Appendix C

N̄an Būraimere—Naan in kōmeļeļe ko n̄an Iien Al im Būrookraam̧ eo an Ajri ro ilo Kweiļo̧k in Kwojkwoj eo

Al ko kwojarjar ej juon iaan kein jerbal ko rekajoor n̄an jipan̄ ajri ro ekkatak kōn karōk in m̧ōņōņō eo an Jemedwōj Ilan̄ im pedped in m̧ool ko an gospel eo an Jisōs Kraist. Ilo an ajri ro al kōn pedped in katak ko an gospel in, Jetōb Kwojarjar enaaj kam̧ool kōn m̧ool ko aer. Naan ko im al ko renaaj pād wōt ilo kōļmenļo̧kjeņ ko im bōro ko an ajri ro ilo aolepān mour ko aer.

Pukōt jipan̄ eo an Jetōb ilo am̧ kōppopo n̄an katakin gospel eo kōn al. Kwaļo̧k naan in kam̧ool eo am̧ kōn m̧ool ko kom̧ij al kaki. Jipan̄ ajri ro loe elmen an al ko iookļo̧k ta eo rej ekkatak kake im en̄jake ilo m̧weo im ilo kūlaaj ko an Būraimere.

Unin tōl ko n̄an Būrookraam̧ eo an Ajri ro ilo Kweiļo̧k in Kwojkwoj eo

Ium̧win tōl eo an bisop eo, būrookraam̧ eo an ajri ro n̄an kweiļo̧k in kwojkwoj eo ekkā an kōm̧m̧an ilo kuwōta eo kein kemen ilo kajjojo iiō. Āinwōt Būraimere būreejtōnji im ritōl al eo, jerbal ippān rikakpilōklōk eo ilo bisoprik eo ej lale Būraimere n̄an karōke būrookraam̧ eo.

Būrookram̧ eo eaikuj in kōm̧m̧an bwe ajri ro ren kwaļo̧k ta eo er im baam̧le ko aer raar ekkatak jān Katak im Bujen Ko ilo kapijuknen im ilo Būraimere, ekoba al ko an Būraimere raar al kake ilo iiō eo. Ilo am̧ karōk būrookram̧ eo, ļōmņake wāween ko emaron̄ in jipan̄ jarlepju eo mije wōt Rilo̧mo̧o̧r im katak ko An.

Iunit ko me edik uwaan ajri ro ie remaron̄ in ļōmņake wāween ko me baam̧le ko remaron̄ bōk koņaer ippān ajri ro nejier. Juon uwaan bisoprik eo emaron̄ kōjem̧ļo̧k kweilo̧k eo kōn jet naan ko rōkaddu.

Ilo am̧ kōpooj būrookram̧ eo, keememej laajrak in karōk kein:

• Iien kaminene ko ejjab aikuj in bōk eļap iien jān kūlaaj ko an Būraimere ak baam̧le ko.

• Būrookraam̧ ko me rej kōjerbal pija ko, costume ko, ak pijaan alooj ko rejjab ekkar n̄an kweilo̧k in kwojkwoj eo.

Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 12.2.1.2, Gospel Library.

Kōmeļeļe ko n̄an Iien Al

5 minit (Būraimere būreejtōnji eo): Jar in kōpeļļo̧k, eoon ak laajrak in tōmak, im juon ekōnono

20 minit (ritōl al eo): Iien al

Būraimere būreejtōnji eo im ritōl al eo rej kāāleti al ko n̄an kajjojo allōn̄ n̄an kapen pedped in katak ko ajri ro rej ekkatak ilo kūlaaj ko aer im ilo m̧weo. Juon laajrak in al ko me rej kapen pedped in katak kein kar kobaik ilo unin tōl in.

Ilo am̧ katakin al ko n̄an ajri ro, karuwaineneik er n̄an kwaļo̧k ta eo em̧ōj kadede aer kar ekkatak kōn bwebwenato ko im pedped in katak ko al ko rej katakin. Karuwaineneik ajri ro n̄an kwaļo̧k ļōmņak im en̄jake ko aer kōn m̧ool ko repād ilo al ko.

Bok eo Children’s Songbook ej juon kein jipan̄ eo m̧oktata n̄an al ko ilo Būraimere. Al ko jān bok in al eo im al ko jān Friend māākjiin rej barāinwōt ekkar. Jabdewōt al ko jet kōjerbali ilo Būraimere eaikuj in m̧ōj kōmālimi jān bisoprik eo (lale Bok in Bōk Meļeļe Eļap, 12.3.4).

Al n̄an Iien Al eo

Jānwōde

• “Follow the Prophet,” Children’s Songbook,110–11

• “Search, Ponder, and Pray,” Children’s Songbook,109

Pāpode

• “Dare to Do Right,” Children’s Songbook,158

• “A Child’s Prayer,” Children’s Songbook, 12–13

M̧aaj

• “Every Star Is Different,” Children’s Songbook, 142

• “When I Am Baptized,” Children’s Songbook, 103

Eprōļ

• “When He Comes Again,” Children’s Songbook, 82–83

• “Did Jesus Really Live Again?,” Children’s Songbook, 64

Māe

• “‘Give,’ Said the Little Stream,” Children’s Songbook, 236

• “Shine On,” Children’s Songbook, 144

Juun

• “The Holy Ghost,” Children’s Songbook, 105

• “I Want to Be a Missionary Now,” Children’s Songbook, 168

Juļae

• “Stand for the Right,” Children’s Songbook, 159

• “He Sent His Son,” Children’s Songbook, 34–35

O̧kwōj

• “I’m Trying to Be like Jesus,” Children’s Songbook,, 78–79

• “I Feel My Savior’s Love,” Children’s Songbook, 74–75

Jeptōm̧ba

• “I Love to See the Temple,” Children’s Songbook, 95

• “To Think about Jesus,” Children’s Songbook, 71

Oktoba

• “Family History—I Am Doing It,” Children’s Songbook, 94

• “The Church of Jesus Christ,” Children’s Songbook, 77

Nobōm̧ba

• “Keep the Commandments,” Children’s Songbook, 146

• “To Be a Pioneer,” Children’s Songbook, 218–19

Tijem̧ba

• “N̄a Nejin Anij,” Al ko Al in Ajri, 40

• “O Little Town of Bethlehem,” Hymns, no. 208

Kōjerbal Al ko n̄an Kwaļo̧k Katak eo

Iien al eo ej n̄an jipan̄ ajri ro ekkatak kōn m̧ool ko an gospel in. Ļōmņak kein ilaļ remaron̄ im̧we eok ilo am̧ karōk wāween ko n̄an katakin pedped in katak ko an gospel in loi ilo al in jar ko im al ko an Būraimere.

Riiti jeje ko rekwojarjar. Bwe elōn̄ al ko ilo Children’s Songbook im ilo bok in al in jar eo, eoon in jipan̄ ko reiookļo̧k eoon ko rej ellaajrak. Jipan̄ ajri ro riiti jet iaan bwebwenato kein, im kōnono kaki elmen an jeje ko rekwojarjar iokļo̧k wōt al eo. Kwomaron̄ barāinwōt kōllaajrake jet eoon in jipan̄ ko ioon boot eo im kūr ajri ro n̄an kajjejete kajjojo eoon in jipan̄ ko n̄an juon al ak juon eoon jān juon al.

Kanne ļain eo ejjeļo̧k kobban. Je juon eoon jān al eo ioon boot eo kōn jet naan ko raorōk rejako. Innām kajjitōk ippān ajri ro n̄an al al eo, ron̄jake naan ko me rekkar n̄an ļain ko ejjeļo̧k kobbaer. Ilo aer kanne kajjojo ļain ejjelo̧k kobban, kōnono kōn ta pedped in katak ko kwoj ekkatak jān naan ko rejako.

Kam̧ool. Kwaļo̧k naan in kam̧ool eo am̧ ilo tukadu in n̄an ajri ro kōn m̧ool ko an gospel eo loe ilo al eo an Būraimere. Jipan̄ ajri ro meļeļe bwe al ej juon wāween eo remaron̄ in kwaļo̧k naan in kam̧ool n̄an en̄jake Jetōb eo.

Jutak āinwōt juon rikam̧ool. Kajjitōk ippān ajri ro n̄an kajjojo jutak im kwaļo̧k ta eo raar ekkatak jān al eo raar al kake im elmen aer en̄jake kōn m̧ool ko kar katakin ilo al eo. Kajjitōk ippāer elmen aer en̄jake ilo aer al al eo, im jipan̄ er n̄an kwaļo̧k im̧we eo an Jetōb Kwojarjar.

Kōjerbal pija ko. Kajjitōk ippān ajri n̄an jipan̄ eok pukote ak ejaaki pija ko me rekkar n̄an naan ko raorōk ilo al eo. Karuwaineneik ajri ro n̄an kwaļo̧k pija ko reiookļo̧k al eo im ta eo al eo ej katakin. N̄an waanjon̄ok, eļan̄n̄e kwoj katakin al eo“When He Comes Again” (Children’s Songbook, 82–83), kwomaron̄ likūt pija ko ilo aolepān ruum̧ eo rej jutak kōn naan ko raorōk jān al eo (ko āinwōt enjeļ ro, sno, im iju). Kajjitōk ippān ajri ro n̄an aiin pija ko im kotaki ilo aer kōllaajraki ilo jim̧we ilo ami al al eo ippān doon.

Kwaļo̧k juon kein katak: Kwomaron̄ kōjerbal juon men n̄an kōketak ekōnono eo kōn al eo. N̄an waanjon̄ok, m̧okta jān al “‘Give,’ Said the Little Stream” (Children’s Songbook, 236), komaron̄ kwaļo̧k n̄an ajri ro juon pijaan men ko āinwōt juon wea, ujooj, wōt, im wūt ko. Menin emaron̄ tōlļo̧k n̄an juon kōnono kōn jerbal in jipan̄ dikdik ko remaron̄ kōjeraam̧m̧an ro jet ilo wāween ko raorōk.

Kajjitōk n̄an kwaļo̧k en̄jake an juon make. Jipan̄ ajri ro dāpij pedped in katak ko kar katakin ilo al eo ippān en̄jake ko rekar en̄jaki kōn pedped in katak ko. N̄an waanjon̄ok, m̧okta jān al “I Love to See the Temple” (Children’s Songbook, 95), kwomaron̄ kajjitōk ippān ajri ro n̄an kotak peir eļan̄n̄e em̧ōj aer lo juon tampeļ. Karuwaineneik er, n̄an al, n̄an ļōmņake elmen aer en̄jake n̄e rej lo juon tampeļ.

Kajjitōk kajjitōk ko. Ekanooj lōn̄ kajjitōk ko kwomaron̄ kajjitōk ilo am al. N̄an waanjon̄ok, kwomaron̄ kajjitōk ippān ajri ro ta eo raar ekkatak jān kajjojo eoon ko ilo al eo. Kwomaron̄ bar kajjitōk ippāer n̄an ļōmņak kōn kajjitōk ko me al eo ej uwaaki. Menin emaron̄ tōlļo̧k n̄an juon kōnono kōn m̧ool ko kar ekkatak ilo al eo.

Kōm̧m̧ani m̧akūtkūt in pā ko reļam waan. Kajjitōk ippān ajri ro n̄an ļōmņake m̧akūtkūt in pā ko repidodo n̄an jipan̄ er keememej naan ko im ennaan ko ilo al eo. N̄an waanjon̄ak, n̄e kom̧ij al “Search, Ponder, and Pray” (Children’s Songbook, 109), kwomaron̄ karuwaineneik ajri ro n̄an jitōn̄ļo̧k mejaer ilo aer al kōn kappukot jeje ko rekwojarjar, jiton̄ļo̧k bōraer ilo al kōn lin̄ūri, im kokpā ilo aer al kōn jar.