Makanisi mpo na Kobutisa Koteya na Ndako mpe na Eklezia

Ntango bozali koyekola nsango malamu ya Mobikisi na ndako mpe na Eklezia, bokanisa mituna oyo elandi:

• Lolenge nini bokoki kobengisa Molimo kati na boyekoli na bino?

• Lolenge nini bokoki koyekama likolo ya Mobikisi na boyekoli na bino?

• Lolenge nini bokoki kozwa litomba ya bangonga ya boyekoli ya mikolo nyonso?

• Lolenge nini bokoki kolendisa bato ya libota mpe bato ya kelasi bayekola makomi na bango moko mpe bakabola maye bazali koyekola?

Oyo ezali mwa banzela ya pete mpo na kokolisa boyekoli na bino ya liloba ya Nzambe.

Bosambela mpo ete bofulama na Molimo.

Makomi ezali liloba ya Nzambe, boye bosenga Ye lisalisi mpo na kososola yango.

Boluka Bosolo etali Yesu Klisto

Biloko nyonso etatolaka Klisto (tala 2 Nefi 11:4; Mose 6:63), boye bokanisa kokoma to kotiaka bilembo na milongo oyo etatoli Mobikisi, bokomisa misisa ya bolingo na bino mpo na Ye mozindo, mpe boteya lolenge nini kolanda Ye. Ntango mosusu bosolo etali Mobikisi mpe nsango malamu na Ye elobami mbala moko, mpe ntango mosusu etalisami na nzela ya ndakisa to lisolo. Mituna, “Bosolo nini ya seko eteyami kati na milongo oyo? Nini bosolo oyo eteyi ngai na ntina ya Mobikisi?”

Yokela Molimo

Tia bokebi na makanisi mpe mayoki na yo, atako soki etali makambo oyo ozali kotanga te. Mayoki oyo ekoki kozala maye Tata na yo ya Lola alingi yo oyekola.

Koma makanisi na yo

Ezali na banzela mingi ya kokoma makanisi oyo ekoya ntango ozali kotanga. Ndakisa, okoki komona ete maloba mpe biteni ya maloba mosusu na makomi ezali kokamwisa yo, okoki kotia yango elembo mpe kokoma makanisi na yo lokola litangi moko na makomi na yo. Okoki lisusu kobomba zulunale moko ya boyebi, mayoki, mpe makanisi ozali kozwa.

kabola maye ozali koyekola elongo na basusu.

Kososola boyebi uta na boyekoli na yo moko ezali nzela moko malamu mpo na koteya basusu, mpe ezali lisusu kosalisa na kolendisaka bososoli na yo ya oyo otangi. Kabola maye ozali koyekola elongo na bato ya libota mpe baninga (na miso na miso to na nzela ya masini), mpe bengisa bango basala ndenge moko.

Mekolisa makomi na bomoi na yo

Kanisa lolenge nini masolo mpe mateya ozali kotanga esalelami na bomoi na yo. Ndakisa, okoki komituna, “Boyebi nini nazwi oyo ekokani na maye nazali koyekola?”

Tuna Mituna ntango ozali koyekola

Ntango ozali koyekola makomi, mituna ekoki koya na makanisi. Mituna oyo ekoki kotala oyo ozali kotanga to bomoi na yo na mbala mingi. Manyola mituna oyo mpe luka biyano ntango ozali kokoba koyekola makomi.

Kosalela masungi ya boyekoli makomi

Mpo na kozwa boyebi ya kobakisa na kati ya milongo ozali kotanga, salela matangi na nse ya lokasa, Bokambi na Masolo, Dikisionele ya Biblia, Bokambi na Makomi, mpe masalisi masusu mpo na boyekoli.

Talela likanisi ya makomi

Okoki kozwa boyebi ya makambo oyo ezali na ntina monene mpo na oyo etali litangi moko ya makomi ntango otali nyonso ezingi makomi yango, lokola makambo to esika ebandaki. Ndakisa, koyebaka makambo ya kala mpe boyambi ya bato Nzambe alobaki na bango ekoki kosunga yo kososola malamu mingi ntina ya maloba na Ye. Okoki koyekola etali yango na Saints, Revelations in Context, biteni ya mito na Malongi mpe Mayokani, mpe mikanda misusu.

Yekola maloba ya baprofeta mpe bapostolo ya mikolo mya nsuka

Tanga oyo baprofeta mpe bapostolo ya mikolo mya nsuka bateyaki na ntina ya mabongisi ozwi na makomi.

Salela maye ozali koyekola

Boyekoli ya makomi esengeli bobele kofula biso te kasi lisusu kokamba biso na kobongola lolenge tozali kotambwisa bomoi. Yoka nini Molimo azali kolobela yo na mongongo moke osala ntango ozali kotanga, mpe nsima salela botindiki yango.

Salela miziki

Nzembo epesameli makanisi mpe nzembo ya bana ezwami na Yaka, Landa Ngaimobimba. Salela miziki ya bule mpo na kobengisaka Molimo mpe kopesa mozindo na bondimi mpe litatoli na yo ya bosolo ya nsango malamu.

Kanga makomi na moto

Pona eteni ya makomi oyo ezali ntina mpo na yo, libota na yo, to kelasi na yo, mpe kanga yango na moto na kozongelaka yango mokolo na mokolo to kosalaka lisano ya kokanga na moto.

Kabola mateya ya ndakisa

Zwa biloko oyo ekokani na mikapo mpe milongo oyo ozali kotanga. Kanisa lolenge nini eloko moko na moko ekokani na mateya kati ya makomi.

Yema, zwa, to kamata elilingi

Tanga mwa milongo mike, mpe nsima yema eloko moko oyo ekokani na oyo ozali kotanga To okoki koluka elilingi na kati ya Gospel Art Book to esika mosusu na Gospel Library. Okoki lisusu kozwa elilingi oyo ezali kolakisa maye oyekolaki.

Sala teyatele ya lisolo moko

Nsima ya kotanga lisolo, bengisa bato ya libota to ya kelasi basala lisano yango. Nsima, osolola na ntina ya lolenge nini lisolo ekokani na biloko oyo ozali kokutana na yango.

Zala ya polele na ndako

Soki ozali na bato ya libota oyo bazali na bolingi ya kozala na boyekoli makomi na libota te, luka banzela misusu ya kosangana na bango. Ndakisa, okoki kokabola bosolo ya seko na lolenge ya pete na masolo na bino to kokabola makomi ya ntina na lolenge oyo emonisami lokola koteya to kokonza te? Boyekoli makomi esengeli te kozala lolenge moko na mabota nyonso. Bana basusu bakoki koyanola malamu na boyekoli makomi moko na moko. Bosambelaka mpe bolandaka botindiki ya Molimo.

Mayangani ya masanga ya bateyi mpo na baboti. Soki bolingi lisalisi mosusu na makasi na bino ya koteya bana na bino, botala soki palwasi na bino ezali kosala mayangani ya masanga ya bateyi mpo na baboti (tala buku Monene ya Mitindo, 17.5). Mayangani oyo ezali libaku mpo na baboti basala lisanga mpe bayekola elongo etali lolenge nini ya kobutisa boteyi na bango. Bakoki kolobela mabongisi oyo ezali na Koteya na Lolenge ya Mobikisi, makanisi likolo ya nkasa oyo mpo na bobutisi boyekoli makomi na libota, mpe makanisi ya boyekoli mpe boteyi ezwami na Yaka, Landa Ngaimobimba.