Ruo Taujin Ritariņae ro Rem̧m̧an Ded, jān Arnold Friberg

O̧kwōj 10–16

Alma 53–63

“Kōn Kajoor eo Eaiboojoj An”

Ilo am̧ riiti Alma 53–63, kōļmenļo̧kjeņ kōn wāween am̧ maron̄ bōktok bwebwenato ko ilo jebta kein n̄an mour ko an ajri ro n̄an jipan̄ er ekkatak pedped in katak ko an gospel in ko bwebwenato ko rej katakin.

Je En̄jake ko Rej Im̧we Eok

Kajjitōk bwe ren Kwaļo̧k

N̄an kepooj ajri ro n̄an ekkatak jen Alma 53–63, kajjitōk ippāer n̄an kwaļo̧k ta eo rej keememeje kōn Anti-Nipai-Liai ro (lale Alma 23–24). N̄an jipan̄, kwaļo̧k juon pija kwaar kōjerbale n̄an kwaļo̧k bwebwenato eo, ak kakeememej er kōn juon ikkure raar kōm̧m̧ane ilo kūlaaj.

Katakin Katak ko: Ajri ro Reddikļo̧k

Alma 53:20–21; 56:27, 47–48

Imaron̄ in tiljek n̄an Anij āinwōt ritariņae ro.

Ritariņae ro an Hilamōn (meļeļein “ro reddik”) ritariņae ro remaron̄ in juon waanjon̄ok em̧m̧an n̄an ajri ro ilo kūlaaj eo am̧. Rōjan̄ ajri ro n̄an kajjieon̄ āinwōt er.

M̧akūtkūt ko Maron̄ Kōm̧m̧ani

• Kajjitōk ippān juon ajri n̄an kotak pija eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le ko ilo am̧ kōmeļeļeik bwebwenato in ritariņae ro an Hilamōn. Komaron̄ barāinwōt kōjerbal “Jebta 34: Helaman and 2,000 Young Warriors” (Bwebwenato Ko Jen Buk In Mormon, 93–94, ak ilo pija in alooj eo ilo ChurchofJesusChrist.org). Kōm̧m̧an bwe ajri ro ren kwaļo̧k ta eo rejeļā im em̧m̧an ilo bwebwenato eo kōn 2,000 ritariņae ro.

• Kajjitōk ippān juon leddik ak ļaddik n̄an pinej jenkwan jinen im jemen ritariņae ro. Ilo am̧ riiti Alma 56:27 im 47–48, leļo̧k n̄an ajri rein men ko n̄an jibwi me rej pinej jenkwan elmen an ro jinen im jemen kar jipan̄ ritariņae ro, āinwōt leļo̧k m̧ōn̄ā n̄an pinej jenkwan “kein jipan̄” ko baba ro raar jilkinļo̧k im jeje ko rekwojarjar n̄an pinej jenkwan katak ko an ro jineer. Kajjitōk ippān ajri ro n̄an kwaļo̧k men ko ro jineer im jemeer raar liļo̧k n̄an er ak katakin er.

• Riit Alma 53:20–21, im jipan̄ ajri ro jeļā ta naan ko āinwōt pen, peran, kajoor, im m̧ool meļeļein. Kōmeļeļeik wāween an ritariņae ro kar kwaļo̧k paoktok kein. Kōm̧m̧ane tāāk in āt ko n̄an ajri ro kōn naan in, “N̄e ij , āinwōt ritariņae ro!” Jipan̄ ajri ro kanne ļain eo ejjeļo̧k kobban kōn naan eo rej kālet jān Alma 53:20–21.

• Kajjitōk ippān ajri ro n̄an kadedeikļo̧k peij in M̧akūtkūt eo an wiik in. Jipan̄ er ļōmņake wāween ko remaron̄ in āinwōt ritariņae ro an Hilamōn. Al ippān doon “We’ll Bring the World His Truth” (Children’s Songbook, 172–73).

Alma 58:32–41

N̄e Ij inepata, Imaron̄ leke Anij.

Ke e im ritariņae ro an raar ioon iien ko reppen, Hilamōn eaar leke Irooj. Ta eo ajri ro ilo kūlaaj eo am̧ remaron̄ ekkatak jān waanjon̄ok eo an?

M̧akūtkūt ko Maron̄ Kōm̧m̧ani

• Jin̄aik juon mejen kōrraat ilo boot eo, im kōnono kake wāween an kar Hilamōn inepata kōn an kar ritariņae ro an kar jabwe kijeer ak jabwe em̧m̧aan n̄an ire (lale Alma 58:32–41). Kajjitōk ippān ajri ro n̄an kwaļo̧k iien eo me rekar inepata. Riit Alma 58:37 (ak jipan̄ ajri eo riiti), im jipan̄ ajri ro ukōt mej eo ilo boot eo n̄an juon mejen ettōn̄dikdik n̄an kwaļo̧k wāween an Hilamōn kar en̄jake kōnke eaar leke Anij. Ta eo jemaron̄ kōm̧m̧ane n̄e jej en̄jake inepata? Al ippān doon “Smiles” (Children’s Songbook, 267).

• Je ioon jet peba jet men ko me ajri ro remaron̄ inepata kaki. Kōm̧m̧ane bwe ajri ro ren bōk kuņaer kālet juon peba bwe kwon riiti, im kajjitōk ippān ajri ro n̄an kwaļo̧k wāween an Anij kar jipan̄ er kōn kajjojo iaan ritariņae rein. Kwaļo̧k juon en̄jake me Anij eaar jipan̄ eok ke kwaar inepata.

Katakin Katak ko: Ajri ro Rerūttoļo̧k

Alma 56:45–48; 57:21, 25–27; 58:39–40

Imaron̄ in tiljek n̄an Anij āinwōt ritariņae ro.

Ta m̧ool ko jān bwebwenatoon ritariņae rūm̧m̧an ded ro an Hilamōn (meļeļein “reddik”) emaron̄ jipan̄ ajri ro kōn apan̄ ko rej iooni?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k ta eo rejeļā kōn ritariņae ro. Kwomaron̄ barāinwōt kōjerbal “Jebta34: Helaman and the 2,000 Young Warrior (Book of Mormon Stories, 93–94, ak pija in alooj eo ilo ChurchofJesusChrist.org Kōtļo̧k bwe ajri ro en kwaļo̧k ta eo em̧m̧an ippaer kōn ritariņae ro.

• Riit ippān doon Alma 56:45–48; 57:21, 25–27; im 58:39–40. Kajjitōk ippān ajri ro n̄an pukot naan ko jān eoon kein me rej kōmeļeļeik kōn ritariņae ro. Ta meļeļein naan im eoon kein? Ewi wāween ad maron̄ āinwōt ritariņae ro?

• Riiti Alma 56:46–48 n̄an ajri ro, im kajjitōk ippāer n̄an ron̄jake ta eo ro jinen ritariņae ro eaar katakin ajri ro nejier kōn tōmak. Ewi wāween an ro jinen im jemen ajri ro raan kein jipan̄ ro nejier bōk tōmak? Etke eaorōk bwe ajri ro ren ļoor katak ko rejim̧we jān ro jineer im jemeer im ritōl ro an Kabun̄ in ilo “jejjet”? (Alma 57:21).

Ine in Tōmak, jān Jay Ward

Alma 53:10–17; 56:27

Imaron̄ kōjparok bujen ko aō.

Ritariņae ro im ro jineer im jemeer raar kōm̧m̧ani bujen ko bwe renaaj tiljek wōt. Kwomaron̄ kōjerbal bwebwenato in n̄an katakin ajri ro kōn aorōk eo an bujen ko.

M̧akūtkūt ko Maron̄ Kōm̧m̧ani

• Kōjeno̧ļo̧k ajri ro n̄an jilu kurup ko: juon en pinej jenkwan Hilamōn, eo juon en pinej jenkwan armej ro an Ammōn, im eo kein kajilu en pinej jenkwan ļaddik ro nejin armej ro an Ammōn. Riiti Alma 53:10–17 ippān doon, im kōm̧m̧an bw kurup ko ren kwaļo̧k wāween an armej ro rej pinej jenkwaeer kar kōm̧m̧an im kōjparok bujen ko aer. Kwaļo̧k naan in kam̧ool eo am̧ bwe Jemedwōj Ilan̄ ej kōjeram̧m̧an kōj n̄e jej kōjparok bujen ko ad.

• Je ioon boot eo naan ko jān Mosaia 18:8–10 ak Katak im Bujen ko 20:37 me ej kōmeļeļeik men ko jej kallim̧ur n̄an kōm̧m̧ani ke jaar peptaij. Bar je naan ko jet rejjab iookļo̧k bujen ko. Kajjitōk ippān ajri ro n̄an doululi men ko jej kallim̧ur n̄an kōm̧m̧ani (kōtļo̧k bwe ren kōjerbal jeje ko rekwojarjar eļan̄n̄e ekkar). Ewi wāween ad jeraam̧m̧an n̄e jej kōjparok bujen ko ad? Rōjan̄ ajri ro n̄an je ta eo raar kallim̧ur ippān Anij n̄an kōm̧m̧ane im kwaļo̧k laajrak eo aer ijo emaron̄ emakijkij aer loe.

• Kajjitōk bwe juon ajri en riiti Alma 56:27. Ewi wāween an ro jemen jipan̄ ļaddik ro nejier n̄an jab rubwe kallim̧ur eo aer n̄an jab ire? Wōn eo ej jipan̄ kōj n̄an kōjparok bujen ko ad?

Alma 61:3–14

Imaron̄ kālet n̄an jab illu.

Moronai eaar kōnanaik Peoran, ijeļo̧kin an tin illu, Peoran eaar ba, “Ij … m̧ōņōņō ilo ļap in kilaam̧” (Alma 61:9).

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an ļōmņake juon iien ke raar kōnana kōn men eo raar jab kōm̧m̧ane. Jiron̄ er elmen an kar menin waļo̧k n̄an Peoran (lale Alma 60–61). Komaron̄ kōjerbal “Jebta 35: Kapen Moronai im Peoran” (Book of Mormon Stories, 95–97, ak ilo corresponding video ilo ChurchofJesusChrist.org). N̄an katak kōn wāween an Peoran kar kōm̧m̧an, bōk kuņaan doon riiti eoon ko jān Alma 61:3–14. Ta eo Peoran eaar kōm̧m̧ane bwe Moronai en kōnanaik e? Ta eo jaar ekkatak kōn jeorļo̧k bōdjān waanjon̄ok eo an Peoran? Ewi wāween ad āinwōt e?

• Je ioon bo̧o̧t eo Ta iakuj kōm̧m̧ane n̄e juon ej illu ippa? Kajjitōk ippān ajri ro n̄an bōk kuņaer je jet uwaak ioon boot eo. Ewi wāween an nej Peoran kar uwaake kajjitōk in? Kajjitōk ippān ajri ro n̄an je uwaak kein ilo juon leta n̄an er make bwe ren maron̄ riiti n̄e juon ej illu ippāer.

Kōketak Ekkatak ilo M̧weo

Rōjan̄ ajri ro n̄an kwaļo̧k n̄an baam̧le ko aer juon wāween remaron̄ kōņaan āinwōt ritariņae ro. Remaron̄ bar kam̧m̧oolol ro jineer im jemeere kōn aer katakin er āinwōt ro jinen ritariņae ro.

Kōkōm̧anm̧anļo̧k Ad Katakin

Kobaik ajri ro ilo kōnono kōn gospel in. Karōk kobban kūlaaj eo emaron̄ jet iien jipan̄ ajri ro em̧m̧anļo̧k aer bōk kuņaer ilo kōnono kōn gospel in. N̄an waanjon̄ok, kwomaron̄ emakijkij kajjitōk ippān ajri ro bwe ren jijet ilo juon doulul ak ioon laļ ijeļo̧kin jiia eo aer.