Esika ya Likitaa, na Worthington Whittredge

Sanza ya mitano 12–18: “Boluka na Bosolo Mpenza Makabo ya Malamu Koleka Nyonso”

Malongi mpe Mayokani 46–48

Ntango Parley P. Pratt, Oliver Cowdery, Ziba Peterson, mpe Peter Whitmer Jr. balongwaki na Kirtland mpe bakobaki na koteya nsango malamu, batikaki bandimi ya sika ya Eklezia oyo bazalaki na molende mingi kasi mayele to bokambi moke koleka monkama. Bazalaki na babuku ya malako te, makita ya boyekoli bokambi ezalaki te, bazalaki mpe na makoki mpo na kopanza nsango ya likita linene te—solo, bakopi ya Buku ya Mormon ezalaki kutu mingi te mpo na kokabola. Mingi ya bandimi oyo ya sika balandaki nsango malamu ezongisama na elaka ya kozwa mamonisi kitoko ya Molimo, mingimingi maye elimbolama na boyekoli ya Boyokani ya Sika (tala, ndakisa, 1 Bakolinti 12:1–11). Kasi ebele bamonaki yango mpasi mpo na kososola mamonisi ya Molimo. Komonaka mobulungano yango, Joseph Smith asambelaki mpo na kozwa lisalisi. Eyano ya Nkolo ezali mpe na motuya na mikolo ya lelo, ntango bato babwakisaka to baboyaka mbala mingi makambo ya Molimo. Andimisaki lisusu ete bimoniseli ya molimo ezali ya solo. Ye atalisaki polele oyo yango ezali: makabo kowuta na Tata ya bolingo na Lola, “epesameli mpo na litomba ya baoyo balingaka [Ye] mpe babombaka mitindo na [Ye] nyonso, mpe bato oyo bazali koluka kosala bongo” (Malongi mpe Mayokani 46:9).

Makanisi mpo na koteya na Ndako mpe na Eklezia

Malongi mpe Mayokani 46:1–7

Mobikisi ayambaka banso oyo balingi kokumbamela na Eklezia na Ye.

Okanisa ete baninga na yo mpe bato ya nzinganzinga na yo bamiyokaka ete bayambami malamu na misala ya kokumbamela na palwasi na yo? Osalaka nini mpo na kosala ete bisika ya makita na yo ya Eklezia ezala bisika oyo bato balingaka kozongela lisusu? Manyola lolenge nini okoki kosalela toli ya Nkolo na Malongi mpe Mayokani 46:1–7 (tala lisusu 2 Nefi 26:24–28; 3 Nefi 18:22–23).

Okoki lisusu kokanisa oyo etali ntango ozalaki na kati ya milulu ya Eklezia—to likita ya lingomba mosusu—mpo na mbala ya liboso. Bato basalaki nini mpo na kosalisa yo omiyoka ete bayambi yo malamu?

Tala lisusu Moroni 6:5–9; “’Tis Sweet to Sing the Matchless Love [’Ezali Esengo Koyemba Bolingo oyo Ekokani na Mosusu te],” Hymns, no. 177; (video) “ya Boyambi”, Gospel Library.

Welcome | Comeuntochrist.org

Malongi mpe Mayokani 46:7–33

Tata na Lola apesi ngai makabo ya molimo mpo na kopambola basusu.

Basantu ya ebandeli bandimaki makabo ya molimo kasi bazalaki na mposa ya mwa lisalisi mpo na koyeba yango mpe kososola ntina na yango. Ntango ozali koyekola oyo etali makabo ya Molimo na Malongi mpe Mayokani 46:7–33, manyola ntina mpo na [oyo] epesameli” (molongo 8). Oyekoli nini oyo etali Nzambe?—mopesi ya makabo yango?

Okoki kokanisa bandakisa ya bato oyo basalelaka makabo oyo to makabo misusu ya molimo? Lolenge nini bazwaki “litomba na bana ya Nzambe”? (verse 26). Okoki mpe komona soki okoki koyeba bandakisa ya makabo ya molimo ndenge na ndenge na makomi lokola oyo: 1 Mikonzi 3:5–15; Daniele 2:26–30; Misala 3:1–8; Elamani 5:17–19; Mormon 1:1–5; Etele 3:1–15; Malongi mpe Mayokani 6:10–12; Mose 7:13.

Boyekoli na yo ya makabo ya molimo ekoki komema yo na komanyola makabo nini Nzambe apesi yo. Lolenge nini okoki kosalela makabo oyo mpo na kopambola bana na Ye? Soki ozali na lipamboli ya bonkoko, yango ezali solo kokitola makabo oyo epesameli yo. Kotanga nsango ya Mpaka John C. Pingree Jr. “Nazali na Mosala Mpo na Yo” ekokaki mpe kofungola makanisi na yo mpo na makabo oyo okanisaki te (Liahona, Sanza ya zomi na moko 2017, 32–35).

Soki olingi koyeba oyo etali lolenge nini kokolisa makabo ya molimo, bokokanisi na ebandeli ya nsango ya Mpaka Juan Pablo Villar “Exercising Our Spiritual Muscles [Kolendisa Misisa na Biso ya Molimo]” ekokaki kosalisa (Liahona, Sanza ya mitano 2019, 95). “Momesano” nini ekoki kosalisa yo okolisa makabo na yo ya molimo?

Tala lisusu Gospel Topics, “Holy Ghost [Molimo Mosantu],” Gospel Library.

Malongi mpe Mayokani 47

Nkolo alingi Eklezia na Ye ebombaka mambi ya kala.

Libiangi ya John Whitmer ya kobomba mambi ya kala ya Eklezia ekobaki momeseno ya kala ya mobateli mikanda kati na bato ya Nzambe. Mpo na nini okanisi ete kobombaka mambi ya kala ezali mpenza ntina epayi ya Nkolo? Manyola yango ntango ozali kotanga eteni 47, lokola mpe malako ya lolenge moko na 2 Nefi 29:11–12; Mose 6:5; Abalayama 1:28, 31. Nini okanisi Nkolo alingi okoma oyo etali bomoi na yo?

Na FamilySearch, okoki kokoma makundoli mpe makambo oyo okutanaki na yango uta na bomoi na yo—mpe bomoi ya bankoko na yo (tala FamilySearch.org).

Tala Henry B. Eyring, “O Remember, Remember [O Bomikundola, Bomikundola],” Liahona, Sanza ya zomi na moko. 2007, 66–69.

John Whitmer

Malongi mpe Mayokani 47

Molimo Mosantu akoki kotambwisa ngai ntango nazali kokokisa libiangi na ngai.

Mbala mosusu okoki kozala na boyokani na oyo John Whitmer ayokaki ntango alingaki bondimisi ete libiangi na ye ewutaki na Nzambe. Nkolo alobaki nini na Malongi mpe Mayokani 47 na John Whitmer—mpe na yo—mpo na kofula elikya na kokokisa mabiangi Ye apesaka?

Mosala ya molakisi. Koteya ezali mingi koleka kolakisa makambo. Esangisi kokela esika wapi bandimi ya kelasi bakoki koyekola mpe kozwa bosolo mpo na bango moko mpe kokabola maye bayekolaki bango na bango (tala Koteya na Lolenge ya Mobikisi, 26).

Makanisi mpo na Koteya Bana

Malongi mpe Mayokani 46:2–6

Nakoki kosalisa basusu bamiyoka ete bayambami malamu na eklezia.

• Nsima ya kotanga Malongi mpe Mayokani 46:5 elongo na bana na bino, bolobela lolenge nini Mobikisi alingi bato bayoka ntango bakoya na Eklezia na Ye. Bobengisa bana na bino bakanisa ete bamonaki moto moko na ndakonzambe mpo na mbala ya yambo. Bosalisa bango bamesana ndenge ya kosalisa moto oyo ayoka ete bayambi ye malamu.

Malongi mpe Mayokani 46:7–26

Tata na Lola apesi ngai makabo ya molimo mpo kopambola basusu.

• Mpo na kosalisa bana na bino bayekola oyo etali makabo ya molimo elimbolami na Malongi mpe Mayokani 46:13–26, talela likanisi oyo. Okoki kokoma makabo yango na biteni ya nkasa mpe kobomba yango zingazinga ya kisuku. Ntango bana na bino bazali kozwa lokasa moko na moko, bosalisa bango baluka esika oyo likabo yango elobelami na eteni 46. Mpo na likabo moko na moko, solola na bango oyo etali lolenge nini esalelami mpo na kopambola basusu (ndimbola na “Mokapo 20: Makabo ya Molimo,” na Masolo ya Malongi mpe Mayokani, 77–80, ekoki kosalisa).

  Chapter 20: Gifts of the Spirit: 8•March 1831

• Boebisa bana na bino oyo etali makabo oyo boyoki Tata na Lola apesi bango, mpe botika bango balobela makabo oyo bamoni kati na moko na mosusu. Engebene na Malongi mpe Mayokani 46:8-9, 26, mpo na nini Tata na Lola apesaka biso makabo ya molimo? Lolenge nini ekoki biso kosalela makabo na biso mpo na kosalisa basusu?

Malongi mpe Mayokani 47:1, 3

Nakoki kokoma mambi na ngai ya kala.

• Botika bana na bino bayeba nini Nkolo alingaki John Whitmer asala na Malongi mpe Mayokani 47:1, 3. Bokoki mpe kokabola moko na mosusu masolo bolingaka mingi uta na makomi. Boloba ete toyebi masolo yango mpo ete moto moko akomaki yango.

• Botala ndenge bokoki kofula bana na bino mpo na kokoma masolo na bango moko. Bokoki kokabola mwa makomi uta na zulunale na bino moko to lisolo moko oyo elobeli nkoko moko (tala FamilySearch.org to the Memories app). Bokoki kokoma na zulunale, makanisi oyo eyaka na mituna lokola “Nini esalemaki na poso oyo, oyo bokolinga ete bankoko na bino bayeba yango?” to “Lolenge nini bomonaki loboko ya Nkolo na bomoi na bino na poso oyo?” Bilenge bana bakoki koyema bililingi ya mayele na bango, to bokoki kokoma yango na kobetaka masolo na bango. Mapamboli nini eyaka uta na kobatela “mambi ya kala mbala na mbala”? (Malongi mpe Mayokani 47:1).

Malongi mpe Mayokani 48:2–3

Nakoki kosalisa basusu na kokabolaka oyo bapesi ngai.

• Ntango bozali kotanga Malongi mpe Mayokani 48:2–3 elongo na bana na bino, bokoki kozala na mposa ya kolimbola ete bato bazalaki koya na Ohio uta na Esiti, mpe bazalaki na esika ya kofanda te. Nini Nkolo asengaki Basantu basala mpo na kosalisa? Bosalisa bana na bino bakanisa makambo oyo Nzambe apesi bango oyo bakoki kokabola na bato mosusu. Bokoki lisusu koyemba elongo na bango loyembo lokola “‘Give,’ Said the Little Stream [‘Pesa,’ Elobaki Ebale Moke]” (Children’s Songbook, 236).

Mpo na makanisi mingi, botala nsango ya sanza oyo na magazini ya Moninga .

Baoyo nyonso balingi kokumbamela Mobikisi bayambami na makita ya Basantu na Ye.