Xtiqb’al li aatin D

Choq’ reheb’ li molam sa’ li Tijonelil re Aaron ut lix tzoleb’aaleb’ li Saaj Ixq—Li tusleb’ aatin choq’ re li ch’utam

Xkutankil li ch’utam:

Ani taab’eresinq re (jun komon re li awa’b’ejil re li tzoleb’aal malaj molam):

Xtiklajik

Li b’ich (wi na’ajman)

Tijok:

Xyeeb’al li ch’ol aatin choq’ reheb’ li Saaj Ixq malaj li ch’ol aatin choq’ reheb’ li molam re li Tijonelil re Aaron.

K’uub’ank na’leb’ sa’ komonil

Chi b’eresinb’il xb’aan li ani nab’eresink re li ch’utam, li tzoleb’aal malaj li molam neke’xkuub’ xna’leb’ chiru 5 toj 10 k’asal chirix lix teneb’ankileb’ sa’ li k’anjel re li kolb’a-ib’ ut li taqenaqil loq’al. Sa’ li hoonal a’in li awa’b’ejil re tzoleb’aal malaj molam naru taapatz’oq chirix li xe’aatinak wi’ sa’ li ch’utam re li awa’b’ejil malaj re li ch’uut reheb’ li saaj re teep.

Li ani nab’eresink naru ajwi’ naroksi jun malaj wiib’ oxib’ reheb’ li patz’om a’in.

Xyu’aminkil li evangelio

• K’a’ru toje’ xqak’ul li xkawob’resink re lix nawom qach’ool chirix li Jesukristo ut lix evangelio?

• K’a’ru yooko chixb’aanunkil re nach’ok rik’in li Kolonel? K’a’ru yooko chixb’aanunkil re wank jo’ a’an?

• Chan ru naq qeek’ahom lix b’eresihom li Qaawa’ sa’ li qayu’am?

Rilb’aleb’ li neke’raj xtenq’ankil

• Ani xqeek’a naq taqatenq’a? K’a’ruheb’ li qataqlankil xqak’ul rik’in li obiispil re xtenq’ankil li ani wan sa’ rajb’al ru?

• Chan ru naru naqatenq’a qib’ chiqib’il qib’ sa’ li naqanumsi?

• Ma wan ani toje’ x’ok sa’ li qateep malaj x’ok sa’ li Iglees? Chan ru naru taqak’e xsahileb’ xch’ool?

Xb’oqb’al chixjunileb’ chixk’ulb’al li evangelio

• K’a’ru naru taqab’aanu re xtenq’ankileb’ li qas qiitz’in chireek’ankil lix rahom li Dios?

• K’a’ruheb’ li kok’ k’anjel chalkeb’ re, b’ar wi’ naru taqab’oqeb’ li qamiiw chi tz’aqonk?

• Ma wan li na’leb’ chirix xwotzb’al li evangelio li xe’aatinak wi’ sa’ li ch’utam re li ch’uut reheb’ li saaj re teep? Jo’ tzoleb’aal malaj molam, chan ru naq tootenq’anq?

Xk’amb’aleb’ li junkab’al sa’ junajil sa’ li junelik q’e kutan

• K’a’ru naru taqab’aanu re aatinak chi kok’ aj xsa’ rik’in chixjunil li qajunkab’al?

• K’a’ru yooko chixb’aanunkil re xtawb’al xk’ab’a’eb’ li qaxe’ qatoon li neke’raj ru xk’ojob’ankil k’anjel re li santil ochoch? K’a’ru naru taqab’aanu re xtenq’ankileb’ li qas qiitz’in chixtawb’al xk’ab’a’eb’ lix xe’toonil?

• Chan ru naru tootz’aqonq sa’ li k’anjel re li santil ochoch—sa’ junesal ut jo’ tzoleb’aal malaj molam?

Tzolok sa’ komonil

Jun aj jolominel ak nim malaj jun komon re li molam malaj tzoleb’aal naxjolomi li tzolok chirix li ch’ol re li xamaan a’in sa’ Kim, Taaqehin. A’an naroksi li na’leb’ li wan sa’ Kim, Taaqehin—Choq’ re li ochoch ut li iglees. Li na’leb’ re tzolok rik’in li eetalil a’in naxk’am rib’ rik’in li seminario ut wan tz’aqal choq’ reheb’ li saaj. A’b’anan, naru neke’oksiman chixjunileb’ li na’leb’ re tzolok. Li tzolok naxk’am 35 toj 40 k’asal re li ch’utam.

Xraqik

Li ani nab’eresink re li ch’utam:

• Naxch’olob’ xyaalaleb’ li na’leb’ li xe’k’utman.

• Naxye chan ru naq li komon sa’ tzoleb’aal malaj molam te’xk’anjela li k’a’ru xe’xtzol—sa’ junesal malaj sa’ komonil.

Tijok: