Ntaub Ntawv Ntxiv tom Kawg D

Rau tej Pawg Pov Thawj Hwj Aloos thiab tej Pawg Koom Haum Ntxhais Hluas—Daim Ntawv Qhia tus Txheej Txheem Sib Ntsib

Hnub sib ntsib:

Tus coj (tus mej zeej hauv chav kawm los sis pawg thawj tswj hwm):

Qhib

Zaj Nkauj (tsis tas ua):

Thov Vajtswv:

Hais Koom Haum Ntxhais Hluas lub Ntsiab Lus los sis Pawg Pov Thawj Hwj Aloos lub Ntsiab Lus.

Sib tawm tswv yim ua ke

Ib tug neeg yuav coj nws pawg hauv kev sib ntsib thiab siv 5 txog 10 feeb kom sib tham ua ke txog lawv tej hauj lwm ua txoj hauj lwm cawm seej thiab kev tsa nto. Nov yog ib lub cib fim rau pawg thawj tswj hwm rov qab sib tham txog tej yam uas tau hais nyob hauv pawg thawj tswj hwm kev sib ntsib los sis pawg ntseeg cov tub hluas ntxhais hluas pawg sab laj.

Tus neeg uas coj kev sib ntsib tej zaum yuav xav siv tej lus nug no:

Ua neej raws li txoj moo zoo

• Tej yam twg tau pab peb zaj lus tim khawv txog Yexus Khetos thiab Nws txoj moo zoo muaj zog?

• Peb ua dab tsi kom muab suab npuab tus Cawm Seej? Peb ua li cas thiaj li ua neeg zoo li Nws ntxiv?

• Tus Tswv tau coj peb lub neej li cas?

Saib xyuas cov uas xav tau kev pab

• Peb twb txais kev tshoov siab mus pab leej twg? Pawg npisov tau txib peb mus pab leej twg?

• Peb yuav ua li cas kom ib leeg txhawb nqa ib leeg thaum peb raug xwm txheej?

• Puas muaj leej twg uas tsiv tsev los nyob hauv peb pawg ntseeg los sis tau koom lub koom Txoos? Peb yuav ua li cas kom pab lawv paub tias peb tos txais lawv?

Caw txhua tus los txais txoj moo zoo

• Peb yuav ua li cas kom pab lwm tus paub tias Vajtswv hlub lawv?

• Peb yuav ua tej yam ntxim ua twg uas peb caw tau peb cov phooj ywg nrog peb koom ua ke?

• Nyob hauv pawg ntseeg cov tub hluas ntxhais hluas pawg sab laj twb tau npaj ua tej yam twg kom qhia txoj moo zoo? Peb pawg yuav ua li cas kom ua li no?

Muab tej tsev neeg khi ua ke mus ib txhis li

• Peb yuav ua li cas kom koom ua ke nrog peb tsev neeg, tsis hais peb pog, yawg, yawm txiv thiab niam tais?

• Peb ua li cas kom nrhiav tau tej npe ntawm peb cov poj koob yawm txwv uas xav tau cov kab ke hauv lub tuam tsev? Peb yuav ua li cas kom pab lwm tus nrhiav tej npe ntawm lawv cov poj koob yawm txwv?

• Peb yuav ua li cas kom ua hauj lwm hauv lub tuam tsev ntxiv—ib leeg thiab nrog peb pawg ua ke?

Kawm ua ke

Ib tug thawj coj laus los sis ib tug mej zeej hauv pawg tub hluas los sis ntxhais hluas yuav coj kev qhia txog tej yam uas nyeem hauv phau Los, Nrog Kuv Mus lub lim tiam no. Nws siv tej lub tswv yim kawm nyob hauv phau Los, Nrog Kuv Mus—Siv hauv Tsev thiab lub Koom Txoos. Lub tswv yim kawm uas muaj lub cim no twb hais txog tej uas kawm hauv seminary thiab yeej tseem ceeb rau cov tub hluas ntxhais hluas. Tiam sis, koj siv ib lub tswv yim kawm twg los tau. Lub sij hawm no nyob hauv kev sib ntsib los feem ntau yuav siv 35 txog 40 feeb.

Kaw

Tus neeg uas coj kev sib ntsib no:

• Ua tim khawv txog cov ntsiab lus uas tau qhia lawm.

• Sib tham txog qhov uas pawg tub hluas los sis ntxhais hluas yuav ua dab tsi raws li lawv kawm—ua ib pawg ua ke los sis nyias ua nyias.

Thov Vajtswv: