Jisas i Tisim ol Pipol arere long Solwara, James Tissot i mekim

Febueri 20–26

Matyu 6–7

Matyu: “Em i Lainim Ol olsem Wanpela i gat Atoriti”

Matyu 6:5-13

Jisas Krais i lainim ol lain olsem wanem ol i ken pre.

Wanem samting yu lainim long dispela wei Jisas i pre? Olsem wanem bai yu i stretim pre bilong yu wan na olsem famili? Sapos yu i gat ol yangpela pikinini, yu ken prektis long pre wantaim ol.

Matyu 6:33

Mi mas painim kingdom bilong God.

Em i minim wanem samting long “painim … pastaim dispela kingdom bilong God”? Olsem wanem yu mekim dispela yu yet na wantaim ol famili bilong yu?

Yumi ken kam klostu long God long pasin bilong prea.

Matyu 7:1-5

Mi ken jasim long rait wei.

Wanem samting yu lainim insait long Matthew 7:1–5 long pasin bilong jasim? Olsem eksampel, skelim mout (liklik hap diwai) wantaim bim (bikpela hap diwai). Ol dispela samting i tisim wanem long pasin bilong jasim ol narapela? Ritim olgeta dispela sapta, na painim ol narapela ves i tisim long pasin bilong jasim ol narapela long rait na stretpela wei.

Matyu 7:21–23

Mi kam long save long Jisas taim mi mekim laik bilong Em.

Matyu 7:23i gat dispela hap tok “Mi no bin save long yu.” Dispela Josef Smit i senisim dispela hap tok i go olsem “Yu no bin save long mi” (Matyu 7:1, futnot a). Olsem wanem na dispela senis i halivim yu long save gut moa long ol ves 21–22? Olsem wanem tru yu pilim olsem yu save long Bikpela? Wanem samting yu ken mekim long save gut long Em?

Matyu 7:24–27

Bihainim ol tising bilong Seivia i givim gutpela faundesen long laip bilong mi.

Matyu 7:24–27 I tisim long tupela haus Tupela haus wantaim i stap long Bikpela strongpela win. Tasol wanpela long ol tupela haus i no bin pundaun. Bilong wanem? Olsem wanem na stap insait long tising bilong Krais i givim yu dispela strongpela faundesen? Olsem wanem bai yu bildim “haus antap long ston”? (lukim ves 24).

Singsing: “The Wise Man and the Foolish ManT,” Children’s Songbook, 281.

Mi Pre long Yu, Del Parson i mekim