Parau hi’u D

Nō te mau pupu Autahu’ara’a a Aarona ’e te mau piha Feiā ’Āpī Tamāhine—Tārena nō te ruruura’a

Tai’o mahana nō te rurura’a :

Arata’ihia (melo o te piha ha’api’ira’a ’e ’aore rā, o te peresidenira’a pupu autahu’ara’a) :

’Īritira’a

Hīmene (’ia hina’arohia) :

Pure :

E fa’ahiti i te Parau tai’o a te Feiā ’Āpī Tamāhine ’e ’aore rā te Parau tai’o a te pupu Autahu’ara’a a Aarona.

Tāu’aparau ʼāmui

Arata’ihia e te ta’ata e fa’atere ra i te rurura’a, e 5 ē tae atu i te 10 minuti te maoro te ’āpo’o-’āmui-ra’a nō ni’a i tā rātou mau hōpoi’a i roto i te ’ohipa nō te fa’aorara’a ’e te fa’ateiteira’a. Teie te hō’ē rāve’a nō te peresidenira’a piha tamāhine ’e ’aore rā te peresidenira’a pupu autahu’ara’a ’ia hi’opo’a i te mau ’ohipa i tāu’aparauhia i roto i te rurura’a a te peresidenira’a ’e ’aore rā, i roto i te rurura’a ’āpo’ora’a feiā ’āpī pāroita.

E nehenehe ato’a te ta’ata e arata’i ra, e fa’a’ohipa i te hō’ē uira’a, ’e ’aore rā hau atu, i muri nei :

Ora i te ’evanelia

• E aha te mau ’ohipa i tupu a’enei tei ha’apūai i tō tātou ’itera’a pāpū nō Iesu Mesia ’e nō tāna evanelia ?

• E aha tā tātou e rave nō te ha’afātata atu ā i te Fa’aora ? Tē nāhea ra tātou i te tāmata ’ia riro hau atu ā mai iāna te huru ?

• ’Ua nāhea tātou i te fāri’ira’a i te arata’ira’a a te Fatu i roto i tō tātou ’orara’a ?

Ha’apa’o i te feiā tei hina’aro i te tauturu

• ’O vai te ta’ata i arata’ihia tātou ’ia tauturu ’e ’aore rā ’ia tāvini ? E aha te mau fa’auera’a ’ohipa tā tātou i fāri’i mai roto mai i te ’episekōpora’a, nō te tauturu i te hō’ē ta’ata tei hina’aro i te tauturu ?

• Nāhea tātou e nehenehe ai e pāturu te tahi i te tahi i roto i te mau mea e fa’aruruhia nei e tātou ?

• ’Ua tae ’āpī mai ānei te tahi ta’ata i roto i tā tātou pāroita ’aore rā ’ua tomo ’āpī mai ānei i roto i te ’Ēkālesia ? Nāhea tātou e tauturu ai ia rātou, ’ia ’ite rātou ē tē fāriʼi-poupou-hia nei rātou ?

Ani manihini i te mau ta’ata ato’a ’ia fāri’i i te ’evanelia

• E aha tā tātou e nehenehe e rave nō te tauturu i te feiā ato’a ’ia putapū i te here o te Atua ?

• E aha te mau ’ātivite e tae mai ra ’o tā tātou e nehenehe e ani manihini i tō tātou mau hoa ’ia haere mai ?

• E aha te mau fa’anahora’a nō te fa’a’ite i te ’evanelia i tāu’aparauhia i roto i te mau rurura’a ’āpo’ora’a feiā ’āpī pāroita ? Nāhea tō tātou piha ’aore rā pupu e nehenehe ai e fa’aō atu ?

Tāhō’ē i te mau ’utuāfare nō te tau a muri atu

• E aha te tahi mau rāve’a, e nehenehe ai tātou e fa’afārerei maita’i a’e i te mau fēti’i, mai te mau metua rū’au ’e te mau taea’e fēti’i ?

• E aha tā tātou e rave nei nō te ’imi i te i’oa o te mau tupuna tei tītauhia te mau ’ōro’a o te hiero ? E aha tā tātou e nehenehe e rave nō te tauturu ia vetahi ’ē ’ia imi i te i’oa o tō rātou mau tupuna ?

• Nāhea tātou i te ’āmui rahi atu ā i roto i te ’ohipa hiero—’ei ta’ata hō’ē ’e ’ei piha tamāhine ’e ’aore rā ’ei pupu autahu’ara’a ?

’Apo ’āmui i te ha’api’ira’a

E arata’i te hō’ē ti’a fa’atere pa’ari ’e ’aore rā, te hō’ē melo nō te pupu autahu’ara’a ’e ’aore rā piha tamāhine, i te ha’api’ira’a nō ni’a i te tai’ora’a Mai, pe’e mai nō teie hepetoma. E fa’a’ohipa ’oia i te mau mana’o tuatāpapara’a i roto i te Mai, pe’e mai—Nō te ’utuāfare ’e te fare purera’a. ’Ua tū’ati te mana’o tuatāpapara’a tē vai ra teie ’ītona i te séminaire ’e e mea tano ta’a ’ē nō te feiā ’āpī. Terā rā, e nehenehe e fa’a’ohipahia te tahi noa atu mau mana’o tuatāpapara’a. Teie tuha’a o te rurura’a, e 35 ē tae atu i te 40 minuti te maoro.

’Ōpanira’a

Te ta’ata e fa’atere ra i te rurura’a :

• Fa’a’ite i tōna ’itera’a pāpū nō te mau parau tumu i ha’api’ihia.

• ’Āparau e nāhea te piha tamāhine, ’e ’aore rā te pupu autahu’ara’a, ’ia ha’a i ni’a i te mea tā rātou i ’apo mai—’ei pupu ’e ’aore rā, ’ei ta’ata hō’ē.

Pure :