NgoMeyi 5–11: “Izethembiso … Ziyogcwaliseka”

IMfundiso neziVumelwano 45

Isambulo esigabeni 45 yamukelwe, ngokwesihloko sesigaba, “enjabulweni yabaNgcwele.” Futhi kuningi okumele sikujabulele kulesi sambulo. Kuso uMsindisi unikeza isithembiso Sakhe esithambile sokusinxusela phambi kukaBaba (bheka amavesi 3–5). Ukhuluma ngesivumelwano Sakhe saphakade esisabalala emhlabeni wonke, “njengesithunywa … ukulungisa indlela ngaphambi [Kwayo]” (ivesi 9). Futhi Uyaprofetha ngoKuza Kwesibili Kwakhe okumangalisayo. UMsindisi wenza konke lokhu ngenkathi evuma futhi ukuthi lezi yizikhathi ezinzima (bheka ivesi 34), ngenxa yezingozi eziyokwenzeka ngaphambi kokufika Kwakhe. Kodwa leyo ngozi, lobo bumnyama abunamandla ngokwanele ukucisha ukukhanya kwethemba. “Ngokuba ngiqinisile ngithi kini,” yamemezela iNkosi, “ngingu … kukhanya okukhanye ebumnyameni” (ivesi 7). Lokho kukodwa kuyisizathu sokuwamukela lesi sambulo—nanoma yisiphi iseluleko nezixwayiso kanye neqiniso Afuna ukukunikeza—ngenjabulo.

Amasu okuFunda Ekhaya naseBandleni

IMfundiso neziVumelwano 45:1–5

UJesu Kristu unguMmeli wethu kuBaba.

Uma sizizwa singanele noma singafaneleki phambi kukaNkulunkulu, singathola induduzo emazwini oMsindisi kwiMfundiso neziVumelwano 45:1–5. Njengoba uphenya lamavesi, cabanga imibuzo efana nalena:

• Yimaphi amagama noma imishwana kulamavesi ezwakala inencazelo ngokukhethekile kuwe na?

• Ummeli ngumuntu oweseka esidlangalaleni noma oncoma umuntu noma imbangela. Ngokwalamavesi, uJesu Kristu ukwenzela kanjani lokhu na? Yini Elimnika igunya kokuwenza na?

• Yini ekumangazayo ngamazwi oMsindisi kuBaba na? (amavesi 4–5).

Ungafunda futhi okwafundiswa iGosa uDale G. Renlund ngoJesu Kristu, uMmeli wethu, kwi-“Choose You This Day” (iLiyahona, ngoNov. 2018, 104–5). NgokweGosa uRenlund, injani inhloso yoMsindisi uma iqhathaniswa nekaLusifa na?

Iziqephu ezilandelayo zingangeza ekuqondeni kwakho indima yoMsindisi njengoMmeli. Ngesikhathi uzifunda, cabanga ngokubhala phansi imishwana noma amaqiniso ongabelana nawo nabanye: 2 uNefi 2:8–9; uMosiya 15:7–9; uMoroni 7:27–28; IMfundiso neziVumelwano 29:5; 62:1. Kungani lemishwana ibalulekile kuwe na?

Bheka futhi “I Stand All Amazed,” Hymns, no. 193; Topics and Questions, “Atonement of Jesus Christ,” Umtapo Wolwazi Wevangeli; “The Mediator” (ividiyo), Umtapo Wolwazi Wevangeli.

The Mediator

IMfundiso neziVumelwano 45:9–10

Ivangeli liyisibonelo sezizwe.

Endulo, indinganiso kwakuyindwangu eyayihanjiswa empini isetshenziselwa ukuqoqa nokuhlanganisa amabutho. Indinganiso kungaba wumthetho ezinye izinto ezingalinganiswa nawo. Ngesikhathi ufunda IMfundiso neziVumelwano 45:9–10, ake uzindle ngokuthi ngabe izivumelwano zakho neNkosi zibe kanjani isibonelo kuwe.

IMfundiso neziVumelwano 45:11–75

UJesu Kristu uzobuya ngenkazimulo.

UKuza KwesiBili kweNkosi kuye kwachazwa “njengokukhulu” kanye “nokwesabekayo” (UMalaki 4:5). KwiMfundiso neziVumelwano 45, zombili izincazelo zibonakala zifanelana. Lesi sambulo sihlanganisa kokubili izexwayiso eziphusile kanye nezithembiso ezinethemba ngokuza kweNkosi. Ngesikhathi ufunda amavesi 11–75, zindla ukuthi ungazilungiselela kanjani uKuza kwesiBili ngokholo kuKristu kunokwesaba. Ungahlela okokutholayo etafuleni elifana naleli:

Isiprofetho noma isethembiso	Engingakwenza
Isiprofetho noma isethembiso Ukukhanya (ivangeli) kuzoza kulabo abahleli ebumnyameni (ivesi 28)	Engingakwenza Yamukela ukukhanya—futhi wabelana ngako ( (ivesi 29)
Isiprofetho noma isethembiso	Engingakwenza
Isiprofetho noma isethembiso	Engingakwenza
Isiprofetho noma isethembiso	Engingakwenza

Kwividiyo “Men’s Hearts Shall Fail Them” (Umtapo Wolwazi Wevangeli), isiphi iseluleko uMongameli uRussell M. Nelson asinikeza ukuze asisize sibhekane nezimo ezesabekayo ngokuthula na?

Men's Hearts Shall Fail Them

IMfundiso neziVumelwano 45:31–32, 56–57

Ngiyakwazi “ukuma ezindaweni ezingcwele” futhi ninganyakaziswa.

Ufundani kwiMfundiso neziVumelwano 45:31–32, 56–57 ngokulungiselela UKuza kwesiBili kweNkosi na? Yiziphi izindawo zakho “ezingcwele” na? Kusho ukuthini “ukunganyakaziswa” na? Ungenza kanjani ukuthi kubengcwele lapho ukhona na?

Qaphela ukuthi iNkosi ikhulume ngomfanekiso wezintombi ezilushumi, Iqhathanisa amafutha kulomfanekiso neqiniso noMoya oNgcwele. Cabanga ngokufunda lomfanekiso kuNgokukaMathewu 25:1–13 unalokho emqondweni. Ngabe yimaphi amanye amaqiniso owatholayo na?

Bheka futhi uDavid A. Bednar, “If Ye Had Known Me,” iLiyahona, ngoNov. 2016, 102–5.

Umfanekiso Wezintombi Ezilishumi, nguDan Burr

IMfundiso neziVumelwano 45:11–15; 66–71

ISiyoni yindawo yokuphepha kwabaNgcwele baNkulunkulu.

AbaNgcwele besikhathi sikaJoseph Smith babenogqozi lokwakha iSiyoni, iJerusalema Entsha (bheka u-Etere 13:2–9; uMose 7:18, 62–64). Ngabe yikuphi okufundayo ngeSiyoni-edolobheni lakudala lezinsuku zika-Enoshe kanye nedolobha lezinsuku zokugcina—okukhulunywa ngalo kwiMfundiso neZivumelwano 45:11–15, 66–71? Namuhla umyalo wokumisa iSiyoni ubhekisele ekumiseni umbuso kaNkulunkulu nomaphi lapho sihlala khona. Yikuphi ongakwenza ukusiza ukwakha iSiyoni lapho ukhona na?

Amasu okuFundisa Abantwana

IMfundiso neziVumelwano 45:3–5

UJesu Kristu unguMmeli wami kuBaba.

• Ungase uthande ukusiza izingane zakho ziqonde ukuthi ummeli ngumuntu oweseka omunye umuntu. Bese ningakhuluma ngezibonelo zokuba ummeli okungenzeka ukuthi bajwayelene nazo (njengokumela umngani). Ngesikhathi ufunda IMfundiso neziVumelwano 45:3–5 ndawonye, siza izingane zakho ukuba zazi ukuthi ungubani uMmeli wethu futhi nokuthi Usisiza kanjani.

IMfundiso neziVumelwano 45:32

Ngiyakwazi “ukuma ezindaweni ezingcwele.”

• Kungajabulisa ukubeka izithombe zekhaya, indlu yeBandla, kanye nethempeli egumbini. Ngemva kwalokho unganikeza izingane zakho imikhondo echaza lezi zindawo futhi uzimeme ukuba zime eduze nesithombe osichazayo. Uzicele ukuthi zime zinganyakazi ngesikhathi ufunda umugqa wokuqala kwiMfundiso neziVumelwano 45:32. Yiziphi ezinye izindawo ezingcwele uNkulunkulu asinikeze zona na? Siza izingane zakho ziqonde ukuthi “ukuma ezindaweni ezingcwele, futhi … ukunganyakaziswa” kusho ukukhetha okulungile ngaso sonke isikhathi, kungakhathaliseki ukuthi kwenzekalani. Singalenza kanjani ikhaya lethu libe yindawo engcwele na?

IMfundiso neziVumelwano 45:9

Ivangeli likaJesu Kristu liyisibonelo emhlabeni.

• Ungachazela izingane zakho ukuthi kudala, indinganiso kwakuba yindwangu yombuso noma yifulegi okwakuyiwa nalo empini. Lalisiza amasosha ukuba azi ukuthi ahlangane kuphi nokuthi enzeni. Fundani ndawonye IMfundiso neziVumelwano 45:9, nixoxe ngokuthi ivangeli liba kanjani njengendinganiso. Izingane zakho zingase zijabulele ukwenza ezazo izidinganiso noma ifulege, okuhlanganisa izithombe noma amagama aveza imizwa yazo ngoMsindisi.

Ivangeli lifana nesindinganiso, noma indwangu noma ifulegi.

IMfundiso neziVumelwano 45:44–45

UJesu Kristu uzoza futhi.

• Ukubhujiswa okuzokwenzeka ngaphambi kokuBuya kwesiBili kungase kwenze izingane zisabe. Ukubakhomba kuJesu Kristu kungabasiza babheke phambili ngokholo! Cabangela ukuzimema ukuthi zicabange ngendlela abazizwa ngayo lapho othile okhethekile ezovakasha, njengogogo noma umkhulu noma umngani. Bazilungiselela kanjani lokhu kuvakashelwa na? Bese ungakhombisa isithombe soMsindisi ubuye ufunde IMfundiso neziVumelwano 45:44–45. Abelana ndawonye ngokuthi nizizwa kanjani ngokuza kukaMsindisi.

• Ukuze usize izingane zakho zizwe zinesasasa ngoKuza kwesiBili kukaMsindisi, ungabhala ezingcuzwini zephepha ezinye zezithembiso zethemba ezivela esigabeni 45 (bheka, isibonelo, amavesi 44–45, 51–52, 55, 58–59, 66–71). Nikeza izingane zakho lezozingcuzu bese ubacela ukuthi baphakamise isandla lapho kukhulunywa ngesithembiso abasiphethe njengoba ufunda amavesi. Xoxani ngokuthi zisho ukuthini lezi zithembiso. Ungase futhi ucule nezingane zakho iculo elingokuBuya kwesiBili kukaMsindisi, njengo “When He Comes Again” (Children’s Songbook, 82–83).

Siza izingane zakho zizwe uMoya oNgcwele. Ngesikhathi ufundisa izingane zakho, zitshele uma uzwa uMoya oNgcwele. Khuluma ngokuthi ulibona kanjani ithonya Lakhe. Isibonelo, ungazizwa unokuthula noma ujabule ngenkathi ucula iculo ngoMsindisi.

Ukuze uthole amanye amasu, bheka iphephabhuku lalenyanga leFriend (Umngani).

The Second Coming [Ukuza kwesiBili], nguHarry Anderson