Apendiks C

Blong Praemeri—Ol Instraksen blong Singsing Taem mo Sakramen Miting Presentesen blong Ol Pikinini

Ol singsing blong Praemeri oli ol tul we i gat paoa blong helpem ol pikinini blong lanem abaot plan blong stap glad blong Papa long Heven, mo ol stamba trutok blong gospel blong Jisas Kraes. Taem ol pikinini oli stap singsing abaot ol prinsipol blong gospel,Tabu Spirit bae i testifae se ol prinsipol ia oli tru. Ol toktok mo miusik bae i stap insaed long maen mo hat blong ol pikinini truaot long laef blong olgeta.

Lukaotem help blong Spirit taem yu stap rere blong tijim gospel tru long miusik. Serem testemoni blong yu abaot ol trutok we yu stap singsing abaot olgeta. Helpem ol pikinini blong luksave olsem wanem miusik i go wetem wanem oli stap lanem mo stap gotru long hem insaed long hom mo insaed long klas blong Praemeri.

Ol Gaedlaen blong Sakramen Miting Presentesen

Anda long daereksen blong bisop, sakramen presentesen blong ol pikinini, oli stap holem long nambafo kwota blong yia. Praemeri presidensi mo miusik lida, oli wok wetem kaonsela insaed long bisoprik we i lukluk long Praemeri blong stat blong toktok raon long ol plan blong presentesen ia.

Presentesen ia, i mas givim taem long ol pikinini blong presentem wanem we, olgeta, wetem famli blong olgeta, oli bin lanem aot long Buk blong Momon long hom mo long Praemeri; i mas gat tu ol singsing blong Praemeri we oli bin singsing long olgeta truaot long yia. Taem yufala i stap plan from presentesen ia, tingting long sam wei we i save helpem kongregesen blong lukluk nomo i go long Sevya mo ol tijing blong Hem.

Ol yunit we oli gat ol smol namba blong ol pikinini, oli save tingting long sam wei we ol memba blong famli tu oli save tekpat wetem ol pikinini blong olgeta. Wan memba blong bisoprik i save endem miting wetem wan las sot toktok.

Taem yu stap rere long presentesen, tingbaot ol gaedlaen ia:

• Ol taem blong praktis i no mas tekemaot tumas taem blong ol pikinini aot long ol klas o aot long famli.

• Ol pikja, yunifom o media presentesen, mo ol media presentesen oli no stret blong yusum long taem blong sakramen miting.

Luk long Jeneral Hanbuk : Stap Givim Seves Insaed long Jos Ia blong Jisas Kraes blong Lata-dei Sent, 12.2.1.2.

Ol Instraksen blong Singsing Taem

5 minit (Praemeri presidensi): Fas prea, skripja o toktok blong bilif, mo wan toktok

20 minit (miusik lida): Singsing taem

Praemeri presidensi mo miusik lida oli jusum ol singsing blong wanwan manis blong sapotem ol prinsipol we ol pikinini oli stap lanem insaed long ol klas blong olgeta, mo insaed long hom. Wan lis blong ol singsing ia i stap tu insaed long gaed ia, we oli kam blong sapotem olgeta prinsipol ia.

Taem yu stap tijim ol singsing ia long ol pikinini, invaetem olgeta blong serem wanem we oli bin lanem finis abaot ol stori mo ol doktrin prinsipol we ol singsing ia oli stap tijim. Invaetem ol pikinini blong serem ol tingting mo filing blong olgeta abaot ol trutok we oli faenem insaed long ol singsing ia.

Children’s Songbook i besik risos blong miusik insaed long Praemeri. Ol hym we oli kamaot long hym buk mo ol singsing we oli kamaot long Fren tu oli stret blong yusum. Sapos yufala i wantem yusum ol nara miusik long Praemeri, we oli no stap long ol buk ia, bisoprik i mas apruvum fastaem (luk long Jeneral Hanbuk, 12.3.4).

Miusik blong Singsing Taem

Jenuware

• “Book of Mormon Stories,” Children’s Songbook, 118–19

• “Keep the Commandments,” Children’s Songbook, 146–47

• “The Iron Rod,” Hymns, no. 274

Febwari

• “Nephi’s Courage,” Children’s Songbook, 120–21

• “I Feel My Savior’s Love,” Children’s Songbook, 74–75

• “Choose the Right,” Hymns, no. 239

Maj

• “I Love to See the Temple,” Children’s Songbook, 95

• When I Am Baptized Children’s Songbook103

• “Easter Hosanna,” Children’s Songbook, 68–69

Epril

• “A Child’s Prayer,” Children’s Songbook, 12–13

• “Have I Done Any Good?,” Hymns, no. 223

Mei

• “Love One Another,” Children’s Songbook, 136–37

• “I Will Be Valiant,” Children’s Songbook, 162

• “Help Me, Dear Father,” Children’s Songbook, 99

Jun

• “Testimony,” Hymns, no. 137

• “We’ll Bring the World His Truth,” Children’s Songbook, 172–73

• “Follow the Prophet,” Children’s Songbook, 110–11

Julae

• “I Want to Be a Missionary Now,” Children’s Songbook, 168

• “My Heavenly Father Loves Me,” Children’s Songbook, 228–29

• “Faith,” Children’s Songbook, 96–97

Ogis

• “As I Search the Holy Scriptures,” Hymns, no. 277

• “Home Can Be a Heaven on Earth,” Hymns, no. 298

Septemba

• “The Still Small Voice,” Children’s Songbook, 106–7

• “Samuel Tells of the Baby Jesus,” Children’s Songbook, 36

• “I’m Trying to Be like Jesus,” Children’s Songbook, 78–79

Oktoba

• “Families Can Be Together Forever,” Children’s Songbook, 188

• “The Church of Jesus Christ,” Children’s Songbook, 77

Novemba

• “Dare to Do Right,” Children’s Songbook, 158

• “I Believe in Christ,” Hymns, no. 134

Disemba

• “Search, Ponder, and Pray,” Children’s Songbook, 109

• “Away in a Manger,” Children’s Songbook, 42–43

• “He Sent His Son,” Children’s Songbook, 34–35

Yusum Miusik blong Tijim Doktrin

Singsing taem, hem i stap blong helpem ol pikinini blong lanem ol trutok blong gospel. Olgeta tingting ia oli save givim insperesen long yu taem yu stap plan blong gat ol wei blong tijim ol prinsipol blong gospel we oli stap long ol hym o long ol singsing blong Praemeri.

Ridim ol skripja we oli go wetem ol miusik ia. Plante long ol singsing insaed long Children’s Songbook mo hymbuk, ol refrens i stap , blong ol skripja. Helpem ol pikinini blong oli ridim long ol skripja ia, mo tokbaot olsem wanem ol skripja oli go wetem ol singsing ia. Yu save raetemdaon sam skripja refrens antap long bod, mo invaetem ol pikinini blong oli majem wanwan skripja refrens ia i go wetem wan singsing o wan ves blong wan singsing.

Fulumap spes long laen. Raetem wan ves blong singsing long bod, mo yu karemaot sam ki toktok mo lego emti spes i stap. Afta, askem ol pikinini blong singsing long singsing ia, blong lisin long ol toktok we oli mas go long ol emti spes ia. Taem oli stap raet insaed long ol spes ia, toktok raon long wanem gospel prinsipol nao yu lanem aot long ol toktok ia we oli stap long ol waet spes ia.

Testifae. Talem wan sot testemoni long ol pikinini abaot ol trutok blong gospel we oli stap long singsing ia blong Praemeri. Helpem ol pikinini blong andastanem se, blong singsing, hem i wan wei we oli save serem testemoni blong olgeta long hem, mo filim Spirit.

Stanap olsem wan witnes. Invaetem ol pikinini blong kam, wan afta wan, blong stanap mo serem wanem oli bin lanem aot long singsing we oli stap singsing long hem, o blong serem olsem wanem oli filim abaot ol trutok insaed long singsing ia. Askem olgeta olsem wanem oli filim taem oli stap singsing long singsing ia, mo helpem olgeta blong oli luksave paoa blong Tabu Spirit.

Yusum ol pikja. Askem ol pikinini blong helpem yufala blong faenem o blong mekem ol pikja we oli go wetem ol impoten toktok o sentens insaed long singsing ia. Invaetem olgeta blong serem olsem wanem ol pikja oli go wetem singsing mo wanem singsing ia i stap tijim. Eksampol, sapos yu stap tijim singsing ia “The Iron Rod” (Hymns, no. 274), yu save putum ol pikja raon long rum o anda nid we i soem ol samting we ol impoten toktok long singsing i tokbaot, (olsem aean rel, toktok blong God, gaed, temtesen, mo heven). Askem ol pikinini blong putum tugeta ol pikja mo holem olgeta antap folem stret oda taem yufala i stap singsing long singsing ia tugeta.

Serem wan lesen we oli yusum samting long hem. Yu save yusum wan samting blong givim insperesen blong oli toktok raon long wan singsing. Eksampol, singsing ia “Fet” (Children’s Songbook, 96–97) i tokbaot wan smol sid. Yu save soem wan sid long ol pikinini, mo tokbaot olsem wanem yumi soem fet taem yumi planem wan sid; hemia i save mekem ol pikinini oli toktok raon long ol wei we yumi stap soem fet long Jisas Kraes, olsem we singsing i stap tokbaot.

Invaetem ol pikinini blong oli serem eksperiens blong olgeta. Helpem ol pikinini blong joenem ol prinsipol we singsing i stap tijim wetem ol eksperiens we oli gat wetem olgeta prinsipol ia. Eksampol, bifo yu singsing “I Love to See the Temple” (Children’s Songbook, 95), yu save askem ol pikinini blong leftemap han blong olgeta sapos oli bin luk wan tempol finis. Invaetem olgeta, taem oli stap singsing, tingbaot olsem wanem olgeta oli filim taem oli luk wan tempol.

Askem ol kwestin. I gat plante kwestin we yu save askem taem yufala i stap singsing ol singsing. Eksampol. Yu save askem ol pikinini wanem oli lanem aot long wanwan ves insaed long singsing ia. Yu save askem tu blong oli tingting long sam kwestin we singsing ia i save ansarem. Hemia i save lidim olgeta blong toktok raon long ol trutok we singsing ia i stap tijim.

Mekem ol simpol aksen wetem han. Invaetem ol pikinini blong oli tingting long sam simpol aksen wetem han blong helpem olgeta blong tingbaot ol toktok mo ol mesej blong wan singsing. Eksampol, singsing long seken ves blong “My Heavenly Father Loves Me” (Children’s Songbook, 228–29), u save invaetem ol pikinini blong poenem ae blong olgeta, blong oli mekem han olsem bataflae, mo mekem han blong olgeta i raon mo putum biaen long sora blong olgeta. Askem olgeta blong putum han blong olgeta antap long hat blong olgeta taem oli singsing “Yes, I know Heavenly Father loves me.”