Funa e, Se a Le Mea E Te Tagi Ai? saunia e Mark R. Pugh

27 Iulai–2 Aokuso

Alema 39–42

“O Le Fuafuaga Sili o le Fiafia”

A o e suesue i le Alema 39–42, e mafai ona tuu atu ia te oe e le Agaga Paia ia malamalamaaga loloto e uiga i mea o loo tutupu i lou olaga.

Tusifaamaumau Ou Lagona Uunai

Pe a fai e se tagata tatou te alolofa i ai se mea sese ogaoga, e mafai ona faigata ona iloa le ala e tali atu i ai. O le mea e taua tele ai le Alema 39–42 o le, o loo faaalia mai ai le auala na taulima ai e Alema—o se soo o Keriso o lē sa i ai se taimi sa i ai ni ana lava foi agasala matuia e salamo ai—se tulaga faapea. Sa soli e Korianetona le atalii o Alema le agasala o feusuaiga, ma sa faatuatuaina e Alema, e pei ona sa masani ona ia faia ai, le mana o le aoaoga faavae moni e uunaia ai le salamo (tagai Alema 4:19; 31:5). I nei mataupu, tatou te matauina ai le toa o Alema i le ta’usalaina o le agasala ma lona faapelepele ma alofa mo Korianetona. Ma mulimuli ane, tatou te lagonaina ai le talitonu o Alema e faapea, “o le a afio mai [le Faaola] e aveese agasala a le lalolagi; ioe, e afio mai o ia e tau mai tala fiafia o le olataga” ia i latou o e salamo (Alema 39:15). O le mea moni e faapea, sa iu ina toe foi atu Korianetona i le galuega o le auaunaga (tagai Alema 49:30) e mafai ona aumaia ia i tatou le faamoemoe mo le faamagaloina ma le togiolaina pe a tatou “popole” (Alema 42:29) e uiga i a tatou lava agasala po o agasala a se tagata tatou te alolofa i ai.

Manatu mo Suesuega Faaletagata Lava Ia o Tusitusiga Paia

Alema 39

O agasala o feusuaiga o se mea inosia lea i le silafaga a le Alii.

Ina ia faamamafa atu i lona atalii le ogaoga o le agasala o feusuaiga, sa aoao atu Alema “o nei mea o ni mea inosia i le silafaga a le Alii” (Alema 39:5). Aisea e taua ai ia te oe le legavia? Aisea e taua ai i le Alii? Atonu e mafai ona fesoasoani le faamalamalamaga lenei mai ia Elder Jeffrey R. Holland:

“Ua manino mai o se tasi o Ona popolega silisili e faatatau i le olaga faaletino o le faapefea lea ona oo mai o se tasi i lenei lalolagi ma le auala e toe alu ese atu ai. Ua Ia faataatiaina ni faatapulaa maoti i nei mataupu.

“… O le alofa molitino ua faapolopoloina mo se ulugalii ua faaipoipoina aua o le faailoga sili lea o le tuufaatasiga, o le atoaga ma se tuufaatasiga ua faauuina ma faauigaina e le Atua. … O le faaipoipoga na faamoemoe e faaatoaina ai le faatasiga o se alii ma se tamaitai. … O se faatasiga lenei o le atoatoa uma lea tatou te faaaogaina ai le upu faamau e momoli atu ai lana folafolaga e faavavau” (“Personal Purity,” Ensign, Nov. 1998, 76).

Mafaufau i le fautuaga na tuuina atu e Alema ia Korianetona i le Alema 39:8–15. E faapefea ona fesoasoani e faalautele ai lou malamalama i le taua o le tulafono o le legavia ma le auala e faatoilalo ai le faaosoosoga? Ua faaalia foi i aoaoga a Alema le naunautai o le Alii e faamagalo i tatou pe a tatou salamo ma o loo i ai le faamoemoe mo i tatou uma. A o e faitau i le Alema 39–42 i le vaiaso lenei, vaavaai mo ni faamaoniga o le alofa mutimutivale o le Atua. Na faapefea ona faamanuiaina oe i le alofa mutimutivale o le Atua?

(Tagai foi “Mama i Feusuaiga,” Mo le Malosi o le Autalavou, 35–37.

Alema 40–41

O le a ou toetu ma tu i luma o le Atua ina ia faamasinoina.

Ina ua matauina e Alema sa i ai ni fesili a Korianetona e uiga i le Toetutu, sa ia aoao atu ia te ia e uiga i le mea e tupu pe a mavae le oti. O a ni upumoni sa aoao atu e Alema i mataupu 40–41 o le a aoga mo Korianetona—ma soo se tasi ua agasala—ia malamalama i ai? Atonu e te faatulagaina mea e te aoaoina i le faailoaina lea o autu na tautalagia e Alema (e pei o le lalolagi o agaga, toetutu, ma le toefuataiga) ona tusi lea i lalo mea ua aoao mai e Alema e uiga i [autu] taitasi. E mafai faapefea e le manatuaina o nei upumoni ona fesoasoani ia te oe pe a e lagona le faaosoosoina pe o sailia le faamagaloga?

Alema 40

E mafai ona ou sailia i le faatuatua tali i a’u fesili o le talalelei.

O nisi taimi atonu tatou te mafaufau ai e iloa e perofeta le tali i fesili uma o le talalelei. Ae ia maitau, o le mataupu e 40atoa, sa i ai ni fesili e le’i taliina a Alema e uiga i le olaga pe a mavae le oti. O le a le mea sa ia faia ia maua ai tali? O le a le mea sa ia faia ina ua le ia te ia ni tali? Mafaufau pe ono mafai faapefea ona fesoasoani le faataitaiga a Alema ia te oe i ni au fesili o i ai o le talalelei?

O le tatalo o se tasi lea o auala e mafai ona tatou maua ai tali i fesili o le talalelei.

Alema 42

O le Togiola a Iesu Keriso ua mafai ai le fuafuaga o le faaolataga.

Na talitonu Korianetona sa le talafeagai le faasalaga mo agasala (tagai Alema 42:1). Ae na aoao mai Alema, o loo i ai se ala e sao ese ai mai le “tulaga o le pagatia” lea e tuu i ai e le agasala i tatou: salamo ma le faatuatua i le Togiola a Iesu Keriso, lea e mutimutivale ma amiotonu (tagai Alema 42:15). A o e faitau i le Alema 42, vaavaai mo le ala e mafai ai e le Togiola a le Faaola ona e maua le alofa mutimutivale e aunoa ma le “faoa le faamasinotonu” (fuaiupu 25). O a ni upumoni ua e maua i lenei mataupu ua fesoasoani e te lagonaina ai Lona alofa mutimutivale?

Manatu mo Suesuega Faaleaiga o Tusitusiga Paia ma Afiafi Faaleaiga

A o e faitauina ma lou aiga ia tusitusiga paia, e mafai e le Agaga ona fesoasoani ia te oe ia iloa po o a mataupu faavae e faamamafa ma talanoaina ina ia taulimaina ai manaoga o lou aiga. O ni nai manatu nei.

Alema 13:1–9

Mata o le a i ai se aoga i lou aiga o se talanoaga e uiga i le tulafono o le legavia? Afai e i ai, mafaufau e faaaoga punaoa nei e tusa ai ma manaoga a lou aiga: Alema 39:1–9; “Mama i Feusuaiga,” Mo le Malosi o le Autalavou, 35–37; “Legavia,” Gospel Topics, topics.ChurchofJesusChrist.org; overcomingpornography.org; ma vitio “O Le A le Mea e Tatau Ona Ou Faia Pe a Ou Vaai i Ponokalafi?” ma le “E Mafai Ona Ou Filifili ia Mama” (ChurchofJesusChrist.org). Mafaufau loloto pe mafai faapefea ona e fesoasoani i lou aiga ia malamalama i faamanuiaga o le legavia ma le molitino i le faaipoipoga (mo se faataitaiga, tagai i le vitio “How to Talk to Your Kids about Intimacy” i luga o le ChurchofJesusChrist.org).

O Le A Se Mea E Tatau Ona Ou Faia Pe A Ou Vaai I Se Ponokalafi?

E matutia luitau o feagai ma tamaiti i nei aso e uiga i ponokalafi. Ae, o le i ai o ni faamatalaga sa’o i le mea e fai pe a fetaiai ma ponokalafi, e mafai ai ona latou manumalo i luitau ma ola i ni olaga saogalemu ma fiafia.

I Choose to be Pure

E toano ni tagata talavou o ekalesia soofaatasi na talanoa faalauaitele atu i le pogai ua latou filifili ai ia mama i feusuaiga.

Alema 39:9–15

O a ni mea tatou te aoao mai nei fuaiupu e uiga i auala e aloese ai i le agasala?

Alema 42:4.

E mafai ona outou taaalo i se taaloga lea e faataape solo ai i totonu o le potu ia fasipepa ua tusia ai uiga auaumama faaKeriso po o mataupu faavae o le talalelei. E mafai ona e vaai pe fia ni fasipepa e mafai ona ao mai e tagata o le aiga i se taimi atofaina, ona talanoa lea pe mafai faapefea e mea o loo tusia i luga o pepa ona fesoasoani ia i tatou ia avea atili ai e pei o le Atua. E faapefea ona pei le “taimi ua tuu mai” ia i tatou i luga o le fogaeleele ona pei o le taimi na atofaina i le taaloga lenei? E mafai faapefea ona tatou faaaogaina lo tatou “taimi vaavaai” i luga o le fogaeleele ia avea atili ai e faapei o le Faaola?

Alema 42:12-15, 22-24

Atonu e mafai ona e faaalia atu le faiā i le va o le faamasinotonu ma le alofa mutimutivale e ala i le faaaogaina o se ata tusi o se fua faigofie e talanoa ai fesili e pei o nei: O le a le mea e tupu i le fua pe a tatou agasala? O le a le mea e manaomia e le faamasinotonu ina ia paleni ai le fua? E faapefea ona faafetaui e le Faaola ia manaoga o le faamasinotonu ma mafai ona faataunuu ai le alofa mutimutivale?

Mo nisi manatu mo le aoaoina o tamaiti, tagai i le otootoga i le vaiaso lenei i le Sau, Mulimuli Mai ia te Au—Mo le Peraimeri.

Faaleleia o Lo Tatou Aoao Atu

Taulai i mataupu faavae o le a manuia ai lou aiga. Ao e suesue ma le agaga tatalo i le afioga a le Atua, ia fesili ifo ia te oe lava “O le a se mea ou te mauaina ii o le a aoga tele i lou aiga?” Saili le taitaiga a le Agaga ao e mafaufau loloto i auala e fesoasoani ai i lou aiga ia iloa nei upumoni.

O Lenei Lo’u Atalii e, saunia e Elspeth Caitlin Young