Kosalela Yaka, Landa Ngai—Mpo na Ndako mpe Eklezia

Mokanda Oyo Ezali Mpo na Nani?

Mokanda oyo ezali mpo na moto nyonso oyo alingi koyekola uta na Malongi mpe Mayokani—moto na moto, lokola libota, mpe kati ya bakelasi ya Eklezia. Soki na mikolo eleki bozalaki koyekola nsango malamu mbala na mbala te, mokanda oyo ekoki kosalisa bino mpo na kobanda. Soki bozalaka na momesano ya koyekola nsango malamu, mokanda oyo ekoki kosalisa bino bozwa mabaku ya ntina mingi koleka.

Bato mpe Mabota na Ndako

Esika malamu mpo na koyekola nsango malamu ezali na ndako. Bateyi na bino ya eklezia bakoki kosunga bino, mpe bokoki kozwa makasi uta na bandimi misusu ya palwasi. Kasi mpo na kobika na molimo mpenza, moko na moko na biso azali na mposa ya bilei ya mokolo na mokolo uta na “liloba malamu ya Nzambe” (Moroni 6:4; tala lisusu Russell M. Nelson, “Opening Remarks,” Liahona, Sanza ya zomi na moko 2018, 6–8).

Bosalela mokanda oyo na lolenge oyo bomoni ekoki kosalisa bino. Mateya yango ezali kolakisa na polele bosolo mosusu ya seko ezwami na Malongi mpe Mayokani. Ezali lisusu kopesa makanisi mpe milulu mpo na kosalisa bino botanga makomi bino moko, elongo na bato ya libota, to elongo na baninga. Ntango bozali koyekola, bolanda botambwisi ya molimo mpo na kozwa bosolo ya seko oyo ezali ntina monene mpo na bino. Boluka mateya ya Nzambe mpo na bino, mpe bolanda botindiki oyo bozwi.

Bateyi mpe Bayekoli na Eklezia

Soki bozali koteya na kelasi ya Eteyelo ya Bana, kelasi ya Eteyelo ya Eyenga ya bilenge to bakolo, lisanga likoki ya Bonganganzambe ya Alona, to kelasi ya Bilenge Basi, bopesami makasi ya kosalela mateya oyo ezali na kati ya bisaleli oyo ntango bozali komilengela mpo na koteya. Yaka, Landa Ngai—Mpo na Ndako mpe Eklezia ezali molongo na bino ya koteya mpo na kelasi ya Eyenga. Makanisi ya koyekola na mokanda oyo ebongisami mpo na koyekola na ndako mpe na eklezia. Ntango bozali komilengela mpo na koteya, bobanda na kozwaka mayele ya bino moko kati na makomi. Bomilengeli na bino ya motuya mpenza ekosalama ntango bozali koluka na mozindo makomi mpe bozali koluka bofuli ya bino moko ya Molimo Mosantu. Bokoki lisusu koyekola na bosenga ya bato oyo bozali koteya na makanisi. Boluka bosolo ya seko. Yaka, Landa Ngai ekoki kosalisa bino boyeba mingi ya bosolo yango mpe koyekola lolenge nini makomi ekoki kosalelama na bomoi na bino.

Bobomba na makanisi ete koyekola nsango malamu, na malamu na yango mpenza, etie ndako to libota na katikati mpe esungami na Eklezia. Na maloba mosusu, mokumba na bino monene ezali kosunga bato bozali koteya na makasi na bango ya koyekola mpe kobika nsango malamu na ndako to libota. Bobanga te na oyo etali kozala na likambo se moko mpo na kopesa bango na kelasi. Na esika na yango, bopesa bango mabaku ya kokabola mayele, makanisi, mpe mituna na bango etali biteni ya makomi batangi na ndako. Bosenga bango bakabola bosolo ya seko oyo bango bamoni. Oyo ezali motuya mingi koleka kosilisa kotanga biteni ebele ya mokanda.

Bakelasi ya Eteyelo ya Eyenga mpo na Bilenge mpe Bakolo.

Moko ya ntina monene oyo tosanganaka na bakelasi ya Biteyelo ya Eyenga ezali kosungana mpe kopesana makasi na moko mpe mosusu ndenge tozali kobunda mpo na koyeba mpe kolanda Yesu Klisto. Lolenge moko ya pete mpo na kosala yango ezali kotuna motuna moko lokola “Eloko nini Molimo Mosantu ateyaki yo na poso oyo ntango otangaki makomi na Yaka, Landa Ngai?” Biyano na motuna oyo ekoki kokamba na masolo ya ntina monene oyo etongaka bondimi na Yesu Klisto mpe nsango malamu na Ye.

Nsima bokoki kobengisa lisolo efandisami likolo ya makanisi mpo na koyekola kati na Yaka, Landa Ngai. Ndakisa, likanisi moko mpo na koyekola ekoki kotinda koluka na mozindo Malongi mpe Mayokani 19:15–20, kolukaka lolenge nini Mobikisi alimbolaki mpasi na Ye. Bokoki kosenga bato ya kelasi bakabola lolenge nini bamiyokaki ntango batangaki bolimboli na Ye mpe bosolola na oyo etali lolenge nini oyo etutaka lolenge bakanisaka oyo etali Ye. To bokoki kolekisa mwa natngo koyekolaka milongo oyo lokola kelasi.

Masanga makoki ya Bonganganzambe ya Alona mpe Bakelasi ya Bilenge Basi

Ntango masanga makoki ya Bonganganzambe ya Alona mpe bakelasi ya Bilenge Basi bakutanaka na baeyenga, ntina na bango ezali mwa moke ya kokesana uta na bakelasi ya Eteyelo ya Eyenga. Lisusu mpo na kosalisana moko mpe mosusu ayekola nsango malamu ya Yesu Klisto, lisanga yango lisusu bakutanaka mpo na kopesana toli na oyo etali bokokisi mosala ya lobiko mpe bonetoli (tala Buku Monene ya Mitindo: Kosala na Eklezia ya Yesu Klisto ya Basantu ya Mikolo mya Nsuka, 1.2), lokola eyangelami na bokambi na bango ya kelasi to ya lisanga likoki.

Na ntina yango, liyangani moko na moko ya kelasi to ya lisanga likoki esengeli ebanda elongo na moko ya bokambi ya lisanga likoki to ya kelasi kotambwisaka lisolo etali makasi na bango. Ndakisa, bakoki kosangana elongo na oyo etali makasi ya kobika nsango malamu, kosalisa bato bazali na bosenga, kokabola nsango malamu, to kosangana na mosala ya tempelo mpe mambi ya kala ya libota.

Nsima na ntango yango mpo na kopesa toli elongo, moteyi moko akotambwisa kelasi to lisanga likoki na koyekolaka nsango malamu elongo. Bakambi ya mikolo to bato ya kelasi to ya lisanga likoki bakoki kopesama ndingisa ya koteya. Bokambi ya kelasi to ya lisanga likoki, kosololaka elongo na bakambi ya bakolo, basalaka misala oyo.

Bato bapesami ndingisa ya koteya basengeli bamilengela na kosalelaka makanisi mpo na koyekola oyo ezali na mateya ya poso ya Yaka, Landa Ngai. Na liteya moko na moko, elembo oyo elakisi molulu moko oyo ezali mingimingi ntina mpo na bilenge mpe elandi maye bazali koyekola na seminele. Nzokande, makanisi nyonso kati na liteya ekoki kosalelama lokola molulu ya boyekoli mpo na bilenge.

Ndakisa ya manaka mpo na mayangani ya lisanga likoki mpe ya kelasi, tala bobakisi D.

Eteyelo ya Bana

Bomilengeli na bino ya koteya na Eteyelo ya bana ebandi ntango oyekoli makomi yo moko mpenza mpe elongo na libota na yo. Ntango bozali kosala yango, bozala ya kofungwama na mayoki ya molimo mpe makanisi uta na Molimo Mosantu etali bana na kelasi na bino ya Eteyelo ya bana. Bozala na losambo. Molimo ekoki kofula bino na makanisi ya kosalisa bango bayekola nsango malamu ya Yesu Klisto.

Ntango bozali komilengela mpo na koteya, bokoki kozwa bofuli mosusu na kotalaka makanisi ya koteya na mokanda oyo. Liteya moko na moko na Yaka, Landa Ngai—Mpo na Ndako mpe Eklezia ezali na eteni moko babengi “Makanisi mpo na Koteya Bana.” Bokanisa mpo na makanisi oyo lokola makanisi epesami mpo na kotindika bofulami na bino. Boyebi bana na kelasi na bino ya Eteyelo ya bana—mpe bokoya koyeba bango kutu malamu ntango bozali kosolola elongo na bango na kelasi. Nzambe ayebi bango nyonso mpe, mpe Ye akofula bino na lolenge ya malamu koleka mpo na koteya mpe kopambola bango.

Bana kati na kelasi na bino bakoki kosila kosala milulu misusu na Yaka, Landa Ngai elongo na mabota na bango. Ezali MALAMU. Kobandela ezali malamu. Bokanisa kobengisa bana bakabola elongo na moko na mosusu maye bayekolaki na ndako. Bosengeli lisusu kobongisa banzela mpo ete bana basala elongo ata kutu soki bango bazali koyekola na ndako te. Bana bayekolaka bosolo ya nsango malamu mingi koleka ntango bosolo eteyami mbala na mbala na nzela ya milulu ekeseni. Soki bomoni ete molulu ya boyekoli ezali malamu mpo na bana, bokanisa kobandela yango, mingimingi soki bozali koteya bana mike.

Na basanza oyo ezali ba baeyenga mitano, bateyi ya Eteyelo ya bana balendisami mpo na kosombitina mateya ya Yaka, Landa Ngai oyo ezali na manaka ya eyenga ya mitano na lisano moko to mingi ya milulu oyo ya koyekolela na“Bobakisi B: Mpo na Eteyelo ya Bana—Kolengelaka Bana mpo na Bomoi na Nzela ya Liyokani na Nzambe.”