Ol Diwai long Getsemane, Derek Hegsted i mekim

Jun 12–18

Luk 22; Jon 18

“I no Laik Bilong Mi, tasol bilong Yu, Bai Kamap”

Luk 22:31–34, 54–62

Senis bai kisim taim.

Pita i lukim planti ol mirakel bilong Krais. Em i harim Krais i tisim ol strongpela toktok i gat trut. Tasol em i no kisim senis olgeta yet. Seivia i tokim em, “Taim yu kisim senis, strongim ol brata susa bilong yu” (Luk 22:32; tok strong).

Ritim long wanem samting Pita i tok na wokim insait long Luk 22:31–34, 54–62. Bihain tingim senis bilong yu yet. Yu pilim feitful olsem Pita insait long Luk 22:33? Bilong wanem na ol dispela piling i save lusim yumi sampela taim? Long wanwan de, yumi ken soim olsem yumi save long Jisas Krais.na lavim em. Olsem wanem na yu ken kamap olsem witnes bilong Em long wanwan de?

Luk 22:39–46

Jisas i kisim hevi bilong mi insait long Getsemane.

Presiden Russell M. Nelson i askim yumi long lainim long Seivia na ol sakripais Em i mekim bilong yumi (lukim “Drawing the Power of Jesus Christ into Our Lives,” Liahona, Mei 2017, 40). Stat long ritim Luk 22:39–46. Tingim sakripais bilong Seivia insait long Getsemani. Raitim ol tingting na askim i kam long yu.

Hia em ol sampela skripsa long halivim yu painim ol ansa bilong ol askim bilong yu:

• Bilong wanem na yumi nidim atonmen bilong Seivia? (Lukim 2 Nephi 9:5–26; Alma 34:8–16.)

• Wanem samting Sevia i bin pilim taim Em i karim pen? (Lukim Isaiah 53:3–5; Alma 7:11–13; Doctrine and Covenants 19:16–19.)

• Olsem wanem na pen bilong Krais bai senisim laip bilong mi? (Lukim Moroni 10:32–33.)

Lukim tu “Seivia i karim pen insait long Getsemane” (video), ChurchofJesusChrist.org.

Jon 18:28–38

“Kingdom bilong Seivia i no bilong dispela wol.”

Jisas i tokim Pailet, “Kingdom bilong Mi i no bilong dispela wol” (Jon 18:36). Olsem wanem na kingdom bilong Em i narakain long dispela wol? Bilong wanem na bai yu nid long save long dispela?

Singsing: “I Stand All Amazed,” Hymns, no. 193.

I no Laik Bilong Mi, tasol bilong Yu, Walter Rane i mekim