Mingongo ya Bozongisi

Boloko ya Liberty

Ntango akangamaki na boloko ya Liberty, Missouri, Joseph Smith azwaki mikanda kolobelaka ye oyo etali mpasi ya liwa ya Basantu ba Mikolo ya Nsuka oyo babenganaki na mboka na motindo ya guvenele. Mokanda ya mpasi ewutaki epayi ya mwasi na ye Emma. Maloba na Ye, mpe mikanda ya Joseph na eyano, elobeli nyonso mibale mpasi mpe bondimi na bango na ntango ya mpasi oyo kati na lisolo ya Eklezia.

Joseph Smith mpe basusu bakangamaki kati na boloko oyo na eleko ya malili makasi ya 1838–39.

Mokanda ewuti na Emma Smith epayi ya Joseph Smith, Sanza ya misato 7, 1839

Mobali na Ngai wa Bolingo

Kozwaka libaku malamu ya kokomela yo na nzela ya moninga, nameki kokoma, kasi nakomeka te kokoma nyonso nazali koyoka elongo, mpo na lolenge oyo ozali, bifelo, bandelo, mpe mabende, botioli ya ebale, bangomba oyo etelemi, bibale kotiolaka mpe bazamba oyo ekaboli biso, bosembo ya mabe oyo etie yo na boloko mpe ebombi yo kuna, mpe makambo mosusu, etie mayoki na ngai mosika koleka bolimboli nyonso.

Yango ezalaki te mpo na boyebi ya bozangi elindo, mpe ngolu mpenza ya bonzambe, nayebi mpenza ete nazali na makoki te ya koyika mpiko na mpasi oyo nalekeli … ; kasi nazali na bomoi mpe nazali na bolingi ya konyokwama lisusu koleka soki yango ezali bolingi ya Lola ete nanyokwama mpo na yo.

Tozali banso malamu sikawa, longola se Fredrick oyo azali penza na maladi.

Alexander Moke oyo azali na maboko na ngai sikawa azali moko ya baninga malamu naino omona na bomoi na yo te. Azali mpenza makasi ete na lisungi ya kiti akoki kokima nzinganzinga ya kisuku mobimba. …

Moto moko te bobele Nzambe nde ayebi makanisi na ngai mpe mayoki ya motema na ngai ntango natikaki ndako mpe libota na biso, kutu biloko nyonso oyo tozalaki na yango longola se bana na biso ya mike, mpe tokendaki mobembo na mboka ya Missouri, kotikaka yo moko na boloko oyo. Kasi kozongisa makanisi na mikolo mileki ezali mingi koleka oyo lolenge ya moto akoki kondima yango. …

… Nalikii ete ezali na mikolo malamu mingi koleka naino mpo na kozongela biso. … [Ngai] nazali ntango nyonso wa yo ya bolingo.

Emma Smith

Mokanda uta na Joseph Smith epayi ya Emma Smith, Sanza ya minei 4, 1839

Molingami—mpe Mwasi—wa Bolingo.

Mokolo ya minei na butu nafandaki na nse bobele kaka lokola moyi ezali kokita, ntango tozalaki kotala na madusu ya mabende ya boloko oyo, mpo na kokomela yo, mpo okoka koyeba lolenge nazali. Ezali nakanisi sikawa penepene basanza mitano mpe mikolo motoba uta nazali na nse ya bobangisi ya babateli butu mpe moyi, mpe kati na bifelo, mabende mpe bikuke ya mabende, molili, boloko ya bosoto. Na likama oyo eyebani bobele na Nzambe nakomeli yo mokanda oyo. Bosepeli ya makanisi na nse ya mabaku oyo etuki ekomelo, to lolemu, to Banjelu, mpo na kotalisa, to langi, na moto oyo naino akutana na makambu oyo tokutani na yango te. … Toyekami na maboko ya Yehova, mpe moto mosusu te, mpo na bokangoli na biso, mpe soki asali yango te, ekosalema te, okoki kondimisama, mpo yango ezali na mposa makasi ya makila na biso kati na likambo oyo; te mpo topesami etumbu na likambo songolo. … Molingami na ngai wa Bolingo Emma nakanisaka yo mpe bana mbala na mbala. … Nalingi komona bana Frederick moke, Joseph, Julia, Alexander, Joana, mpe major mokolo [mbwa ya libota]. … Nakoki kotambola uta awa kino esika bozali makolo ngulu, moto polele, mpe ndambo motakala, mpo na komona bino mpe kokanisa ete ezali esengo monene, mpe kokanisa yango te lokola mosala ya mpasi. … Namemi likolo na ngai mpasi nyonso, lokola ezali kosala baoyo bazali elongo na ngai; moko te kati na biso atengami naino. Nalingi yo otika te [ya biso bana] babosana ngai. Yebisa bango ete Tata alingaka bango na bolingo ebonga nie, mpe azali kosala nyonso mpo ete atika batomboki ete aya epayi na bango. … Yebisa bango ete Tata alobi basengeli kozala bana malamu, mpe basengeli kokanisa mama na bango. …

Wa yo,

Joseph Smith Mwana.

Matangi

1. “Mokanda kouta na Emma Smith, 7 Sanza ya misato 1839,” Letterbook 2, 37, josephsmithpapers.org; spelling, punctuation, and grammar standardized.

2. “Mokanda epayi ya Emma Smith, 4 Sanza ya minei 1839,” 1–3, josephsmithpapers.org; nkoma, bilembo, mpe galamele esembolami.

3. Joseph mpe baninga na ye bakangamaki na Sanza ya zomi 31, 1838, mpe batikalaki na bokangemi moi mpe butu. Nsima ya bosambisi ya yambo na Richmond, Missouri, bamemamaki na Boloko ya Liberty na Sanza ya zomi na mibale 1.