I go insait long Ples i Nogat Man, Eva Koleva Timothy i mekim

Jenueri 30–Febueri 5.

Matyu 4; Luk 4–5

“Spirit bilong Bikpela I stap antap long Mi”

Matyu 4:1-2

God i halivim mi long redi long sevim Em.

Long redi long misen bilong Em, Jisas i bin go long ples i nogat man “long stap wantaim God” (Josef Smit Tanim Tok, Matyu 4:1 [in Matyu 4:1, futnot b]). Wanem samting i halivim yu long stap klostu long God? Olsem wanem na dispela i halivim yu long mekim wok bilong Em?

Matyu 4:1-11

Jisas Krais i bin kisim temtesen tasol Em i no sin.

Seivia tu, bin stap “nogat sin” (Hibru 4:15), i bin kisim temtesen. Jisas Krais Em i save long ol temtesen yumi save i gat. Em i ken halivim yumi long rausim ol (lukim Hibru 2:18; Alma 7:11–12).

Ritim Matyu 4:1–11 na Luk 4:1–13. Wanem samting yu lainim we i ken halivim yu long taim yu kisim temtesen?

Wanem samting i halivim yu bilip olsem Jisas i Seivia bilong yu?

Luk 4:16–32

Jisas Krais Em i Mesaia.

Sapos wanpela i askim yu bilong wanem na Jisas i kam long ples graun, bai yu tok wanem? Wanem samting yu lainim long dispela misin bilong Em insait long Luk 4: 18–19?

Planti i no bilip olsem Jisas Em Mesaia, o Sosen Wan. Bilong wanem? (Lukim Luk 4:22 –28). Wanem samting i halivim yu bilip olsem Jisas i Seivia bilong yu?

Lukim tu “Jesus Declares He Is the Messiah” (video), ChurchofJesusChrist.org.

Matyu 4:18–22

Jisas Krais askim mi long bihainim Em.

Presiden Ezra Taft Benson i tok, “Ol man na meri husat i givim laip bilong ol long God bai painimaut olsem Em i ken mekim moa gut long laip bilong ol” (Ol tising bilong ol Presiden bilong Sios: Ezra Taft Benson [2014], 42).

Ritim Matyu 4:18–22 na Luk 5:1–11. Olsem wanem Jisas Krais i askim yu long bihainim Em? Olsem wanem na yu ken soim Em olsem yu laik bihainim Em? (lukim Luk 5:11).

Singsing: “Come, Follow Me,” Hymns, no. 116.

Krais i Singautim dispela ol Aposol Jems na Jon, Edward Armitage (1817–96)/Sheffield Galleries and Museums Trust, UK/© Museums Sheffield/The Bridgeman Art Library International