மே 10–16

கோட்பாடும் உடன்படிக்கைகளும் 49–50

“தேவனிடமிருந்து வருகிறவை ஒளியாயிருக்கிறது”

“ஒளியைப் பெற்று தேவனில் தொடர்ந்திருப்பவன், கூடுதலான ஒளியைப் பெறுகிறான்; அந்த ஒளி சரியான நாள் வரைக்கும் அதிகமதிகமாய் பிரகாசிக்கும்” (கோட்பாடும் உடன்படிக்கைகளும் 50:24). தேவனில் தொடர்ந்திருந்து நீங்கள் எவ்வாறு ஒளியைப் பெறுகிறீர்கள் என சிந்திக்கவும்.

உங்கள் எண்ணங்களைப் பதிவுசெய்யவும்

இரட்சகர் நம்முடைய “நல்ல மேய்ப்பர்” (கோட்பாடும் உடன்படிக்கைகளும் 50:44). சில நேரங்களில் ஆடுகள் அலைகின்றன என்பதையும், வனாந்தரத்தில் பல ஆபத்துகள் இருப்பதையும் அவர் அறிவார். ஆகவே, “உலகத்தை வஞ்சித்து பூமியின்மேல் போன பொய்யான ஆவிகள்” (கோட்பாடும் உடன்படிக்கைகளும் 50:2) போன்ற ஆபத்துகளிலிருந்து விலகி, தம்முடைய கோட்பாட்டின் பாதுகாப்பிற்கு அவர் அன்பாக நம்மை அழைத்துச் செல்கிறார். அவரைப் பின்தொடர்வது என்பது பெரும்பாலும் தவறான கருத்துக்கள் அல்லது மரபுகளை விட்டுவிடுவதாகும். மறுஸ்தாபிதம் செய்யப்பட்ட சுவிசேஷத்தை ஏற்றுக்கொண்ட லீமன் கோப்லி மற்றும் ஒஹாயோவில் உள்ள மற்றவர்களுக்கு இது உண்மையாக இருந்தது, ஆனால் சரியில்லாத சில நம்பிக்கைகளை இன்னும் வைத்திருந்தார்கள். கோட்பாடும் உடன்படிக்கைகளும் 49ல், திருமணம் மற்றும் இரட்சகரின் இரண்டாவது வருகை போன்ற தலைப்புகளைப்பற்றிய லீமனின் முந்தைய நம்பிக்கைகளை சரிசெய்யும் உண்மைகளை கர்த்தர் அறிவித்தார். ஒஹாயோவின் மனமாறியவர்கள் “அவர்கள் புரிந்துகொள்ள முடியாத ஆவிகளைப் பெற்றபோது” ஆவியின் உண்மையான வெளிப்பாடுகளை எவ்வாறு பிரித்தறிவது என்பதை கர்த்தர் அவர்களுக்குக் கற்றுக் கொடுத்தார் (கோட்பாடும் உடன்படிக்கைகளும் 50:15). நல்ல மேய்ப்பன் பொறுமையாக இருந்தார்; இந்த ஆரம்பகால பரிசுத்தவான்கள், நம் அனைவரையும் போலவே, “சிறு பிள்ளைகள்” அவர்கள் “கிருபையிலும் சத்திய அறிவிலும் வளர வேண்டும்” (கோட்பாடும் உடன்படிக்கைகளும் 50:40) என்பதை அவர் அறிந்திருந்தார்.

தனிப்பட்ட வேதப் படிப்பிற்கான ஆலோசனைகள்

கோட்பாடும் உடன்படிக்கைகளும் 49:5–23

தவறான போதனைகளை அடையாளம் காண சுவிசேஷத்தின் உண்மைகள் எனக்கு உதவக்கூடும்.

சபையில் சேருவதற்கு முன்பு, லீமன் கோப்லி கிறிஸ்துவின் இரண்டாவது வருகையில் நம்பும் யுனைடெட் சொசைட்டி என்று அழைக்கப்படும் ஒரு மதக் குழுவில் இருந்தார், இது ஷேக்கர்கள் என்றும் அழைக்கப்படுகிறது (“Leman Copley and the Shakers,” Revelations in Context, 117–21 பார்க்கவும்). லீமனுடனான உரையாடலுக்குப் பிறகு, ஜோசப் ஸ்மித் ஷேக்கர்களின் சில போதனைகள் குறித்து கர்த்தரிடமிருந்து தெளிவுபெற முயன்றார், மேலும் கர்த்தர் பாகம் 49லுள்ள வெளிப்படுத்துதலுடன் பதிலளித்தார்.

பாகம் 49க்கு தலைப்பில் குறிப்பிடப்பட்டுள்ள சில ஷேக்கர்களின் நம்பிக்கைகளை நீங்கள் காணலாம். அந்த நம்பிக்கைகளை சரிசெய்யும் வசனங்கள் 5–23 ல் உள்ள சத்தியங்களை குறிப்பது அல்லது அடையாளமிடுவதைக் கருத்தில் கொள்ளுங்கள். இன்று உலகில் உள்ள பிற தவறான போதனைகள் அல்லது மரபுகளைப்பற்றி சிந்தியுங்கள். என்ன சுவிசேஷ சத்தியங்கள் அவற்றிலிருந்து உங்களைப் பாதுகாக்க உதவும்?

கோட்பாடும் உடன்படிக்கைகளும் 49:15–17

தேவனின் திட்டத்திற்கு ஆணுக்கும் பெண்ணுக்கும் இடையிலான திருமணம் அவசியம்.

கோட்பாடும் உடன்படிக்கைகளும் 49:15–17லிருந்து திருமணத்தைப்பற்றிய என்ன சத்தியங்களை நீங்கள் கற்றுக்கொள்கிறீர்கள்? பரலோக பிதாவின் திட்டத்திற்கு ஒரு ஆணுக்கும் பெண்ணுக்கும் இடையிலான திருமணம் அவசியம் என்று நீங்கள் ஏன் நினைக்கிறீர்கள்? மூப்பர் டேவிட் ஏ. பெட்னார் இரண்டு காரணங்களைக் கூறினார்: “காரணம் 1: ஆண் மற்றும் பெண் ஆவிகளின் இயல்புகள் ஒருவருக்கொருவர் முழுமையானவை, பரிபூரணமானவை, ஆகவே ஆண்களும் பெண்களும் ஒன்றாக உயர்ந்து மேன்மையடைய நோக்கமுடையவை. … காரணம் 2: தெய்வீக வடிவமைப்பால், குழந்தைகளை உலகத்தில் கொண்டுவருவதற்கும், குழந்தைகளை வளர்ப்பதற்கும் போஷிப்பதற்கும் சிறந்த அமைப்பை வழங்க ஒரு ஆணும் பெண்ணும் தேவை” (“Marriage Is Essential to His Eternal Plan,” Ensign, June 2006, 83–84).

ஆதியாகமம் 2:20–24; 1 கொரிந்தியர் 11:11; “The Family: A Proclamation to the World,” Ensign or Liahona, May 2017, 145ஐயும் பார்க்கவும்.

ஒரு ஆணுக்கும் பெண்ணுக்குமிடையிலான திருமணம் தேவனால் நியமிக்கப்பட்டது.

கோட்பாடும் உடன்படிக்கைகளும் 50

கர்த்தருடைய போதனைகள் சாத்தானின் ஏமாற்றுகளிலிருந்து என்னைப் பாதுகாக்க முடியும்.

ஒஹாயோவில் புதிய மனமாறியவர்கள் வேதத்தில் வாக்குறுதியளிக்கப்பட்ட ஆவிக்குரிய வெளிப்பாடுகளைப் பெற ஆர்வமாக இருந்தனர், ஆனால் சாத்தானும் அவர்களை ஏமாற்ற ஆர்வமாக இருந்தான். அவர்கள் ஆச்சரியப்பட்டார்கள், யாரோ கூச்சலிடும்போது அல்லது மயக்கமடையும்போது, அது ஆவியின் செல்வாக்காகுமா?

பரிசுத்த ஆவியின் உண்மையான வெளிப்பாடுகளை எவ்வாறு அடையாளம் காண்பது மற்றும் சாத்தானின் சாயல்களால் ஏமாற்றப்படுவதைத் தவிர்ப்பது எப்படி என்பதைப் புரிந்துகொள்ள இந்த புதிய மனமாறியவர்களுக்கு உதவுமாறு உங்களிடம் கேட்கப்பட்டதாக கற்பனை செய்து பாருங்கள். நீங்கள் பகிரக்கூடிய கோட்பாடும் உடன்படிக்கைகளும் 50ல் என்ன கொள்கைகளைக் காண்கிறீர்கள்? (விசேஷமாக வசனங்கள் 22–25, 29–34, 40–46 பார்க்கவும்).

2 தீமோத்தேயு 3:13–17 ஐயும் பார்க்கவும்.

கோட்பாடும் உடன்படிக்கைகளும் 50:13–24

ஆசிரியர்களும் கற்பவர்களும் ஆவியால் தெளிவுபடுத்தப்ப்படுகிறார்கள்.

நீங்கள் கோட்பாடு மற்றும் உடன்படிக்கைகள் 50: 13–24 வாசிக்கலாம், ஒரு ஆசிரியர் மற்றும் கற்பவரின் படத்தை வரைவது, ஒவ்வொன்றிற்கும் அடுத்ததாக, இந்த வசனங்களிலிருந்து உங்களுக்கு ஏதாவது கற்பிக்கும் சொற்கள் மற்றும் சொற்றொடர்களின் பட்டியலை உருவாக்குதல். நற்செய்தி கற்றல் மற்றும் கற்பித்தலைப்பற்றி படிப்பது ஒரு வழியாக இருக்கலாம். கற்பித்தல் மற்றும் கற்றல் ஆகியவற்றில் ஆவியின் முக்கியத்துவத்தை உங்களுக்குக் கற்பித்த அனுபவங்கள் எப்போது பெற்றிருக்கிறீர்கள்? ஒரு சுவிசேஷம் கற்பவர் மற்றும் ஆசிரியராக உங்கள் முயற்சிகளை மேம்படுத்த நீங்கள் என்ன செய்ய முடியும் என்பதைக் கருத்தில் கொள்ளவும்.

குடும்ப வேதப் படிப்பு மற்றும் இல்ல மாலைக்கான ஆலோசனைகள்

கோட்பாடும் உடன்படிக்கைகளும் 49:2.“சத்தியத்தின் ஒரு பகுதியை அறிந்துகொள்ள அவர்கள் வாஞ்சிக்கிறார்கள், ஆனால் எல்லாவற்றையும் அல்ல,” என்பதன் அர்த்தம் என்ன? ஒருவேளை நீங்கள் ஓரளவு மூடப்பட்ட படத்தைக் காட்டலாம் மற்றும் அது என்ன என்பதை குடும்ப அங்கத்தினர்கள் யூகிக்க அனுமதிக்கலாம். சத்தியத்தின் ஒரு பகுதியை மட்டுமே நாம் ஏற்றுக்கொள்ளும்போது என்ன நடக்கிறது? (2 நேபி 28:29 பார்க்கவும்). சுவிசேஷத்தின் முழுமை நமக்கு எவ்வாறு ஒரு ஆசீர்வாதமாக இருக்கிறது?

கோட்பாடும் உடன்படிக்கைகளும் 49:26–28.கர்த்தருடைய வாக்குறுதியால் நாம் எவ்வாறு ஆசீர்வதிக்கப்படுகிறோம் “நான் உங்களுக்கு முன்பாகச் சென்று உங்கள் பின்புறமாக இருப்பேன்; நான் உங்கள் நடுவில் இருப்பேன்”? “[அவர்களுக்கு] முன்பாகச் சென்று” அல்லது “[அவர்கள்] மத்தியில்” கர்த்தர் இருந்தார் என உணர்ந்தபோது, அந்த அனுபவங்களை குடும்பத்தினர் பகிர்ந்து கொள்ளலாம்.

கோட்பாடும் உடன்படிக்கைகளும் 50:23–25. கோட்பாடும் உடன்படிக்கைகளும் 50:23–25வாசித்தபிறகு நீங்கள் ஒரு இருண்ட அறையில் கூடி, படிப்படியாக மெழுகுவர்த்திகளை ஏற்றி அல்லது விளக்குகளை ஒவ்வொன்றாக போடுவதன் மூலம் அதிக ஒளியைச் சேர்க்கலாம். காலையில் சூரிய உதயத்தைப் பார்க்கும்போது இந்த வசனங்களையும் வாசிக்கலாம். நமது சுவிசேஷ ஒளி தொடர்ந்து வளர நாம் என்ன செய்ய முடியும்? குடும்ப அங்கத்தினர்கள் வாரத்தில் சுவிசேஷத்தைப்பற்றி புதிதாக ஒன்றைக் கற்றுக் கொள்ளும்போது, ஒரு குறிப்பை எழுதி அதை வீட்டில் ஒரு விளக்கு அல்லது பிற ஒளியுடன் இணைப்பதன் மூலம் அதை குடும்பத்துடன் பகிர்ந்து கொள்ள ஊக்குவிக்கவும்.

கோட்பாடும் உடன்படிக்கைகளும் 50:40–46. கோட்பாடும் உடன்படிக்கைகளும் 50:40–46 வாசித்த பிறகு, இந்த குறிப்புடன் வரும் இரட்சகரின் படத்தைக் காட்டலாம், இது போன்ற கேள்விகளைக் கேட்கலாம்: இரட்சகர் ஆடுகளை நேசிக்கிறார் என்று நீங்கள் எப்படி சொல்ல முடியும்? இரட்சகர் நமக்கு ஒரு மேய்ப்பனைப் போல எப்படி இருக்கிறார்? இரட்சகர் ஒரு மேய்ப்பர், நாம் அவருடைய ஆடுகள் என்ற கருத்தை வேதங்களிலிருந்து என்ன சொற்றொடர்கள் பிரதிபலிக்கின்றன?

பிள்ளைகளுக்கு போதிக்க கூடுதல் ஆலோசனைகளுக்கு, இந்த வாரக் குறிப்பில், என்னைப் பின்பற்றி வாருங்கள்—ஆரம்ப வகுப்புக்காக பார்க்கவும்.

ஆலோசனையளிக்கப்பட்ட பாடல்: “Shine On,” Children’s Songbook, 144.

நமது போதித்தலை மேம்படுத்துதல்

வளைந்து கொடுக்கவும். சிறந்த கற்பித்தல் தருணங்கள், குறிப்பாக வீட்டில், பெரும்பாலும் தன்னிச்சையானவை மற்றும் எதிர்பாராதவை: ஒரு குடும்ப உணவு தேவனின் வார்த்தையை ருசித்தலைப்பற்றிய கலந்துரைடலை ஊக்குவிக்கக்கூடும், மேலும் ஒரு மழைக்காலம் ஜீவ தண்ணீரைப்பற்றி சாட்சியமளிக்க ஒரு வாய்ப்பாக இருக்கலாம். நீங்கள் ஆவிக்குரிய ரீதியில் தயாராக இருந்தால், கர்த்தர் உங்களுக்கு “நீங்கள் என்ன சொல்லவேண்டுமென்பது அப்போதே கொடுக்கப்படும் (கோட்பாடும் உடன்படிக்கைகளும் 100:6).

மென்மையான மேய்ப்பன்–யாங் சுங் கிம்