Faaaofiaga o Musika Paia i Lou Aoaoina o le Talalelei

O le usuina o pese Peraimeri ma viiga e mafai ona faamanuia ai oe ma lou aiga i le tele o itu. O manatu nei e mafai ona fesoasoani e te faaaoga ai musika paia ao e taumafai e aoao ma ola ai i le talalelei.

• Aoao mataupu faavae faaleaoaoga faavae. Aoao upu moni o loo aoao mai i pese e te usuina pe faalogologo i ai. O lenei mea e ono taitai atu ai i se talanoaga o le talalelei e uiga i nei upumoni i le aso atoa. Usu pe faalogologo i pese Peraimeri po o viiga o loo aoao mai e uiga ia Iesu Keriso ma Lana talalelei. Ia uai atu i auala e molimau mai ai le Agaga Paia e uiga i le Faaola ma Ana aoaoga.

• Iloaina o le mana o musika. O le usu pe faalogologo i pese a le Peraimeri po o viiga e mafai ona avea o se faamanuiaga i taimi e manaomia ai se fesoasoani. Mo se faataitaiga, o le usuina o se pese e mafai ona faato’afilemu ai se tamaitiiti i taimi e moe ai, fatufatuai ai le olioli a o galulue faatasi lou aiga, faagaeetia ai se tuaoi o gasegase, pe faamafanafana ai se tasi e lagona le atuatuvale.

• Faasoa atu ni aafiaga. Fetuufaai atu aafiaga patino ma faaleagiga e faatatau i savali o le pese. E mafai foi ona e faasoa atu ni tala mai tusitusiga e faatatau i ai.

• Faaaofia ai lou aiga. O le a tele mea e aoao e lou aiga mai i pese pe a latou auai malosi ai. Ina ia faaaofia ai tagata o le aiga, e mafai ona e valaaulia tamaiti matutua atu e fesoasoani e aoao se pese i o latou tei laiti, pe valaaulia tamaiti e aoao i le aiga se pese na latou aoaoina i le Peraimeri. E mafai ona e tuu atu i tagata o le aiga e auauai e taitai se pese.

• Ia fatufatuai. Faaaoga ni auala eseese e aoao ai o se aiga ia musika paia. Mo se faataitaiga, e mafai ona e faaaogaina ni taga e o faatasi ma upu ma fuaitau o se pese. Pe e mafai foi ona tou auauai e faatino vaega o se pese ae taumafai isi tagata o le aiga e mate le pese. E ono fiafia lou aiga e usu pese e eseese le saoasaoa po o le maualuga. O le polokalama o le Gospel Libarary ma le polokalama Gospel for Kids ua i ai puega faalogologo ma vitio e mafai ona fesoasoani e te aoaoina ai ia pese. E mafai foi ona e faia se lisi o pese paia e faalogologo i ai.

Mo nisi manatu, tagai i vaega “Using Music to Teach Doctrine” ma le “Helping Children Learn and Remember Primary Songs and Hymns,” o loo maua i “Faatonuga mo Taimi o Fetufaaiga ma le Polokalama Faamanatuga o Musika a Tamaiti” i le Sau, Mulimuli Mai ia te A’u—Mo le Peraimeri.