Abentekiti C

Ibukin te Moanrinan—Kaetieti ibukin Tain te Anene ao aia Kaongora Ataei n te Bootaki n Toa

Kuuna n te Moanrinan bon bwaai ni mwakuri aika korakora ni buokiia ataei n reiakin taekan ana babaire Tamara are i Karawa ao aan koaua ibukin ana euangkerio Iesu Kristo. Ngkai ataei a anenea taekan reirein te euangkerio, te Tamnei ae Raoiroi e na kaoti koauaia. Taekana ma te katangitang a na tiku n aia iango ao inanoia ataei inanon maiuia ae bwanin.

Ukera ana ibuobuoki te Tamnei ngkai kam katauraoi n anga te reirei n te euangkerio rinanon te katangitang. Tibwaua ami kakoaua ibukin koaua ake kam anenei taekaia. Buokiia ataei n taraia bwa e kanga te katangitang n irekereke ma baike a reiakin ao n rinanona ni mweengaia ao n taian kiraati n te Moanrinan.

Kairiiri ibukin Karaoakin te Kaongora n te Bootaki n Toa

Ma n ana kairiiri te bitiobi, karaoakin te bootaki n toa n te kaongora irouia ataei e taneiai ni kakaraoaki n te kaua ni kuata n te ririki. Ngkai te beretitentii n te Moanrinan ao te tia kairiiri n te katangitang, a mwakuri ma te kauntira n te bitiobiriki are e tararuaa te Moanrinan ni moana maroroakinan taian babaire ibukin aia kanoa.

E riai kanoan aia kanoa ni kariaia ataei bwa a na kanakoa aia kanoa are ngaiia ma aia utu a tia n reiakinna man ana Boki Moomon ni mweengaia ao n te Moanrinan, n raonaki ma anene n te Moanrinan ake a tia n aneneia inanon te ririki. Ngkai ko bairea te kabwarabwara, iangoi kawai are a na kona ni buokiia kaain te taromauri ni katurui aia iango iaon te Tia Kamaiu ao Ana reirei.

Iunite ma karakon mwaitiia ataei e bae n iangoi kawai ike kaain te utu a na kona ni waaki iai ma natiia. Kaain te bitiobiriki a kona ni kaina te boowi n aia marooro ae uarereke.

Ngkana kam katauraoa karaoakin ami reirei, ururingi kainibaire akana imwina:

• Karaoan te kataneiai e ria n aki anaa te tai man taian kiraati n te Moanrinan.

• Tamnei, kunnikai ni kaotioti, ao bwaai ni katangitang aki katauaki ni kamanenaaki n te bootaki n toa.

Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira,12.2.1.2.

Kaetieti ibukin Tain te Anene

5 te miniti (Beretitentii n te moanrinan): Kaukuki n tataro, te kibu man koroboki aika tabu ke taekan te onimaki, ao teuana te taetae

20 te miniti (te tia kairiiri n te katangitang): tain te Anene

Te beretitentii n te Moanrina ao te tia kairiiri n te katangitang a na rinei anene ni katoa namwakaina ni kamatoai reirei ake a reiakin ataei inanon aia kiraati ao ni mweengaia. Rinanin anene ake a kamatoai reirei aikai a karinaki inanon te kairi aei.

Ngkai kam reireiniia ataei te anene, kaoiia bwa a na tibwauai baike a tia n reiakin n taian karaki ao aan taian reirei ake a reiakinaki n te anene. Kaoiia ataei bwa a na tibwauai aia iango ao aia namakin n taian koaua ake a kuneaki inanon taian anene.

Aia Boki n Anene Ataei bon te moan buoka ibukin te anene n te Moanrinan. Anene n taromauri man te boki n anene ao anene man te Rao a bon tau naba. Kabonganaan tabeua katangitang inanon te Moanrinan a riai ni kariaiakaki iroun te Bitiobiriki (taraa Aeniboki ni Kabuta,12.3.4).

Katangitang ibukin Tain te Anene

Tianuare

• “Karaki man Ana Boki Moomon,” Aia Boki n Anene Ataei,118–19

• “Keep the Commandments,” Aia Boki n Anene Ataei, 146–47

• “The Iron Rod,” Anene n Taromauri,, nambwa. 274

Beberuare

• “Nephi’s Courage,” Aia Boki n Anene Ataei, 120–21

• “I Feel My Savior’s Love,” Aia Boki n Anene Ataei, 74–75

• “Choose the Right,” Anene n Taromauri, nambwa. 239

Maati

• “I Love to See the Temple,” Aia Boki n Anene Ataei, 95

• “When I Am Baptized,” Aia Boki n Anene Ataei, 103

• “Easter Hosanna,” Aia Boki n Anene Ataei,, 68–69

Eberi

• “A Child’s Prayer,” Aia Boki n Anene Ataei, 12–13

• “Have I Done Any Good?,” Anene n Taromauri, nambwa. 223

Meei

• “Love One Another,” Aia Boki n Anene Ataei, 136–37

• “I Will Be Valiant,” Aia Boki n Anene Ataei, 162

• “Help Me, Dear Father,” Aia Boki n Anene Ataei, 99

Tuun

• “Testimony,“ Anene n Taromauri,, nambwa. 137

• “We’ll Bring the World His Truth,” Aia Boki n Anene Ataei, 172–73

• “Follow the Prophet,” Aia Boki n Anene Ataei, 110–11

Turai

• “I Want to Be a Missionary Now,” Aia Boki n Anene Ataei, 168

• “My Heavenly Father Loves Me,“ Aia Boki n Anene Ataei228–29

• “Faith,“ Aia Boki n Anene Ataei96–97

Aokati

• “As I Search the Holy Scriptures,” Anene n Taromauri, nambwa. 277

• “Home Can Be a Heaven on Earth,” Anene n Taromauri, nambwa. 298

Tebetembwa

• “The Still Small Voice,” Aia Boki n Anene Ataei, 106–7

• “Samuel Tells of the Baby Jesus,” Aia Boki n Anene Ataei,, 36

• “I’m Trying to Be like Jesus,“ Aia Boki n Anene Ataei78–79

Okitobwa

• “Families Can Be Together Forever,“ Aia Boki n Anene Ataei188

• “The Church of Jesus Christ,” Aia Boki n Anene Ataei, 77

Nobembwa

• “Dare to Do Right,” Aia Boki n Anene Ataei, 158

• “I Believe in Christ,” Anene n taromauri, nambwa. 134

Ritembwa

• “Search, Ponder, and Pray,“ Aia Boki n Anene Ataei109

• “Away in a Manger,” Aia Boki n Anene Ataei, 42–43

• “He Sent His Son,” Aia Boki n Anene Ataei, 34–35

Kabonganakin te Katangitang n Reiakina te Reirei

Tain te anene e baireaki ibukin buokaia ataei ibukin reiakinan koauan te euangkerio. Iango aika imwina a kona ni kaungai nanomi ngkai kam iangoi kawai n anga reirei iaon reirein te euangkerio ake a kuneaki n anene n taromauri ao ni kunan te Moanrinan.

Wareki koroboki aika a tabu ake a irekereke ma ngaia. Ibukin angiin taian anene inanon Aia Boki n Anene Ataei ao te boki n anene n taromauri, kiibu ake a irekereke ma koroboki aika tabu a koreaki. Buokiia ataei ni wareki tabeua mai buakon karaki aikai, ao maroroakinna bwa a kanga booki aika tabu n irekereke ma te anene. Kam kona naba ni karinani bwaai ni kakoaua ibukin booki aika tabu iaon te burakibooti ao kaoiia ataei bwa a na katoatoai bwaai ni kakoaua n tatabeua ma te anene ke kibun te anene.

Kanoai taian Bwangabwanga. Korea kibun te anene iaon te burakibooti ma tabeua oin taeka ake a bua. Ngkanne tuangiia ataei bwa a na anenea te anene, kakauongo ibukin taian taeka ake a na kanoa te bwangabwanga. Ngkai a kanoa te bwangabwanga, maroroakin reirein te euangkerio ake kam reiakin man taeka akana a bua.

Kakoaua. Kaota ami koaua ae uarereke nakoia ataei iaon koauan te euangkerio ake a kuneaki n anenen te Moanrinan. Buokiia ataei bwa a na ataia bwa te anene bon teuana te kawai ae a kona ni kaota iai aia koaua ao n namakina te Tamnei.

Riiki bwa te tia kakoaua. Kaoiia ataei bwa a na kaibibiti n tei ao n tibwauai baike a reiakin man te anene are a aneneia ke aron aia namakin ibukin koaua ake a reiakinaki man te anene. Titirakiniia aron aia namakin ngkai anenea te kuna, ao buokiia bwa a na kinaa ana kairoro te Tamnei ae Raoiroi.

Kabonganai tamnei. Tuangiia ataei bwa a na buoki ngkami ni kakaea ke ni karaoi tamnei ake a iri ma taeka aika kakawaki ke kibun te anene. Kaoiia bwa a na tibwauaia bwa tera rekereken taian tamnei ma te anene ao tera ae reiakinaki man te anene. Te katooto, ngkana ko reireiniia te anene “The Iron Rod,” (Anene n Taromauri, nambwa. 274), ko kona ni katei tamnei rinanon te ruu ni kaota kakaawakin taeka man te anene (n aron te kai te biti, ana taeka te Atua, kairi, kariiri, ao karawa). Tuangiia ataei bwa a na ikoti taian tamnei ao n tabeki ieta n teia ae barongaaki ngkai kam bane n anene.

Tibwai bwaai ni kakairi ae tei ibukin te reirei. Ko kona ni kabongana te bwai ae e kona n nooraki ae kaungaa maroroakinan te anene. Te katooto, te kuna ae “Faith,” (Aia Boki n Anene Ataei, 96–97), e taekina te ati ae uarereke. Ko kona ni kaota te ati nakon te ataei ao ni maroroakina aron kaotan te onimaki ngkana ti unika te ati; aio e kona ni kaira maroroakinan kawai ake ti kaota iai onimakinan Iesu Kristo, n aron are e kabwarabwaraaki n te anene.

Kaoa te Tibwatibwa ni bwaai ake ko a tia n rinanona. Buokiia ataei n tomai reirei ake a reiakinaki n te anene ma baike a rinanona ma reirei aikai. N aron te katooto, imwain te anene “I Love to See the Temple” (Aia Boki n Anene Ataei, 95), ko kona n tuangiia ataei bwa a na katei baia ngkana a tia n noora te tembora. Kaoiia, ngkai a anene, n iangoia bwa e kanga aia namakin ngkana a noora te tembora.

Anga titiraki. A mwaiti titiraki aika ko kona n anga ngkai ko anenei kuuna. Te katooto, ko kona n titirakiniia ataei tera ae a reikainna man kibun nako te kuna. Ko kona naba n tuangiia bwa a na iangoi titiraki ake e kaekaaki n te kuna. Aei e na kona ni kaira te marooro ibukin koaua ake a reiakinaki n te anene.

Kabonganai baai ni mwakuri aika beebete. Kaoiia ataei bwa a na iangoa aron kamwakuran baai aika a beebete bwa e na buokiia n uringa taekan ao rongorongon te anene. N aron te katooto, ngkana ko anenea kauouan kibun “My Heavenly Father Loves Me” (Aia Boki n Anene Ataei, 228–29), kam kona ni kaoiia ataei bwa a na kotei ni mataia, ni mwakuri kanga ai aron te bwebwe, ao ni kamwangkoi baia iaan taningaia. Tuangiia bwa a na katokai baia iaon bwabwaia ngkai a anenea “Yes, I know Heavenly Father loves me.”