Yumi Adorim Em, i kam long Dana Mario Wood

Janueri 9–15

Matyu 2; Luk 2

Mipela i Kam long Lotu long Em

Luk 2:6–12

Jisas Krais i gat daun pasin

Jisas i pikinini bilong God. Tasol Em i daunim Em yet na kam stap wantaim yumi long ples graun. Ritim stori bilong bon bilong Em Luk 2:6–12 Ol dispela ves i tisim wanem long Em? Yu pilim olsem wanem long Jisas Krais?

Singim “Mary’s Lullaby” o “The Nativity Song” (Children’s Songbook, 44–45, 52–53). Wanem samting yu lainim long ol dispela singsing long bon bilong Sevia?

Lukim tu “The Christ Child” (video), ChurchofJesusChrist.org.

Matyu 2:1–12

Mi ken painim Jisas Krais.

Ritim stori bilong ol Waisman Matyu 2:1–12 Wanem samting yu lainim long ol Waisman i painim Sevia?

Matyu 2:13–23

God i ken halivim ol papa mama i lukautim ol famili bilong ol.

Josef na Maria i nidim halivim bilong God long lukautim Jisas. Ritim stori bilong ol insait long Matyu 2:13–23

Tingting long ol birua insait long laip bilong yu Olsem wanem na God i lukautim yu na ol lain yu laikim? Tingting long serim ol stori bilong yu wantaim ol narapela Olsem wanem bai yu painim lukaut bilong God long bihain taim?

Luk 2:40–49

“Mi mas mekim bisnis bilong Papa bilong mi.”

Jisas i tok Em i mas mekim “bisnis bilong Papa bilong Em” (Luk 2:49). Wanem em bisnis bilong Papa long Heven? Wanem samting yu lainim long dispela bisnis bilong Em long Luk 2:40–49 na Moses 1:39?

Olsem wanem na yu na famili bilong yu i ken halivim wantaim wok bilong God?

“Yu no save olsem mi mas mekim bisnis bilong Papa bilong mi?” (Luke 2:49)

Luke 2:52

Mi ken gro olsem Jisas.

Wanem samting yu lainim long Luk 2:52 long hau Jisas i gro? Em i min wanem long gro, “insait long wisdom na save, na long wanbel bilong God na man”? Setim ol gols bilong yu long gro insait long ol dispela wei.

Singsing: “Stars Were Gleaming,” Children’s Songbook, 37.

Sevia bilong wol i kam daun long ples graun long stap wantaim daun pasin.