembelele ekuguquleni ubomi bethu. Emva kokufunda u Etere 4:11–12, ungadwelisa ezinye iimpembelelo ebomini bakho kwaye ucingisise ukuba ingaba ziyakuqweqwedisela na ekwenzeni okulungileyo. Loluphi utshintsho oziva uphenjelelwa ukuba ulwenze?

Etere 5

Amangqina angqina ngobunyaniso beNcwadi kaMormoni.

Njengoko ufunda Etere 5, phonononga injongo yeNkosi yokulungisa amangqina amaninzi eNcwadi kaMormoni. Ingaba ngawaphi amangqina akuphembeleyo ukuba ukholwe ukuba iNcwadi kaMormoni lilizwi likaThixo? Ingaba iNcwadi kaMormoni ikubonise njani “amandla kaThixo kunye nelizwi laKhe”? (Etere 5:4).

Iingcebiso Zokufundisa Abantwana

Etere 1:33–37; 2:16–25; 3:1–6

UBawo oseZulwini uyayiva kwaye uyayiphendula imithandazo yam.

• Ukuba wazi ulwimi olungaziwayo ngabantwana bakho, banike izikhokelo ezilula ngolo lwimi (okanye udlale ushicilelo lolunye ulwimi). Ungakusebenzisa oku ukucacisa ukuba kwakutheni umntakwabo Yerede ethandazela uncedo ku Etere1:33–37.   

• Abantwana bakho banokuzenza ngathi bokha izikhitshana njengoko ufunda uEtere 2:16–17. Kanti wena nabantwana bakho ninokufunda ngeengxaki amaYeredayithi abanazo ngezikhitshana zawo (bona Etere 2:19) kwaye iindlela ezahlukeneyo iNkosi eyaphendula ngazo imithandazo yomntakwabo Yerede (bona Etere 2:19–25; 3:1–6). Umfanekiso osekupheleni kweli phepha lomsebenzi esiphelweni solwandlalo ungakunceda wena nabantwana bakho ukubalisa ibali. Yintoni esiyifundayo kumntakwabo Yerede ngomthandazo? Cinga ngokwabelana ngamava apho wathandazela uncedo kwaye uBawo oseZulwini wakunceda.

Etere 3:6–16

Ndadalwa Ngokomfuziselo kaThixo.

• Njengoko bekhula, abantwana bakho bayakuhlangabezana nemiyalezo ebubuxoki malunga noThixo, bona ngokwabo, kunye nemizimba yabo yenyama. Ungabacela ukuba bakuncedise ukufumana iinyaniso ngezi zihloko ku Etere 3:6–16. Ukugxininisa inyaniso efundisiweyo ku Etere 3:13,15, ningakhangela emfanekisweni woMsindisi kunye kwaye umeme abantwana bakho ukuba balathe amalungu ohlukeneyo omzimba Wakhe. Banokuthi ke balathe kwindawo enye yemizimba yabo.    Wena nabantwana bakho ningathetha ngokuba kutheni ninombulelo ngemizimba yenu.

Umntwana obaleka ebaleni

Sidalwe ngokomfuziselo kaThixo.

Etere 5

AmaNgqina amathathu angqina ngeNcwadi kaMormoni.

• UMoronayi waprofetha okokuba amaNgqina amaThathu ayakunceda ekusekeni inyaniso yeNcwadi kaMormoni. Ukufundisa ukuba ingqina liyintoni na, unokucela abantwana bakho ukuba bachaze into abayibonileyo okanye abanamava ngayo angazange abonwe ngabanye. Njengoko nifunda Etere 5 kunye, ninokuthetha ngokuba kutheni uThixo esebenzise amangqina emsebenzini Wakhe. Ninokwabelana omnye nomnye ngendlela eniyazi ngayo ukuba iNcwadi kaMormoni iyinyaniso kwaye ninokwabelana njani nabanye ngobungqina benu.

Ngezimvo ezingakumbi, jonga ukhutsho lwale nyanga lwencwadi Umhlobo.

UYesu echukumisa amatye ali-16 phambi komntakwabo Yerede

Sowest Thou More Than This? [Ngaba uhlwayela ngaphezu koku?]nguMarcus Alan Vincent

iphepha lomsebenzi: UBawo oseZulwini wawuphendula umthandazo womntakwabo Yerede