Nkọwa n’uju sitere na Kraịst Na-ekwusa Ozi ọma n’Ala Mmụọ, site n’aka Robert T. Barrett

Dizemba 1–7: “Ọhụ nke Mgbapụta nke Ndị nwụrụ anwụ”

Ozizi na Ọgbụgba ndụ niile 137–138

Mkpughe ndị edekọrọ niime Ozizi na Ọgbụgba ndụ niile 137 na 138 ka ekewapụrụ site n’ihe karịrị afọ 80 na maịlụ 1,500 (2,400 km). Nkeji 137 ka Onye amụma Josef Smith natara n’afọ 1836 na Tempụl Kirtland, na nkeji 138 ka Josef F. Smith, Onyeisi nke isii nke Nzukọ nsọ natara n’afọ 1918 na Obodo ukwu Salt Lake. Mana site n’ozizi, ọhụ abụọ ndị a na-agakọta ụkwụ na ụkwụ. Ha abụọ na-aza ajụjụ nke ọtụtụ mmadụ—gụnyere ndị amụma nke Chineke—nwere banyere ndụ mgbe ọnwụ gasịrị. Josef Smith naara eche banyere ọnọdụ nwanne ya nwoke Alvin, onye nwụworo na-emeghị baptizim. Josef F. Smith, onye nne na nna ya na ụmụ ya 13 nwụworo ọnwụ na-erughị eru, chere ugboro ugboro banyere ala mmụọ ma na-eche banyere nkwusa ozi ọma n’ebe ahụ.

Nkeji 137 bu ụzọ nye ụfọdụ nkọwa nke mbụ maka akara aka nke ụmụ Chineke na ndụ nke na-abịa abịa, ma nkeji 138 bịaziri meghee akwa mkpuchi niile ahụ ọbụna karịa. Na njikọta aka, mkpughe abụọ ndị a na-agba ama banyere “ịhụnaanya dị ukwuu ma dị ịtụnaanya egosipụtara site n’aka Nna na Ọkpara ahụ” (Ozizi na Ọgbụgba ndụ niile 138:3)

Nchepụta niile maka Ọmụmụ ihe N’Ebe Obibi na na Nzukọ nsọ

Ozizi na Ọgbụgba ndụ niile 137; 138:30–37, 57–60

Ụmụ Nna nke Eluigwe niile ga-enwe ohere ịhọrọ ndụ ebighị ebi.

Alvin Smith, nwanne nwoke nke Onye amụma Josef, nwụrụ afọ isii tupu Chineke eweghachite ikike ime baptizim. Nghọta amaara amara n’etiti ụfọdụ ndị otu Kraịst na 1836 bụ na ọ bụrụ na mmadụ nwụọ na-emeghị baptizim, onye ahụ enweghị ike aga eluigwe. Josef chere banyere nzọpụta ebighị ebi nke Alvin ruo ọtụtụ afọ—tutu ruo mgbe ọ natara mkpughe dị na Ozizi na Ọgbụgba ndụ niile 137.

Ọtụtụ mmadụ nwere ajụjụ ndị yiri ya. Gịnị mere Chineke si na-achọ emume nsọ niile na ọgbụgba ndụ niile mgbe imerime mmadụ enwetụbeghị ohere ịnata ha? Gịnị ka i ga-agwa onye na-eche nke a? Kedụ otu ị ga-esi ewukwasị okwukwe ha niime Chineke na ihe ndị Ọ chọrọ maka nzọpụta? Chọọ maka eziokwu ndị i nwere ike ikesa niime nkeji 137 na niime nkeji 138:30–37, 57–60. I nwekwara ike chọọ maka eziokwu ndị a ekwuputara niime abụ “Ihè Ozi ọma Dị ebube Egbukewo” (Abụ niile, ọnụ ọgụgụ 283) na niime ozi nke Onyeisi Henry B. Eyring “Ikpokọta Ezi na ụlọ nke Chineke” (Liahona, Me 2017, 19–22).

Dị ka ị na-amụ ma na-atule uche, i nwere ike dekọọ mmetụta gị niile site na-idezu ahịrịokwu dị ka ndị a:

• Niihi mkpughe ndị a, a maara m na Nna nke Eluigwe .

• Niihi mkpughe ndị a, a maara m na atụmatụ nke nzọpụta nke Nna nke Eluigwe .

• Niihi mkpughe ndị a, a chọrọ m .

Lee kwa Ndị Nsọ, 1:232–35.

Ozizi na Ọgbụgba ndụ niile 138:1–11, 25–30

Ịgụ na ịtụgharị uche n’akwụkwọ nsọ na-akwado m ịnata mkpughe.

Mgbe ụfọdụ mkpughe na-abịa ọbụna agbanyeghị anyị anaghị achọ ya. Mana ọtụtụ mgbe ọ na-abịa niihi na anyị na-achọsi ike ma na-akwado maka ya. Dị ka ị na-agụ Ozizi na Ọgbụgba ndụ niile 138:1–11, 25–30, hụba ama ihe Onyeisi Josef F. Smith naara atụgharị uche mgbe “anya nke nghọta [ya] ka emeghere.” I nwekwara ike tụnye nhụmiihe ya nye 1 Nifaị 11:1–6; Josef Smith—Agụgụala 1:12–19. Emesịa tulee otu i nwere ike i si esoro ọmụmaatụ nke Onyeisi Smith. N’ịmaatụ, kedụ mgbanwe ndị i na-enwe mkpate mmụọ ime banyere ọmụmụ akwụkwọ nsọ gị iji nata mkpughe nke onwe karịa?

N’ozi ya “Ọhụ nke Mgbapụta nke Ndị nwụrụ anwụ” (Liahona, Nov. 2018, 71–74), Onyeisi M. Russell Ballard tụpụtara ụzọ ndị ọzọ esiri kwadoo Onyeisi Smith iji nata mkpughe nke a. Kedụ ihe ị na-amụta site na nhụmiihe ya ndị a? Tulee otu Onyenwe anyị siworo kwadoo gị maka nhụmiihe ndị ị na-enwe—na otu O nwere ike iji na-akwado gị maka nhụmiihe ndị dị n’ọdịniihu gị.

Lee kwa Ndị Nsọ, 3:202–5; “Ije ozi nke Josef F. Smith: Ọhụ nke Mgbapụta nke Ndị nwụrụ anwụ” (vidiyo), Ọba akwụkwọ nke Ozi ọma.

Ministry of Joseph F. Smith: A Vision of the Redemption of the Dead

Nearing death, President Joseph F. Smith receives revelation from God regarding redemption of the dead.

Josef F. Smith, site n’aka Albert Salzbrenner

Kpọkuo Mmụọ ahụ “Gịnị ka ị hụtaworo nke na-etinye aka na agbata ime mmụọ maka ọmụmụ ozi ọma? Gịnị na-ebelata ihe site na ya?” (Nkuzi ihe n’Ụzọ nke Ọnye Nzọpụta, 18). Dị ka ị na-amụ nhụmiihe nke Onyeisi Josef F. Smith niime Ozizi na Ọgbụgba ndụ niile 138:1–11, tulee otu i nwere ike i si kwadoo ntụgharị uche ma kpọkuo mmetụta nke ime mmụọ niile maka onwe gị na, ọ bụrụ na ị bụ onye nkuzi, maka ndị ahụ ị na-akuziri.

Ozizi na Ọgbụgba ndụ niile 138:25–60

Ọrụ nke Onye Nzọpụta na-aganiihu na akụkụ nke ọzọ nke ákwá mgbochi.

Onyeisi Russell M. Nelson kuziri, “Ozi anyị nye ụwa dị mfe ma bụrụ eziokwu: anyị na-akpọku ụmụ Chineke niile nọ na akụkụ abụọ nke akwa mgbochi ịbịakwute Onye Nzọpụta ha, nata ngọzi niile nke tempụl dị nsọ, nwee ọńụ na-anọgide, ma tozuo oke maka ndụ ebighị ebi” (“Ka Anyị Niile Na-aganiihu,” Liahona, Me 2018, 118–19). Tụgharịa uche n’edereede nke a dị ka ị na-agụ Ozizi na Ọgbụgba ndụ niile 138:25–60. I nwekwara ike tulee ajụjụ ndị a:

• Kedụ ihe ị na-amụta sitere na amaokwu ndị a banyere otu esi emejuputa ọrụ nke Onye Nzọpụta niime ala mmụọ? Kedụ ihe kpatara o ji dịrị gị mkpa ịmata na a na-arụ ọrụ nke a?

• Kedụ ihe na-amasị gị banyere ndị na-eje ozi nke Onyenwe anyị niime ala mmụọ?

• Kedụ otu mkpughe nke a si agba okwukwe gị ume niime atụmatụ mgbapụta nke Chineke?

Ọ bụrụ na ọ ga-amasị gị ịmụtakwu karịa banyere ala mmụọ, i nwere ike mụọ ozi nke Onyeisi Dallin H. Oaks “Tụkwasị obi na Onyenwe anyị” (Liahona, Nov. 2019, 26–29).

Lee kwa “Susa Young Gates na Ọhụ nke Mgbapụta nke Ndị nwụrụ anwụ,” niime Mkpughe dị N’ọnọdụ, 315–22; “Otu Nleta sitere n’aka Nna” (vidiyo), Ọba akwụkwọ nke Ozi ọma.

A Visit from Father

President Russell M. Nelson recounts a personal family history story that bears testimony of the importance of temple and family history work for all families.

Maka nchepụta ndị ọzọ, lee mbipụta niile nke ọnwa nke a nke Liahona na magazin niile Maka Ume nke Ndị Ntoroọbịa.

Nchepụta niile maka Ikuziri Ụmụntakịrị

Ozizi na Ọgbụgba ndụ niile 137:5–10; 138:18–35

Ụmụ Nna nke Eluigwe niile ga-enwe ohere ịhọrọ ịnụ ozi ọma.

• Iji mụọ banyere ihe ọ gaara apụtara Josef Smith ịhụ ndị otù ezi na ụlọ ya dị iche iche niime alaeze selestịal, ụmụ gị nwere ike kirie vidiyo ahụ “Ije ozi nke Josef Smith: Tempụl niile” (Ọba akwụkwọ nke Ozi ọma), ma ọ bụ i nwere ike ikesa akụkọ Ozizi na Ọgbụgba ndụ niile, 152–53 (ma ọ bụ vidiyo niime Ọba akwụkwọ nke Ozi ọma). Elemaanya i nwekwara ike kwuo okwu banyere onye ị maara nwụrụ anwụ na-enweteghị ohere ime baptizim. Gịnị ka Ozizi na Ọgbụgba ndụ niile 137:5–10 na-akuziri anyị banyere onye ahụ?

  Ministry of Joseph Smith: Temples

  Joseph Smith establishes temple work as an essential purpose for the Saints of God.

  Chapter 39: The Kirtland Temple Is Dedicated: January–March 1836

• Tulee iji otu foto nke ili nke Onye Nzọpụta (lee Akwụkwọ Nka Ozi ọma, ọnụ ọgụgụ 58, ma ọ bụ Foto niile dị na Baịbụụl, ọnụọgụgụ. 14) na foto nke dị na ngwụcha ndepụta nke a iji kuziere ụmụ gị ebe mmụọ nke Jizọs gara mgbe anụ ahụ Ya nọ niime ili ahụ. Emesịa unu nwere ike gụkọọ ọnụ Ozizi na Ọgbụgba ndụ niile 138:18–19, 23–24, 27–30 iji mụọ ihe Jizọs mere mgbe Ọ nọ n’ebe ahụ. Onye ka Ọ gara leta? Gịnị ka Ọ rịọrọ ha ime? Gịnị kpatara O ji mee nke a?

  

• I nwekwara ike jiri peeji ihe omume izu ụka nke a iji nyeere ụmụ gị aka tụnyere ihe ndị mgbasa ozi ọma na-akuzi n’akụkụ akwa mgbochi nke a (lee, n’ọmụmaatụ, Edide niile nke Okwukwe niile 1:4) jiri ihe ndị mgbasa ozi ọma na-akuzi n’ala mmụọ (lee Ozizi na Ọgbụgba ndụ niile 138:33). Kedụ ihe yiri otu niime amaokwu ndị a, ma kedụ ihe dị iche? Gịnị ka nke a na-akuziri anyị banyere Nna nke Eluigwe na atụmatụ Ya?

Ịtụgharị uche n’akwụkwọ nsọ na-akpọku Mmụọ Nsọ.

Ozizi na Ọgbụgba ndụ niile 138:1–11

Mgbe m tụgharịrị uche n’akwụkwọ nsọ, Mmụọ Nsọ nwere ike inyere m aka ghọta ha.

• Dị ka gị na ụmụ gị na-agụkọta Ozizi na Ọgbụgba ndụ niile 138:1–11 ọnụ, i nwere ike kpọkuo ha ime ka aga asị ha bụ Onyeisi Josef F. Smith ma mee omume ndị na-adakọta ha na mkpụrụokwu ndị dị niime amaokwu niile nke 6 na 11. I nwekwara ike gosi ha foto nke Onyeisi Smith (enwere otu niime ndepụta nke a) ma kọwaa na ọ bụ Onyeisi Nzukọ nsọ nke isii. I nwekwara ike kwuo okwu banyere otu oge mgbe ị tụgharịrị uche n’ihe dị niime akwụkwọ nsọ ma Mmụọ Nsọ enyere gị aka ghọta ya.

• Tulee ịgụkọta otu egwu ọnụ banyere ọmụmụ akwụkwọ nsọ, dị ka “Chọgharịa, Tụgharịa uche, ma Kpee ekpere” (Akwụkwọ abụ Ụmụntakịrị, 109). Kedụ ihe egwu nke a na-ekwu na anyị kwesịrị ime iji ghọta akwụkwọ nsọ?

Maka echiche ndị ọzọ, lee mbipụta nke ọnwa nke a nke magazin Friend.

Onye ahụ Enyere Ikike, site n’aka Harold I. Hopkinson