Sanza ya Mitano 5–11: “Bilaka … Ekokokisama”

Malongi mpe Mayokani 45

Emoniseli kati na eteni 45 ezwamaki, engebene na eteni ya moto, “mpo na bosepeli ya Basantu.” Mpe ezali na mingi ya kozala ya kosepela na yango kati na emoniseli oyo. Kati na yango Mobikisi apesi elaka na Ye ya boboto mpo na kosambela mpo na biso liboso ya Tata (tala milongo 3–5). Alobeli boyokani na Ye ya seko kopalanganaka na mokili mobimba, lokola “ntoma … kolengela nzela liboso na [Ye]” (molongo 9). Mpe Asakoli na ntina ya Boyei na Ye ya Mibale ya nkembo. Mobikisi asali nyonso ntango oyo lisusu koyebaka ete ezali bantango ya mobulu (tala molongo 34), na ndambo mpo na makama oyo esengeli kosalama liboso ya boyei na Ye. Kasi likama yango, molili yango ezali makasi te kokoka koboma pole ya elikya. “Na makasi nalobi na bino,” Nkolo alobaki, “ete nazali … pole oyo ezali kongenga na molili” (molongo 7). Bobele yango ezali ntina ya kozwa emoniseli—elongo na toli mpe makebisi mpe bosolo Ye alingi kopesa—na esengo.

Makanisi mpo na koteya na Ndako mpe na Eklezia

Malongi mpe Mayokani 45:1–5

Yesu Klisto azali Molobeli na ngai epayi ya Tata.

Ntango tomiyoki tokoki te to tobongi te liboso ya Nzambe, tokoki kozwa bondimisi uta na maloba ya Mobikisi kati na Malongi mpe Mayokani 45:1–5. Ntango ozali koluka milongo oyo, talela mituna lokola oyo:

• Maloba to biteni ya maloba kati ya milongo oyo ezali mingimingi koyokana ntina mpo na yo?

• Molobeli azali moto moko oyo na polele azali kosunga to kopesa toli na moto to na likambo moko. Engebene na milongo oyo, lolenge nini Yesu Klisto akosalaka yango mpo na yo? Nini elongisi Ye asala yango?

• Nini ekamwisi yo na oyo etali maloba ya Mobikisi epayi na Tata? (milongo 4–5).

Okoki lisusu koyekola nini na oyo Mpaka Dale G. Renlund ateyaki etali Yesu Klisto, Molobeli na biso, kati na “Choose You This Day [Bopona Mokolo Oyo]” (Liahona, Sanza ya zomi na moko. 2018, 104–5). Engebene na Mpaka Renlund, lolenge nini ezali ntina ya Mobikisi kokokanisa na oyo ya Lusifelo?

Milongo ya makomi milandi ekoki kobakisa na bososoli na bino ya mosala ya Mobikisi lokola Molobeli. Ntango ozali kotanga yango, kanisa kokoma maloba to babosolo okoki kokabola na basusu: 2 Nefi 2:8–9; Mozia 15:7–9; Moroni 7:27–28; Malongi mpe Mayokani 29:5; 62:1. Mpo na nini maloba oyo ezali motuya epayi na yo?

Tala lisusu “I Stand All Amazed [Natelemi ya Kokamwa Nyonso],” Nzembo, no. 193; Mitu ya likambo mpe Mituna,“Bomikabi ya Yesu Klisto,” Gospel Library; “The Mediator” (video), Gospel Library.

The Mediator

Malongi mpe Mayokani 45:9–10

Nsango malamu ezali bendele mpo na bikolo.

Na ntango ya kala, bendele ezalaki musuale to dalapo oyo bazalaki komema na etumba oyo bazalaki kosalela mpo na kosangisa mpe kokomisa bomoko mampinga. Bendele ezali lisusu ndakisa to mobeko oyo bakoki komeka biloko mosusu na yango. Ntango ozali kotanga Malongi mpe Mayokani 45:9-10,, manyola lolenge nini mayokani na yo na Nkolo ezalaki bendele to emekiseli mpo na yo.

Malongi mpe Mayokani 45:11–75

Yesu Klisto Akozonga na nkembo.

Boyei ya mibale ya Nkolo elimbolami lokola nyonso mibale “monene” mpe “ya kokamwisa” (Malaki 4:5). Kati na Malongi mpe Mayokani 45, bolimboli nyonso mibale ezali komonana ya kokokana. Emoniseli oyo esangisi nyonso mibale makebisi ya bososoli mpe bilaka ya elikya etali boyei ya Nkolo. Ntango ozali koyekola milongo 11–75, manyola lolenge nini okoki komilengela na Boyei ya Mibale na kondima na Klisto na esika ya bobangi. Koma nini ozwi na etando lokola oyo:

Lisakoli to elaka	Nini nakoki kosala
Lisakoli to elaka Pole (nsango malamu) ekokomela baoyo bafandi na molili (molongo 28)	Nini nakoki kosala Zwa pole—mpe kabola yango (molongo 29)
Lisakoli to elaka	Nini nakoki kosala
Lisakoli to elaka	Nini nakoki kosala
Lisakoli to elaka	Nini nakoki kosala

Kati na video “Men’s Hearts Shall Fail Them” (Gospel Library), toli nini Mokambi Russell M. Nelson apesi mpo na kosalisa biso tolonga makambo ya bobangi na kimia?

Men's Hearts Shall Fail Them

Malongi mpe Mayokani 45:31–32, 56–57

Nakoki “kotelema na bisika esantu” mpe koningana te.

Oyekoli nini na kati ya Malongi mpe Mayokani 45:31–32, 56–57 na ntina ya bomilengeli mpo na boyei ya Nkolo? “Bisika bisantu” na bino ezali nini? Elingi koloba nini “koningana te”? Lolenge nini okoki kokomisa esika ozali esantu Koleka?

Yeba ete Nkolo alobelaki lisese ya baseka zomi, kokokanisaka mafuta na bango na kati ya lisese na bosolo mpe Molimo Mosantu. Kanisa kotanga lisese kati na Matai 25:1–13 na yango kati na makanisi. Boyebi ya mozindo nini ozwi?

Tala lisusu David A. Bednar, “If Ye Had Known Me [Soki Boyebaki Ngai],” Liahona, Sanza ya zomi na moko. 2016, 102-5.

Lisese ya Baseka Zomi,, na Dan Burr

Malongi mpe Mayokani 45:11–15, 66–71

Siona ezali esika ya bokengi mpo na Basantu ya Nzambe.

Basantu na ntango ya Joseph Smith bazalaki na mposa ya kotonga Siona, Yelusaleme ya Sika (tala Etele 13:2–9; Mose 07:18, 62–64). Oyekoli nini na ntina ya Siona—nyonso mibale engumba ya mikolo ya kala ya Enoka mpe engumba ya mikolo ya nsuka—uta na Malongi mpe Mayokani 45:11–15, 66–71? Lelo motindo ya kotonga Siona etali botongi bokonzi ya Nzambe esika nyonso tozali kobika. Nini okoki kosala mpo na kotonga Siona esika nyonso ozali?

Makanisi mpo na Koteya Bana

Malongi mpe Mayokani 45:3–5

Yesu Klisto azali Molobeli na ngai epayi ya Tata.

• Bokoki kolinga kosunga bana na bino basosola ete molobeli azali moto moko oyo asungaka moto mosusu. Nsima, bokoki kolobela oyo etali bandakisa ya kozala molobeli oyo bakoki kozala komesana na yango (lokola kotelema mpo na moninga moko). Ntango bozali kotanga Malongi mpe Mayokani 45:3-5, elongo, bosalisa bana na bino bayeba nani azali Molobeli na biso mpe lolenge nini Ye asalisaka biso.

Malongi mpe Mayokani 45:32

Nakoki “kotelema na bisika bisantu.”

• Ekoki kozala lisano malamu na kotiaka bilili ya ndako, ya etonga ya Eklezia, mpe tempelo na kati ya ndako. Nsima bokoki kopesa bana na bino bilembo oyo ezali kolimbola bisika yango mpe kobengisa bango batelema penepene ya elilingi ozali kolakisa. Bosenga bango batelema kino ntango bokotanga molongo ya yambo wuta na Malongi mpe Mayokani 45:32. Bisika bisantu nini mosusu Nzambe apesi biso? Bosalisa bana na bino basosola ete “kotelema na bisika bisantu, mpe … koningana te” elakisi kopona bosembo na ntango nyonso, atako nini ekomi. Lolenge nini tokoki kosala ete libota na biso ezala esika esantu koleka?

Malongi mpe Mayokani 45:9

Nsango malamu ya Yesu Klisto ezali bendele mpo na mokili.

• Bokoki kolimbola na bana na bino ete ntango ya kala, bendele ezalaki musuale to dalapo oyo bazalaki komema na etumba. Esalisaki basoda bayeba esika nini bakosangana mpe nini bakosala. Botanga elongo Malongi mpe Mayokani 45:42, mpe boluka ndenge Nsango malamu ezali lokola dalapo. Bana na bino bakoki kosepela kosala bendele to emekiseli ya bangomei na kobakisaka bilili to maloba oyo ezali kolakisa mayoki na bango na ntina ya Mobikisi.

Nsango malamu ezali lokola bendele, to elembo to dalapo.

Malongi mpe Mayokani 45:44–45

Yesu Klisto akoya lisusu.

• Bobebisi oyo ekoya yambo ya Boyei ya Mibale ya Yesu Klisto ekoki kobangisa bana. Kotalisa bango epayi ya Yesu Klisto ekoki kosalisa bango bakende liboso na bondimi! Bokanisa kobengisa bango bakanisa oyoetali lolenge nini bamiyokaka ntango moto moko ya malonga azali koya kotala bango, lokola nkoko to moninga. Lolenge nini bamilengelaka mpo na boyei ya mopaya? Nsima bokoki kolakisa bilili ya Mobikisi mpe botanga Malongi mpe Mayokani 45:44-45. Bokabola moko na mosusu lolenge nini boyokaka na oyo etali boyei ya Mobikisi.

• Mpo na kosalisa bana na bino bayoka esengo na Boyei ya Mibale ya Mobikisi, bokoki kokoma na eteni ya lokasa mwa bilaka ya elikya euti na eteni 45 (tala, ndakisa, milongo 44–45, 51–52, 55, 58–59, 66–71). Boesa bana na bino lokasa ya papier mpe botuna bango batombola maboko na bango ntango elaka basimbi etangami ntango bozali kotanga milongo. Bosolola nini bilaka oyo elingi koloba. Bokoki lisusu koyemba elongo na bana na bino loyembo etali Boyei ya Mibale ya Mobikisi, lokola “When He Comes Again [Ntango Akoya Lisusu]” (Children’s Songbook, 82– 83).

Bosalisa bana bayeba Molimo. Ntango bozali koteya bana na bino, boyebisa bango ntango boyoki Molimo Mosantu. Bosolola oyo etali ya lolenge nini boyebaka nguya na Ye. Ndakisa, bokoki koyoka kimia to esengo ntango bozali koyemba loyembo etali Mobikisi.

Mpo na makanisi mingi, botala nsango ya sanza oyo na magazini ya Moninga .

Boyei ya Mibale, na Harry Anderson