Abentekiti D

Ibukiia Kooram n te Nakoanibonga ae te Aaron ao aia Kiraati Ataeinnaine—Te Akenta n te Bowi

Te Tai ni Bowi:

Te tia Kairi (te membwa n te kiraati ke te beretitentii n te kooram):

Kaukuki

Anene n Taromauri (am rinerine):

Tataro:

Kaokioka Aia Botoniango Ataeinnaine ke Aia Botoniango Kain te Kooram n te Nakoanibonga ae te Aaron.

Ikotaki ni marooro

Kairaki iroun te aomata ae kaira te bowi, te kiraati ke te kooram a kabanea 5 nakon 10 te miniti n ikotaki ni marooroakin tabeia n te mwakuri ni kamaiu ao n te karietataaki. Aio te tai ibukin te kiraati ke te beretitentii n te kooram n rimwiin bwaai ake a maroroakinaki n aia boowi kaain te beretitentii ke n ana boowi te kauntira n te rororonrikirake.

E kona naba te aomata are e kaira te botaki ni kabongana teuana ke n raka riki man titiraki aikai:

Maiuakinan te Euangkerio

• Tera taneiai aika a tia ni kakorakorai ara koaua iroun Iesu Kristo ao Ana euangkerio?

• Tera ae ti karaoia ni kaniira riki nakon te Tia Kamaiu? Ti kanga ni kataia n riki n Arona?

• Ti kanga n tia n namakina ana kairiiri te Uea inanon maiura?

Tararuakiia naake iai kainnanoia

• Antai ae ti a tia namakinna bwa e kairaki bwa e na ibuobuoki ke ni beku? Tera katabeara ae ti a tia ni karekea mairoun te bitiobi bwa ti na buoka temanna ae kainnanoa buokana?

• Ti na kanga ni buokiira i bon iroura inanon bwaai ake ti rinanona?

• Iai temanna ae e tia ni mwaing nakon ara uoote ke ni kaaina te Ekaretia? Ti na kangaa ni buokiia bwa a na namakina te butimwaeaki?

Kaoakiia ni kabane bwa ana karekea te euangkerio

• Tera ae ti kona ni karaoia ni buokiia tabeman bwa a na namakina ana tangira te Atua?

• Tera waaki ni kakukurei aika iaon kawaia ake ti kona iai ni kaoiia raoraora bwa a na iria?

• Tera babaire n tibwaua te euangkerio aika a tia ni marooroakinaki inanon bowiin te kauntira n te uoote ibukiia kairake? E na kanga ara kiraati ke kooram ni kairaki n tibwauan te euangkerio?

Katiteuanakiia utu n te maiu ae akea tokina

• Tera kawai tabeua aika ti kona iai n reitaki ma kaain ara utu, n raonaki ma tenaan tibu ao ai tarira aine ao mwaane?

• Tera ae ti karaoia ni kakaei araia ara bakatibu aika a kainnanoi otenanti n te tembora? Tera ae ti kona ni karaoia ni buokiia tabeman ni kakaei araia aia bakatibu?

• Ti na kanga ni ibuobuoki riki ma te mwakuri n te tembora—n tatabemaniia ao n te kiraati ke n te kooram?

Te uaia n reirei

Te tia kairiiri ae ikawai ke te membwa n te kooram ke te kaetieti ibukin kairan te kiraati ibukin te wareware n Nakomai, Iriirai n te wiiki aei. Teuanne ke neienne e na kabonganai iango ibukin te kamatebwai inanon Nakomai, Iriirai—Ibukin te Mweenga ao te Taromauri. Te iango ni kamatebwai ma te kanikina aei e boraoi ma te tieminari ao e ti kaeineti riki nakoia kaain te roronrikirake. E ngae n anne, a kona iango ni kamatebwai ni kabane ni kabongaaki. Manin mwakoron te bowi aei e anaa tao 35 nakon 40 te miniti.

Kainiin

Te aomata are e kaira te bowi:

• Kaota am koaua iaon reirei ake a reiakinaki.

• Maroroakinna bwa e kanga te kiraati ke te kooram ni karaoi nanon bwaai ake a rieakin—n te kurubu ke irouia n tatabemaniia.

Tataro: