Appendix A

Ekōjkan an Jetōb eo Kam̧ool n̄an Eō Bwe Bok in Mormon Ej M̧ool?

Bōlen em̧ōj am̧ kar ron̄ kōn kallim̧ur eo an Moronai n̄an aolep ro rej riiti Bok in Mormon: “eļan̄n̄e men kein rej jab m̧ool; im eļan̄n̄e kom̧ naaj kajjitōk kōn juon bōro em̧ool, kōn lukkuun kōttōpar, im ewōr tōmak ilo Kraist, enaaj kwaļo̧k m̧ool in [an Bok in Mormon] n̄an kom̧, jān kajoor eo an Jetōb Kwōjarjar.” (Moronai 10:4). Bōtaab ta meļeļe in n̄an jeļā m̧ool eo “jān kajoor eo an Jetōb Kwōjarjar”? Ekōjkan am̧ maron̄ jeļā n̄e Jetōb Kwojarjar eo ej kōnono n̄an kwe?

Emaron̄ in jipan̄ n̄an keememej bwe Jetōb Kwojarjar eo ej ekōnono ippād ilo wāween ko me relukkuun in oktak jekōn ekōnono ippān doon. Bōtaab Jemedwōj Ilan̄ ekōņaan jipan̄ kōj ekkatak kile Jetōb eo. Eaar lewaj n̄an eok Bok in Mormon, ijo jet ro rikarejeran retiljek rej kōmeļeļeik en̄jake ko aer kōn ainikien Irooj.

N̄an waanjon̄ak, Nipai eaar jiron̄ ļōm̧aro jein bwe Irooj eaar kōnono n̄an er “ilo juon ainikien edik im emera,” mekarta ejjab aikuj in juon ainikien remaron̄ ron̄ kōn lo̧jilin̄ier. Ilo m̧ool, Nipai eaar ba n̄an ļōm̧aro jein raar “eļļā jān en̄jake eo” im ar jab maron̄ “en̄jaki naan ko an” (1 Nipai 17:45, italics ko kar kobaitok). Inōs eaar kōmeļeļeik uwaak eo n̄an jar ko an āinwōt “ainikien Irooj” itok “ilo [an] kōļmenļo̧kjeņ” (Inōs 1:10). Im ļōmņak kōn naan kein rej kōmeļeļeik ainikien eo eaar itok jān lan̄ ke jerkakpeje Rilo̧mo̧o̧r eo eaar waļokļo̧k ilo āneen Bun̄-pāļo̧k: “Eaar juon ainikien elāj, ak juon ainikien eļļaaj; ijoko, … eaar deil er n̄an lukkuun burueer, im kōm̧m̧an bwe burueer ren bwil” (3 Nipai 11:3).

Bōlen ekar lōn̄ am̧ en̄jake ko reier wōt en̄jake kein, ak bōlen en̄jake ko am̧ raar oktak. Jetōb Kwojarjar eo ej ekōnono ilo elōn̄ wāween ko, im revelesōn emaron̄ okotaktak an itok n̄an kōj kajjojo. Im n̄e Jetōb eo ej ilo mour ko ad, jenaaj lo kareel eo An ilo kōj ilo elōn̄ wāween ko. Rijilōk Paul eaar kōnono kōn “a leen an Jetōb”—en̄jake ko an “yokwe, aenōm̧m̧an, meanwōd, jouj, em̧m̧an, tiljek, ineem̧m̧an, jatōr” ibwilijin ebar lōn̄ (Galetia 5:22–23).

Erkein rej bar jet katak ko im waanjon̄ak ko jān Bok in Mormon kōn Jetōb Kwojkwoj eo. Ilo am̧ riiti, komaron̄ lo bwe Jetōb Kwojarjarj eo ekar kōnono n̄an kwe elōn̄ļo̧k jān am̧ kile, kwaļo̧k kam̧ool eo n̄an kwe bwe Bok in Mormon em̧ool ej naan an Anij.

Kam̧m̧oolol im Lan̄lōn̄

Bok in Mormon ej ijino kōn an rikanaan Liai lo juon visōn ekabwilōn̄lōn̄. Ilo visōn in, kar leļo̧k n̄an e juon bok im kajjitōk n̄an riiti. “Ke eaar kōnono jān e,” ļo̧o̧k eo ej ba, “ eaar obrak kōn jitōbōn Irooj.” En̄jake in eaar tōlļo̧k Liai n̄an nebar Anij kōn An “kajoor, im em̧m̧an, im tūriam̧o,” im Liai “ an eaar lan̄lōn̄, im aolepān būruōn eaar obrak” (1 Nipai 1:12, 14–15).

Enan̄in ke wōr am̧ en̄jake rōt in? Riiti Bok in Mormon eo enan̄in ke kar kobrak būruwōm̧ kōn kam̧m̧oolol kōn em̧m̧an eo im tūriam̧o eo an Anij? Eoon ko ilo Bok in Mormon renan̄in ke kar kōm̧m̧an bwe am̧ en lan̄lōn̄? En̄jake kein rej kareel eo an Jetōb, kam̧ool n̄an kwe bwe naan ko kwoj riiti rej itok jān Anij im katakin An m̧ool.

Oktak in Bōro

Alkin kwaļo̧k juon kwaļo̧k ekabwilōn̄lōn̄ kōn Pinmuur eo an Jisōs Kraist (lale Mosaia 2–4), Kiin̄ Benjamin eaar kōņaan jeļā eļan̄n̄e armej ro doon “raar tōmak ilo naan ko eaar kōnono n̄an er.” Raar uwaak bwe raar tōmak ennaan eo an. Etke? “Kōnke Jetōb eo an Irooj Ekajoor Bōtata, eo Eaar jerbali juon oktak ekajoor ilo kōm, ak ilo būruōm̧, bwe kōmin jab bar itok wōt in kōm̧m̧an nana, ak n̄an kōm̧m̧an em̧m̧an wōt.” (Mosaia 5:1–2).

Bōlen emōj am̧ kile juon men ejja āinwōt lo būruwōm̧ ilo am̧ kar riiti Bok in Mormon. N̄an waanjon̄ak, emaron̄ m̧ōj am̧ kar en̄jake im̧we n̄an erom juon armej em̧m̧an, n̄an oktakļo̧k jān jerawiwi, ak n̄an kōm̧m̧ane juon men ejouj n̄an juon. Menin ej kam̧ool ilo jetōb kwoj kappukōte bwe bok eo ej kōketak in Anij. Bwe āinwōt an Mormon kar katakin, “Jabdewōt men ej karuwainene im karreel n̄an kōm̧m̧an em̧m̧an, im n̄an iakwe Anij, im n̄an jerbal n̄an E, ej kōketak in Anij.” (Moronai 7:13; lale barāinwōt 2 Nipai 33:4, 10; Alma 19:33; Ether 4:11–12).

Kōmeramļo̧k Kōļmenļo̧kjeņ

Ke Alma eaar kōņaan jipan̄ RiZoram ro “ mālejjon̄i naan ko[an]” im n̄an jeļā kōn er make eļan̄n̄e naan in kam̧ool eo an eaar m̧ool, eaar keidi naan eo an Anij n̄an juon ine: “Eļan̄n̄e kom̧ij ņa jikin, bwe juon ine en maron̄ kalbwini ilo būruōmi,” eaar kōmeļeļeik, “enaaj jino ļapļo̧k ilo kom̧; im n̄e kom̧ij en̄jake an̄in ļapļo̧k kein an, kom̧ naaj jino ba ilo kom̧ make—E eaikuj bwe in ej ine eo em̧m̧an, ak bwe naan eo em̧m̧an, bwe ej jino n̄an ļapļo̧k ilo buruō; aaet, ej jino kōmeramļo̧k aō meļeļe, aaet, ej jino in kaijoļjoļ n̄an eō.” (Alma 32:27–28).

Kwon “ņa jikin” ilo būruwōmi n̄an naan ko an Bok in Mormon eo n̄e kwoj kōtļo̧k bwe ren kareel mour eo am̧ im tōl kāālet ko am̧. Im ekōjkan an naaj naan kein “ļapļo̧k ilo [būruwōm̧” im “kōmeramļo̧k [am̧] meļeļe”? Komaron̄ arromeļo̧k bwe kwoj jino kajoorļo̧k ilo jetōb. Emaron̄ ļapļo̧k am̧ en̄jake iakwe im peļļo̧k n̄an ro jet. Komaron̄ barāinwōt kile bwe em̧m̧anļo̧k am̧ meļeļe men ko, eļap tata men ko an jetōb—enan̄in āinwōt eļan̄n̄e juon meram ej ebbōl ilo ļōmņak eo am̧. Im komaron̄ errā bwe katak eo kar katakin ilo Bok in Mormon ej “kaijoļjoļ.” Such feelings can help you understand that you have truly received a spiritual witness of truth, as Alma declared: “O innām, ejjab m̧ool men in ke? Ij ba n̄an kom̧, Aaet, kōnke en̄in ej meram; im jabdewōt men eo watōke meram, em̧m̧an, kōnke maron̄ kile, kōn menin kom̧ij aikuj jeļā bwe ej em̧m̧an” (Alma 32:35).

Kwojjab Aikuj In Ļōmņak

Men kein rej jet iaan wāween ko me Jetōb eo ej ekōnono. Ebar lōn̄ wāween ko. Wōnm̧aanļo̧k wōt im kappukōt iien ko rem̧m̧an n̄an ron̄jake ainikien Jetōb eo, im kwonaaj bōk kam̧ool in kapene eo An ejjab bōjrak, kōn m̧ool eo an Bok in Mormon.

Būreejtōn Russell M. Nelson eaar kallim̧ur: “Kwoj jab aikuj kōļmenļo̧kjeņ kōn ta eo em̧ool. Kwojjab aikuj in ļōmņak wōn eo komaron̄ lōke e. Jān revelesōn ko am̧ make, komaron̄ bōk am̧ make kam̧ool bwe Bok in Mormon ej naan an Anij, bwe Josep Smith ekar juon rikanaan, im bwe en̄in ej Kabun̄ eo an Irooj. Jekdo̧o̧n ta ro jet remaron̄ ba ak kōm̧m̧ane, ejjeļo̧k juon emaron̄ bōkļo̧k juon naan in kam̧ool lewaj n̄an būruwōm̧ im ļōmņak eo am̧ kōn ta eo ej m̧ool” (“Revelesōn n̄an Kabun̄ eo, Revelesōn n̄an Mour ko Ad,” Ensign ak Liaona, Māe 2018, 95).