Ngaahi Maʻuʻanga Tokoni Kehé

Ko e kotoa ʻo e ngaahi naunau ko ʻení ʻe ala maʻu kotoa ia ʻi he polokalama Gospel Library mo e LDS.org.

ʻŪ Makasini ʻa e Siasí

ʻOku ʻomi ʻi he makasini Liahoná, ha ngaahi talanoa mo e ʻū ʻekitivitī ʻe ala tokoni ki he ngaahi tefitoʻi moʻoni ʻokú ke akoʻi mei he Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí.

Ngaahi Himí mo e Tohi Hiva ʻa e Fānaú

ʻOku fakaafeʻi ʻe he ngaahi hiva toputapú ʻa e Laumālié pea akoʻi ʻa e tokāteliné ʻi ha founga fakangalongataʻa. ʻIkai ngata pē ʻi he Ngaahi Himí mo e Tohi Hiva ʻa e Fānaú, te ke lava ʻo maʻu e lēkooti ʻo e ngaahi fasi mo e ngaahi vitiō mei he ngaahi himí mo e ngaahi hiva maʻá e fānaú ʻi he music.lds.org mo e polokalama mūsika ʻa e LDS (LDS Music app).

Ngaahi Talanoa ʻo e Fuakava Foʻoú

ʻE ala tokoni ʻa e Ngaahi Talanoa ʻo e Fuakava Foʻoú (2005) ki he fānaú ke nau ako ʻa e tokāteline mo e ngaahi talanoa ʻi he Fuakava Foʻoú. Te ke lava foki ʻo maʻu e ngaahi vitiō ʻo e ʻū talanoa ko ʻení ʻi he Gospel Library app mo e medialibrary.lds.org.

Tohi Lēsoni Seminelí mo e ʻInisititiutí

‘Oku ʻomi ʻe he ʻū tohi lēsoni seminelí mo e ʻinisititiutí ha puipuituʻa fakahisitōlia mo e ngaahi fakamatala fakatokāteline ki he ngaahi tefitoʻi moʻoni mo e ngaahi fakamatala ʻi he folofolá.

Laipeli Mītiá

ʻE ala tokoni ʻa e ʻū tā valivalí, vitioó mo e ngaahi mītia kehé ke ke fakakaukauloto ai ki he tokāteline mo e ngaahi talanoa ʻi he Fuakava Foʻoú. Vakai ki he medialibrary.lds.org ʻo fekumi ki he ngaahi maʻuʻanga tokoni mītia ʻa e Siasí, ʻo kau ai ʻa e ʻū Bible Videos, ʻa ia ʻoku hā ai ʻa e ngaahi meʻa ne hoko ʻi he Fuakava Foʻoú.

Ngaahi Tefito ʻo e Ongoongoleleí

Te ke lava ʻo maʻu ʻi he topics.lds.org ha ngaahi fakamatala fekauʻaki mo ha ngaahi tefito kehekehe ʻo e ongoongoleleí, fakataha mo ha ngaahi link ki ha ngaahi maʻuʻanga tokoni, hangē ko ha ngaahi lea felāveʻi mei he konifelenisi lahí, ngaahi fakamatala, potufolofola, mo e vitiō. Te ke lava foki ʻo maʻu ʻa e Gospel Topics Essays, ʻa ia ʻokú ne ʻoatu ha ngaahi tali fakaikiiki ange ki he ngaahi fehuʻi fekauʻaki mo e ongoongoleleí.

Tuʻu Maʻu ʻi he Tuí

Kapau te ke fie maʻu ha tokoni kehe ke mahino e ngaahi tefitoʻi moʻoni ʻo e ongoongoleleí, fakakaukau ke vakai ki he Tuʻu Maʻu ʻi he Tuí (2004). ʻOku kau ʻi he maʻuʻanga tokoni ko ʻení ha lisi fakamotuʻalea ʻo e ngaahi tefito ʻo e ongoongoleleí ʻa ia ʻoku fakamatalaʻi ʻi he ngaahi lea mahinongofua.