Bokuse ya likambo uta Mbotama na Palata mpe Mabele ya Bodongo, na J. Kirk Richards

Sanza ya zomi na mibale 2–28: Likabo Ezanga Bokokanisi ya Bonzambe ya Mwana ya Nzambe

Noele

Profeta Joseph Smith ateyaki, “Mabongisi ya ebandeli ya eyamba na biso ezali litatoli ya Bapostolo mpe Baprofeta, mpo na oyo etali Yesu Klisto, ete Ye akufaki, akundamaki, mpe asekwaki lisusu mokolo ya misato, mpe amataki na likolo; mpe makambo mosusu oyo ezali ya eyamba na biso ezali bobele mabakisi na yango” (Teachings of Presidents of the Church: Joseph Smith [2011], 49). Nsima ya mibu 160, esakola oyo efulaki Bokambi ya Yambo mpe Lisanga likoki ya Bapostolo Zomi na mibale mpo na kobimisa “The Living Christ: The Testimony of the Apostles” na lokumu ya aniversere ya mbala ya 2,000 ya mbotama ya Mobikisi (tala Russell M. Nelson, “Drawing the Power of Jesus Christ into Our Lives,” Liahona, Sanza ya mitano 2017, 40).

Lokola Basantu ya Mikolo ya Nsuka, tosepelaka na mapamboli ya bokobi ya emoniseli na nzela ya baprofeta mpe bapostolo ya ntango ya sika. Tozali na botondi mpo na maloba na bango mafulama na toli, likebisi, mpe bolendisi. Kasi mingi kati na biso, topambolami na matatoli na bango ya nguya ya Yesu Klisto—na eleko ya Noele mpe mobu mobimba. Oyo ezali mingi mosika koleka maloba ya esengo ya bakomi ya bwanya to basakoli to boyebi uta na bato ya mayele na makomi. Ezali maloba ya “banzeneneke ya kokesana ya nkombo ya Klisto na mokili mobimba” baye baponama, babiangema, mpe bapesama likoki ya Nzambe (Malongi mpe Mayokani 107:23).

Makanisi mpo na koyekola na Ndako mpe na Eklezia

“Moto mosusu moko te atikala kozala na nguya ya makasi bongo.”

Nini okoki koloba mpo na kosunga esakola oyo “moto mosusu moko te atikala kozala na nguya ya makasi bongo [lokola Yesu Klisto] likolo ya banso oyo bazalaki na bomoi mpe baoyo bakozala na mabele”? Luka milongo kati na “Klisto na Bomoi” oyo etatoli oyo etali nguya makasi ya Mobikisi. Lolenge nini Alendisaki yo?

Soki moto moko oyo ayebi te Kimoklisto ezali nini atuni yo mpo na nini bosepelaka na Noele. Lolenge nini okoyanola ye? Tala lisusu “Klisto na Bomoi”” na motuna oyo na makanisi, mpe banza kokoma makanisi to mabanzo oyo eyeli yo.

Tala lisusu “Why We Need a Savior [Mpo na nini Tosengeli na Mobikisi]” (video), Gospel Library [Biblioteke ya Nsango Malamu].

Why We Need a Savior

“Asekwaki uta na nkunda.”

Na “Klisto na Bomoi,” Bapostolo batatolaki Boisekwi ya Mobikisi, kotangaka mbala misato ya komonisama ya Nkolo asekwa (tala eteni 5). Kanisa kotanga masolo misusu ya boyei kotala oyo kati na Yoane 20; 3 Nefi 11; mpe Joseph Smith—Mambi ya kala 1:14–20. Oyekoli nini oyo etali Mobikisi uta na maloba na Ye mpe misala ntango ya komonisama oyo?

Talela Mobikisi. “Kotangai na losambo ‘Klisto na Bomoi’’ ezali lokola kotangaka matatoli ya Matai, Malako, Luka, Yoane, mpe baprofeta ya Buku ya Mormon. Ekobakisa bondimi na yo epayi na Mobikisi mpe ekosalisa yo otikala kotalelaka Ye” (M. Russell Ballard, “Return and Receive,” Liahona, Sanza ya mitano 2017, 65).

“Bonganganzambe na Ye mpe Eklezia na Ye ezongisamaki.”

Na ntango ya boyekoli na yo ya Malongi mpe Mayokani na mobu oyo, ozalaki na libaku malamu ya koyekola mingi oyo etali lolenge nini “bonganganzambe ya Mobikisi mpe Eklezia na Ye ezongisamaki.” Bosolo nini ezongisama to mabongisi nini ezali ntina mingi mingi mpo na yo? Kanisa kotalaka lisusu makomi oyo elandi lisusu oyo eteyi oyo etali Bozongisi: Malongi mpe Mayokani 1:17–23; 13; 20:1–12; 65; 110; 112:30–32; 124:39–42; 128:19–21. Manyola lolenge nini bosolo ya nsango malamu ezongisama esungaka yo oyeba mpe olinga Yesu Klisto.

“Mokolo moko Akozonga lisusu na mabele.”

Noele ezali eleko ya kotala nsima na mokolo oyo Yesu Klisto abotamaki mpe kotala liboso na mokolo oyo Ye akozonga lisusu. Oyekoli nini oyo etali bozongi na Ye uta na eteni ya mibale kino na eteni ya nsuka ya “Klisto na Bomoi”? Okoki lisusu kokanisa kotanga, koyemba, to koyoka nzembo ya Noele oyo eteyi oyo etali Boyei ya Mibale, lokola “Joy to the World” to “It Came upon the Midnight Clear” (Hymns, nos. 201, 207).

“Ye azali pole, bomoi mpe elikya ya mokili.”

Kati na eteni ya nsuka ya “Klisto na Bomoi,” koma bizalela mpe bankombo epesamaki mpo na Mobikisi. Banza kolekisaka ntango na koyekolaka oyo etali mosusu na yango. Ndakisa:

Pole: Lolenge nini Yesu Klisto azali lokola pole epayi na yo? Okoki kobanza koyema elilingi to kozwa foto oyo, mpo na yo, elakisi pole Ye apesaka yo. Oyoki nini oyo efuli yo osala mpo na kokabola pole na Ye? (Tala lisusu Yoane 8:12; 3 Nefi 18:24; Malongi mpe Mayokani 50:24.)

Bomoi: Mpo na nini okanisi bomoi ezali liloba malamu mpo na kolimbola Yesu Klisto? Na lolenge nini Apesaka yo bomoi? Lolenge nini bomoi na yo ekeseni na bozangi Ye mpe nsango malamu na Ye? (Tala lisusu Yoane 10:10; 1 Bakolinti 15:19–23; Malongi mpe Mayokani 66:2.)

Elikya: Olikii nini mpo na ntina ya Yesu Klisto mpe nsango malamu na Ye? Ayebi moto moko oyo azali koyoka kozanga elikya oyo etali lobi ekoya? Manyola lolenge nini okoki kokabola na moto oyo elikya oyokaka kati na Yesu Klisto. (Tala lisusu Baloma 8:24–25; Etele 12:4; Moroni 7:41.)

Tala lisusu Makambo mpe Mituna, “Yesu Klisto,” Biblioteke ya Nsango malamu.

“Nzambe azwa matondi mpo na likabo na [Ye] ezanga bokokanisi.”

Na “Klisto na Bomoi,” Bapostolo balimboli Mobikisi lokola “likabo” uta na Tata na Lola. Kotalaka na oyo ozwi kati na “Klisto na Bomoi,” lolenge nini okokokisa liloba oyo: “Na nzela ya Yesu Klisto, Nzambe apesi ngai makabo ya …” Manyola oyo okoki kosala mpo na kozwa makabo oyo mingi koleka.

Lolenge nini koyekolaka “Klisto na Bomoi” esimbaki bondimi mpe bolingo na yo mpo na Mobikisi?

Tala lisusu Russell M. Nelson, “Four Gifts That Jesus Christ Offers to You” (First Presidency Christmas devotional, Sanza ya zomi na mibale 2, 2018), Gospel Library; “Longola se na ‘The Living Christ: The Testimony of the Apostles’” (video), ChurchofJesusChrist.org.

Excerpts from "The Living Christ: The Testimony of the Apostles"

Mpo na makanisi mingi koleka, tala nsango ya sanza oyo na bamagazini ya Liahona mpe Mpo na Bokasi ya Bilenge .

Makanisi mpo na Koteya Bana

Nakoki “kopesa litatoli na [ngai]” mpo na kosepela na mbotama ya Yesu.

• Bokanisa lolenge nini bokoki kotingisa bana na bino na” “Klisto na Bomoi.” Ntango mosusu bokoki kosalisa bango batala nkombo Klisto na titele mpe mikoloto ya Bokambi ya Yambo mpe Bazomi na mibale. Bokoki kolimbolela bango ete oyo ezali litatoli na bango ya Yesu Klisto oyo balingaki kokabola na mokili.

• Bokoki kopesa mwana moko na moko liloba uta na “Klisto na Bomoi” mpe kotuna bango bazwa to bayema elilingi ya liloba. Nsima bokoki kosalisa bango bazwa liloba kati na “Klisto na Bomoi.” Bokoki kosangisa bililingi oyo mpe maloba kati na buku.

• Bokabola bino na bino lolenge nini bozwilaki litatoli na bino ya Yesu Klisto. Ntango mosusu bokoki koleka nzinganzinga ya elilingi ya Mobikisi mpe kosala moko nsima ya mosusu mpo na kokabola eloko moko boyebi oyo etali Ye (kobakisaka bosolo oyo eteyamaki na “Klisto na Bomoi”).

“Atambolaki bipai nyonso kosalaka bolamu.”

• Ntango bino mpe bana na bino botangi eteni ya mibale ya “Klisto na Bomoi,” bosolola na bango oyo etali mwa makambo Yesu asalaki. Bokoki lisusu kotala bililingi uta na bomoi na Ye (tala lokasa ya molulu ya poso oyo mpe Gospel Art Book). Bobengisa bana na bino bosolola oyo etali oyo Mobikisi azali kosala na bililingi. Lolenge nini tokoki kosunga basusu lokola Ye asalaki? Bavideo “Light the World” kati na Gospel Library ekoki kopesa yo makanisi.

“Ye azali pole, bomoi mpe elikya ya mokili.”

• Bosalisa bana bino bazwa nzembo ya Noele oyo elobelaka pole, bomoi, mpe elikya oyo mbotama ya Mobikisi ememaki na mokili, lokola “O Little Town of Bethlehem” (Hymns, no. 208). Boyemba nzembo elongo, mpe tika bana na bino bakabola lolenge Yesu amemaki pole, bomoi, mpe elikya na babomoi na bango.

“Nzambe azwa matondi mpo na likabo ezanga kokokanisa ya bonzambe ya Mwana na Ye.”

• Makabo nini tozwaki na ntina ya Yesu Klisto? Ntango mosusu bino mpe bana na bino bokoki koluka makabo oyo kati na “Klisto na Bomoi” to na loyembo lokola “He Sent His Son” (Children’s Songbook, 34–35). Nsima bakoki kopesa liboke ya likabo ya eloko moko mpo na kolakisa makabo yango. Bokoki kopesa makanisi ete bana na bino bafungola makabo na Mokolo ya Noele mpo na kosalisa bango bamikundola Mobikisi mpe makabo na Ye epayi na biso.

Mpo na makanisi mingi koleka, tala nsango ya sanza oyo na magazini ya Moninga .