Haus Buk
Jun 19–25. Matyu 27; Mak 15; Luk 23; Jon 19: “Em i Pinis”

“Jun 19–25. Matyu 27; Mak 15; Luk 23; Jon 19: ‘Em i Pinis,’” Kam, Bihainim Mi —Bilong ol Wanwan Manmeri na ol Famili (Isipela): Niupela Testamen 2023 (2022)

Jun 19–25. Matyu 27; Mak 15; Luk 23; Jon 19,” Kam, Bihainim Mi—Bilong ol Wanwan Manmeri na Ol Famili (Isipela ): 2023

Krais long frant bilong Pailat

Ecce Homo, Antonio Ciseri i mekim

Jun 19–25

Matyu 27; Mak 15; Luk 23; Jon 19

“Em i Pinis”

Matyu 27; Luk 23; Jon 19

Jisas i kisim bikpela pen bikos Em i laikim tumas Papa bilong Em na yumi olgeta.

Insait long 1 Nifai 19:9, Nifai i lukim wanem samting bai kamap long Jisas:

  • “[Ol] i jasim em olsem em i samting nating.”

  • “Ol i wipim em nogut tru.”

  • “Ol i paitim em nogut tru.”

  • “Ol i spet antap long em.”

Lukluk na painim we ol dispela i kamap insait long Matyu 27, Luk 23, na Jon 19. Wanem ves i halivim yu long pilim tru gutpela pasin bilong Krais”?

Lukim tu “Ol i Wipim Jisas na Nilim Em long Diwai Kros” (video), ChurchofJesusChrist.org.

4:49

Matyu 27:27–49, 54

Pasin bilong tok pilai i no inap senisim trut.

Taim Jisas i Nil long Diwai Kros, ol pipol i tok pilai long Em. Ol pipol i save tok pilai long Em na ol lain husat i save bihainim Em long tede. Taim yu ritim Matyu 27:27–49, wanem samting yu lainim long eksampel bilong Em? Olsem wanem na Sevia i mekim long ol lain husat i tok pilai long Em?

Wanem samting yu lainim long toktok bilong Senturion insait long Matyu 27:54?

Krais i karim Kros

“Na em i karim kros bilong em na go antap insait long … Golgotha” (Jon 19:17).

Matyu 27:46; Mak 15:34

Jisas Krais i karim pen em yet so mi no ken karim pen.

Yu bin pilim olsem God em i stap longwe tumas? Jisas i pilim olsem antap long diwai kros. Ritim ol Tok bilong Em insait long Matyu 27:46 and na Mak 15:34 Tingting long sakripais bilong Em long diwai kros na olsem wanem em i ken halivim yu long kam klostu long God.

Luk 23:34

Seivia i rausim rong bilong ol narapela; na mi ken tu.

Yu save pilim olsem wanem taim yu ritim ol tok bilong Krais insait long Luk 23:34? Presiden Henry B. Eyring, bilong Nambawan Presidensi, i tok: “Yumi mas lusim rong bilong ol lain husat i mekim rong long yumi. Seivia bin soim dispela eksampol long diwai kros. … Yumi no save long ol bel bilong ol lain husat i save mekim rong long yumi” (“That We May Be One,” Ensign, May 1998, 68). Olsem wanem na dispela ves bai halivim yu taim yu painim hat long lusim rong bilong narapela?

Singsing: “Upon the Cross of Calvary,” Hymns, no. 184.

Krais antap long diwai cros

Krais antap long diwai Kros, Carl Heinrich Bloch i mekim