Faaopoopoga O

Mo Korama a le Perisitua Arona ma Vasega a Tamaitai Talavou—Lisi o Mataupu o le Fonotaga

Aso o le fonotaga:

Taitai (uso o le au peresitene o le korama):

Amataga

Viiga (tuu i le faitalia):

Tatalo:

Toe fai le Autu a Tamaitai Talavou po o le Autu a le Korama o le Perisitua Arona.

Fefautuaai faatasi

E taitaia e le tagata e taitaia le fonotaga, e faaalu e le vasega po o le korama le 5 i le 10 minute e fefautuaai faatasi ai e uiga i o latou tiutetauave i le galuega a le Atua o le faaolataga ma le faaeaga. O se avanoa lenei mo le au peresitene o le vasega po o le korama e tulitatao ai aitema na talanoaina i fonotaga a le au peresitene po o fonotaga a le aufono a le autalavou a le uarota.

O le tagata o loo taitaia e mafai foi ona faaaoga se tasi pe sili atu o fesili nei:

Ola ai i le talalelei

• O a ni aafiaga talu ai nei na faamalosia ai a tatou molimau ia Iesu Keriso ma Lana talalelei?

• O le a se mea o tatou faia e latalata atili ai i le Faaola? O faapefea ona tatou taumafai ia avea atili e faapei o Ia?

• Na faapefea ona tatou lagonaina le taitaiga a le Alii i o tatou olaga?

Tausiaina o tagata e lē tagolima

• O ai na tatou lagonaina le taialaina e fesoasoani pe auauna atu i ai? O a ni tofiga ua tatou maua mai le au epikopo e fesoasoani ai i se tasi o manaomia le fesoasoani?

• O a luitau o loo feagai ma tagata o la tatou vasega po o korama? E mafai faapefea ona tatou lagolagoina le tasi ma le isi i mea o loo tatou feagai ai?

• O i ai se tasi na siitia mai talu ai nei i le tatou uarota pe faatoa auai i le Ekalesia? E faapefea ona tatou fesoasoani ia i latou ia lagona le taliaina?

Valaaulia o tagata uma ia talia le talalelei

• O le a se mea e mafai ona tatou faia e fesoasoani ai i isi ia lagona le alofa o le Atua?

• O i ai ni gaoioiga o loma nei e mafai ona tatou valaaulia ai a tatou uo e auai ai?

• O a fuafuaga e faasoa atu ai le talalelei na talanoaina i le fono a le aufono a le autalavou i le uarota? E faapefea ona faaaofia ai la tatou vasega po o le korama?

Tuufaatasiaina o aiga mo le faavavau

• O a nisi o auala e mafai ona tatou faaleleia atili ai a tatou sootaga ma tagata o le aiga, e pei o matua o matua ma tausoga?

• O a mea o loo tatou faia e saili ai igoa o tatou tuaa o e o loo manaomia sauniga o le malumalu? O le a se mea e mafai ona tatou faia e fesoasoani ai i isi i le sailia o igoa o latou tuaa?

• E mafai faapefea ona tatou auai atili i galuega faalemalumalu—taitoatasi ma o se vasega po o se korama?

Aoao faatasi

O se taitai matua po o se sui o le korama po o le vasega e taitaia faatonuga e uiga i le faitauga o le Sau, Mulimuli Mai ia te A’u i lenei vaiaso. Latou te faaaogaina manatu mo suesuega i le Sau, Mulimuli Mai ia te A’u—Mo le Aiga ma le Ekalesia. O le manatu mo suesuega e i ai le aikona lenei e ogatusa ma le seminare ma e faapitoa lava le talafeagai i le autalavou. Peitai, e mafai ona faaaoga soo se manatu mo suesuega. O le vaega lenei o le sauniga e masani lava ona alu ai le tusa ma le 35 i le 40 minute.

Faaiuina

O le tagata o loo taitaia le fonotaga:

• E molimau atu i mataupu faavae sa aoaoina.

• Talanoaina pe faapefea ona faatino e le vasega po o le korama mea sa latou aoaoina—o se vaega pe taitoatasi.

Tatalo: