Jisōs im Meri

Kōrā, Etke Kwoj Jan̄? jān Mark R. Pugh

Juļae 27– O̧kwōj 2

Alma 39–42

“Karōk in Mōņōņō Eļap ”

Ālkin lukkuun jar im ekkatak Alma 39–42, karōk m̧akūtkūt ko n̄an jipan̄ ajri ro ekkatak. Kwomaron̄ lo ļōmņak ko ilo m̧akūtkūt kein ilaļ me remaron̄ ekkar n̄an jabdewōt kurup in iiō.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān kajjojo ajri n̄an jutak im kwaļo̧k jet men eaar ekkatak jen gospel in ilo m̧weeo ak ilo m̧ōņjar in.

pija ej bōk jikin katakin

Katakin Katak ko: Ajri ro Reddikļo̧k

Alma 39:1, 10–11

Imaron̄ juon waanjon̄ok em̧m̧an.

Alma eaar rōjan̄ Koriantōn n̄an ekkatak jān waanjon̄ok eo an ļōm̧aro jein im jatin im kar kakkōļ Koriantōn n̄an jab bōk waanjon̄ok ko renana jen ro jet.

M̧akūtkūt ko Maron̄ Kōm̧m̧ani

• Kōmeļeļeiki bwe Siblon im Koriantōn raar jeim-jati im bwe Siblon eaar juon waanjon̄ok em̧m̧an n̄an Koriantōn. Kajjitōk ippān ajri ro n̄an āliji kajjitōk in ippam̧: “Eaar ke kwaļo̧k juon waanjon̄ok em̧m̧an n̄an eok?” (Alma 57:25 Kajjitōk ippān ajri ro n̄an kōnono kōn juon eo ej kwaļo̧k waanjon̄ok em̧m̧an n̄an er.

• Ikkure juon ikkure ak al juon al bwe ajri ro ren ļoore, āinwōt “Do as I’m Doing” (Children’s Songbook,276). Kōm̧m̧an bwe kajjojo ajri en wōr aer iien erom̧ juon ritōl ak waanjon̄ok. Kajjitōk ippān ajri ro ewi wāween aer maron̄ kwaļo̧k juon waanjon̄ok em̧m̧an n̄an ro jet.

• Kwaļo̧k pija in an Jisōs kōm̧m̧ani men ko rem̧m̧an, im kōmeļeļeik bwe E ej riwaanjon̄ok eo ad em̧m̧antata. Kōmeļeļeik bwe jemaron̄ in kwaļo̧k waanjon̄ok ko rem̧m̧an, āinwōt kar Jisōs, Kajjitōk ippān ajri ro n̄an jin̄aik aer make kwaļo̧k waanjon̄ok ko rem̧m̧an.

Alma 39:9, 13

Jemedwōj Ilan̄ im Jisōs Kraist remaron̄ jipan̄ eō kajim̧we bōd ko aō.

Men̄e ajri ro reddik rejjab aikuj ukweļo̧k, ba n̄an er kōn Koriantōn emaron̄ jipan̄ er jino meļeļe ta meļeļein ukweļo̧k.

M̧akūtkūt ko Maron̄ Kōm̧m̧ani

• Ijelo̧kin ba unin men kōn bōd ko an, kōmeļeļeik bwe Koriantōn eaar kōm̧m̧an bōd. Ta eo jemaron̄ ba n̄an jipan̄ e? Riit n̄an ajri ro ta eo Alma, jemen Koriantōn, eaar ba n̄an e: “Kwōn ukweļo̧k im eļļo̧k jān jero̧wiwi ko am” (Alma 39:9). Ba n̄an er bwe “ukweļo̧k” meļeļe bwe jej kajjitōk ippān Jemedwōj Ilan̄ im Jisōs Kraist n̄an jeo̧rļo̧k ad bōk im jipan̄ kōj kajim̧we bōd ko jaar kōm̧m̧ani im bwe jenaaj kajjieon̄ erom̧ āinwōt Er.

• Leļo̧k n̄an juon ajri juon men reddo bwe en jibwe ilo am̧ kwaļo̧k juon bwebwenato in juon eo eaar kōm̧m̧an bōd im kar en̄jake būrom̧ōj. Ba n̄an ajri ro bwe menin ej āinwōt en̄jake ko renana jemaron̄ būki n̄e jej kōm̧m̧ane juon bōd. Bōk men eo eddo jen ajri ro ilo am̧ kam̧ool bwe Jemedwōj Ilan̄ im Jisōs Kraist remaron̄ joļo̧k eddodo eo, en̄jake ko renana im jipan̄ kōj kajim̧we bōd ko ad n̄e jej ukweļo̧k. Al ippān doon kōn juon al kōn ukweļo̧k, eo āinwōt “Repentance”(Children’s Songbook,98).

Alma 40:23

Inaaj jerkakpeje.

Jipan̄ ajri ro reim̧aanļo̧k n̄an raan eo n̄e er im ro rejitenbōro ippāer renaaj jerkakpeje.

M̧akūtkūt ko Maron̄ Kōm̧m̧ani

• Ilo am̧ riiti Alma 40:23 eļļaaj, kōm̧m̧an bwe ajri ro ren kōjerbal peij in m̧akūtkūt eo an wiik in n̄an jipan̄ er anto̧o̧ne ļo̧ ta eo eoon in ej kwaļo̧ke. Kajjitōk ippān kajjojo ajri n̄an kōjerbal peij in m̧akūtkūt eo n̄an katakin ajri ro jet ta in jerkakpeje.

• Kwaļo̧k juon pijain jerkakpeje eo an Rilo̧mo̧o̧r, im katakin ajri ro kōn juon al in Jerkakpeje, āinwōt “Did Jesus Really Live Again?” ak “He Is Risen” (Children’s Songbook,64; Hymns, no.199). Ebōjrakrak im kōmeļeļeik meļeļein im aorōkin naan ko im eoon ko.

• Kajjitōk ippān ajri ro eļan̄n̄e ewōr en rejeļā kajjien ekar mej. Kwaļo̧k am̧ naan in kam̧ool bwe juon armej im aolep renaaj jerkakpeje kōn wōt Jisōs Kraist. Eļan̄n̄e kar aikuji, kōjerbal peij in m̧akūtkūt eo an wiik in im kōmeļeļeik ta meļeļein jerkakpeje.

  Meri im Jisōs

  Meri im Rijerkakpeje Irooj, jān Harry Anderson

pija ej bōk jikin katakin

Katakin Katak ko: Ajri ro Rerūttoļo̧k

Alma 39:1, 10–11

Imaron̄ juon waanjon̄ok em̧m̧an.

Kapilōk eo an Alma n̄an Koriantōn emaron̄ jipan̄ ajri ro meļeļe aorōk eo n̄an ļoore n̄an kwaļo̧k waanjon̄ok ko rem̧m̧an.

M̧akūtkūt ko Maron̄ Kōm̧m̧ani

• Kōmeļeļeik bwe Koriantōn nejin Alma eaar kōm̧m̧ane juon jerawiwi eo eļap ijelokin an aikuj kar kwaļo̧k gospel eo. Riiti āliktata in Alma 39:11 ippān ajri ro, im kajjitōk ippāer n̄an ron̄jake ewi wāween an jerawiwi ko an Koriantōn jelet Rizoram ro. Jipan̄ ajri ro ļōmņak kōn armej ro me remaron̄ kar m̧weiir kōn jerbal ko aer. Ewi wāween ad maron̄ ļoor waanjon̄ak ko an armej rein?

• Riit ippān doon Alma 39:1. Ewi wāween an Siblon jatin Koriantōn kwaļo̧k juon waanjon̄ok em̧m̧an? Kajjitōk ippān ajri ro n̄an pukot uwaak ko n̄an kajjitōk in ilo Alma 38:2–4. Kwaļo̧k kōn jet waanjon̄ok ko rem̧m̧an ilo mour eo am̧, im kajjitōk ippān ajri ro n̄an kōm̧m̧an āinwōt. Kwaļo̧k in alooj in “Lessons I Learned as a Boy” (ChurchofJesusChrist.org), im kajjitōk ippān ajri ro ewi wāween an ļaddik eo rūtto kwaļo̧k juon waanjon̄ok em̧m̧an.

• Bōktok juon ten̄ki ak juon pija in aļ, im keidi meram n̄an waanjon̄ok jim̧we. Āinwōt meram in ten̄ki eo ak aļ emaron̄ in jipan̄ kōj lo juon iaļ jej aikuj in ļoore, juon waanjon̄ok ejim̧we ej tōlļo̧k kōj n̄an ta eo jen kōm̧m̧m̧an n̄an ļoor Jemedwōj Ilan̄. Kwaļo̧k juon en̄jake kōn waanjon̄ok an ro jet me eaar jipan̄ eok. Ta eo ajri ro remaron̄ kōm̧m̧an n̄an kwaļo̧k juon waanjon̄ok n̄an ro jet? Kam̧ool bwe Jisōs Kraist ej riwaanjon̄ok eo ad em̧m̧antata.

Alma 39:9–13

Imaron̄ ukweļo̧k n̄e Ij kōm̧m̧an bōd.

Āinwōt kōj aolep, ajri ro kwoj katakin rej jerawiwi im kōm̧m̧an likjab. Ewi wāween am̧ im̧we er n̄an “eļļo̧k jen jerawiwi ko [aer]” im ukweļo̧k? (Alma 39:9).

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k juon iien eo me rekar metak. Ta eo rekar kōm̧m̧ane bwe en mo kinej eo aer? Kōmeļeļeik bwe jerawiwi ej kakinejnej jetōb ko ad, ak Rilo̧mo̧o̧r emaron̄ kōmour kōj n̄e jej ukweļo̧k.

• Kajjitōk ippān ajri ro n̄an pukot naan eo “ukweļo̧k im eļļo̧k jān jero̧wiwi ko am̧” ilo Alma 39:9, im jipan̄ er meļeļe ta in “ukweļo̧k” im “eļļo̧k”. Kam̧ool bwe ukweļo̧k ej jerbal kōn wōt Jisōs Kraist im Pinmuur eo An. Riit ippān doon Alma 39:10–14 n̄an pukot men ko jet jemaron̄ kōm̧m̧ani me renaaj jipan̄ kōj ukweļo̧k im bōbrae jerawiwi.

Alma 40:6–7, 11–14, 21–23

Ālkin mej, jetōb ko ad renaaj etal n̄an laļ eo an jetōb m̧ae iien Jerkakpeje im Ekajet.

Ekkā ļōmņake ta eo enaaj waļo̧k n̄an kōj ālkin ad mej. Naan ko an Alma remaron̄ jipan̄ ajri ro loi uwaak ko reim̧we.

M̧akūtkūt ko Maron̄ Kōm̧m̧ani

• Je mej, laļ eo an jetōb, jerkakpepe, im ekajet ioon juon peba jidikdik ejenoļo̧k , im likūtier ioon bo̧o̧t eo. Jipan̄ ajri ro meļeļe ta meļeļe naan kein. Riit Alma 40:6–7, 11–14, im 21–23 ippān ajri ro, im kajjitōk ippāer n̄an likūt naan ko ioon bo̧o̧t eo ekkar n̄an elaajrak ko aer.

• Je ioon bo̧o̧t eo juon laajrak in kajjitōk ko me remaron̄ in uwaak jen Alma 40:6–7, 11–14, im 21–23, im kajjitōk ippān ajri ro n̄an māāji kajjojo kajjitōk ippān eoon ko me ewaļo̧k uwaakier. N̄an waanjon̄ok, “Ta eo enaaj waļo̧k n̄an ānbwiinū n̄e inaaj jerkakpeje?” uwaak emaron̄ jen Alma 40:23. Eļan̄n̄e ekkar, kōmeļeļeik naan ko repen n̄an ajri ro ilo aer riit. Rōjan̄ ajri ro n̄an kwaļo̧k etke rej kam̧m̧oolol kōn karōk eo an Jemedwōj Ilan̄.

pija ej bōk jikin ekkatak

Kōketak Ekkatak ilo M̧weo

Rōjan̄ ajri ro n̄an kam̧m̧oolol eo uwaan baam̧le eo eo eaar juon waanjon̄ok n̄an er im ļōmņake juon wāween remaron̄ in kwaļo̧k waanjon̄ok ko rem̧m̧an ilo wiik in.

Kōkōm̧anm̧anļo̧k Ad Katakin

Kobaik en̄jake ko “Eitōn aolep ajri (im rūtto) em̧ōkaj aer ekkatak n̄e elōn̄ en̄jake rej koba ilo katak ko. Pukot wāween ko n̄an jipan̄ ajri ro kōjerbal en̄jake in loļo̧kjen, ron̄ļo̧kjeņ, im aer an̄uuri ilo aer ekkatak” (Teaching in the Savior’s Way,25).

peij in m̧akūtkūt: Inaaj jerkakpeje