Serim gospel wantaim ol narapela bai bringim hamamas long yumi na long ol.

Jenueri 16–22

Jon 1

Mipela i Painim Mesaia

Jon 1:1-5

Jisas Krais in bin “stap wantaim God long stat.”

Wanem samting yu lainim long Sevia na wok bilong Em long Jon 1:1–5? Stadim Josef Smit i Tanim tok long ol dispela ves long lanim moa (painim long Baibel apendiks). Wai na em bai halivim yumi long save long ol dispela samting long Em?

Jon 1:1–10

Jisas Krais Em i “trupela Lait.”

Jon i kolim Jisas olsem “trupela Lait.” Ritim Jon 1:1–10. Olsem wanem na Jesus Em i olsem lait insait long laip bilong yu? Sapos yu gat ol yangpela pikinini, larim ol i kisim taim long soim lait insait long rum i tudak. Askim ol long toktok olsem wanem Jisas Em i olsem lait long ol.

Tingting long raitim testimoni bilong yu long Krais. Wanem samting bai yu tok long Em? Husat i ken kisim blesing long harim testimoni bilong yu?

Jon 1:35–36

Jisas Krais Em i “Lem bilong God.”

Bilong wanem na yu ting Jon Bilong Baptis i kolim Jisas “Lem bilong God”? Long lanim moa long dispela, lukim toktok bilong Elda Gerrit W. Gong “Gutpela Wasman bilong Sipsip, Lem bilong God” (Liahona, Mei 2019, 97–101).

Jon 1:35-46

“Kam na lukim.”

Ritim Jon 1:35–46. Wanem samting i kamap bikos Jon i serim testimoni bilong em long Krais? Wanem samting yu lainim long ol dispela ves long wei bilong serim gospel? Long lanim moa, lukim dispela vidio “Invaitim ol Narapela long ‘Kam na Lukim’” (ChurchofJesusChrist.org).

Jon 1:45–51

Bikpela i save long mi.

Ritim stori bilong Natanael insait long Jon 1:45–51. Olsem wanem na Natanael i bin kisim testimoni long Jisas? Askim ol famili memba olsem wanem na ol i bin kisim ol testimoni bilong ol.

Singsing: “The Lord Is My Light,” Hymns, no. 89.

Jisas Krais “i bin stap wantaim God long stat.”(John 1:2). Jehova Em i Mekim Kamap dispela Ples Graun, Walter Rane i mekim